【大阪地鐵改裝】大阪雖然係關西最繁榮嘅府縣,不過整體感覺比東京更帶有昭和時代嘅復古、歷史感。於大阪營運地鐵嘅「大阪Metro」,日前就宣布將幾個車站進行大規模改裝!唔少網友睇咗官方發表嘅改裝設計圖後,都話「好崩潰」、「睇完設計圖後非常懷疑自己雙眼」,到底設計圖有幾「恐怖」呢?

撰文:C |圖片:Osaka Metro

大阪地鐵改裝

根據「大阪Metro」嘅發表,改裝車站為御堂筋線嘅9個車站,以及中央線嘅6個車站。將投資300億,按次序進行車站改裝,並預計於2024年或之前完成。

新設計嘅概念為突出每個車站嘅特色,例如近大阪城嘅「谷町四丁目」站將改裝成「金之茶室」,並將車站內塗成金色;「心齋橋」站則計劃於月台設置大螢幕電子廣告。

網友惡評如潮

日本記名網站change.org上開展咗一個名為「請讓歷史悠久的大阪地下鐵留在未來!」(歴史ある大阪の地下鉄を未来に残してください!)聯署活動。截至12月24日早上10時,已經有超過13,000人參與。

網民對於新設計均表示不安:

「睇完啲設計圖,好懷疑自己對眼到底睇咗啲乜嘢。」

「新設計同我哋日常接觸嘅,帶著復古可愛感,又令人心情安穩嘅大阪地下鐵車站氛圍完全分離,充滿廉價感、花俏又惡趣味嘅設計,話要凸顯車站特色,其實同該地嘅聯繫更為薄弱。」

「平壤地下鐵嘅設計比『大阪Metro』更有sense。」

https://twitter.com/SakaiRailway/status/1076472990496284672

大批網友認為,隨住近10年嘅城市急速發展,大阪內嘅歷史建築好多已經被破壞咗,雖然理解修葺環境可以帶來利益,但除咗抹去歷史建築等文化,應該仲有其他方法,既可以留下大阪原有的風貌,又能變得吸引人潮。大阪嘅昭和感特色,似乎被愈削愈弱了。

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡

大阪有什麼好去處及景點推介?

大阪自由行必去這些景點,當中包括USJ大阪環球影城,即睇USJ門票及交通攻略。然而,去旅行怎可忽視美食部分?必到這些人氣美食餐廳,當中更有蟹宴放題平價米芝蓮餐廳之選。另外,不得不到溫泉旅館/按摩店溫泉主題樂園全新門真大型三井Outlet商場臨空城OUTLET。準備到日本賞櫻花的大家,可預先一看日本櫻花花期預測