每逢到聖誕節,男士們就要小心,只要做錯以下其中一樣,隨時會破壞節日氣氛,要過個lonely Christmas。而眾兵仔,就更加可以學下,避免中以下5個陷阱,說不定可以俘虜女神的心,與女神靠得更近!

撰文:eun|圖片:電影《Filth》、《500 Days of Summer》、《Mr & Mrs Smith》、《Nightcrawler》、《Her》劇照、新傳媒資料室(原文刊於《新假期》)

1. 冇預約餐廳

其實大家都心知肚明,所謂聖誕大餐,只係平時menu轉一轉個名,再收你double價錢。不過難得一年一次,就算幾唔願意被人劏都好,男朋友或者兵仔,點都要預約定餐廳。食聖誕大餐嘅重點係情調,食物只係其次。假如聖誕節都冇預約好餐廳,即使你女朋友或者女神唔係港女,點都會有少少唔開心。假如兵仔喺呢部分做得好,甚至可以做到投其所好,一早留意女生喜歡食的菜式,預先book定女神鍾意食嘅餐廳,話唔定從此可以退役。

男女朋友陷阱
雖然有部分女仔都喜歡簡簡單單食個飯就算,但亦唔排除你女朋友或者女神喜歡到餐廳食聖誕大餐。約佢之前,不妨問下佢想食啲咩,咁就穩陣喇!

男女朋友陷阱
有部分女仔就鍾意食聖誕大餐,如果你可以book到女朋友/女神鍾意食嘅餐廳,真係完全加晒分!

2. 聽唔出女朋友/女神真正嘅意思

其實唔少女性都係口是心非,當你問佢:「想收到咩禮物啊BB/女神?」大部分都唔會直接講出答案,又或者叫你唔使送。當你以為真係唔使送聖誕禮物嘅時候,少年,你太年輕了!其實女性唔直接講出答案,當然就係想你估下佢個心諗緊咩,假如你估得中,又送得啱禮物的話,女朋友自然會覺得你十分了解佢;而女神當然會對你嘅好感提升,甚至暗地裡加分。

男女朋友陷阱
部分女人好蠱惑,佢話「唔好送」即係「要送」,各位男生唔好蠢下蠢下咁喇,諗定佢需要啲咩啦!

3. 送錯禮物

其實送禮物係一種學問,首先你要了解收禮物對象需要啲咩、喜歡的牌子、款式,亦要考慮禮物的價錢及實用性。假如只係單方面從自己角度出發,送出認為「對方一定好鍾意」嘅禮物,隨時半隻腳踩入陷阱。所以作為男朋友或兵仔,當然要打聽一下女朋友或者女神的口風,假如最近對方話銀包開始爛,你要識做呢!

男女朋友陷阱
各位男生唔好懶醒,唔好從自己嘅角度出發,嘗試諗下對方需要啲咩,咁就自然可以減少中伏機會。

4. 求其影相

在打卡至上的年代,唔少女仔都喜歡到不同地方影相打卡留念。再加上聖誕節咁多商場布置,就更加要影多啲相po上Ig呃like啦!要幫女朋友/女神影靚相,當然唔可以求其影啦!要影一張靚相,絕對唔係咁易㗎葉師傅!

首先,你要做好無限影嘅準備。

第二,要準備好照片的構圖,唔好有其他閒雜人喺張相度出現。

第三,要低炒,影到女朋友/女神的長腿(無論佢有冇一對長腿)。

第四,要捕捉到女朋友/女神最漂亮、最甜美的一面。假如你影相影得靚,兵仔話唔定可以有下一次出街嘅機會,又可以同女神增進感情!

男女朋友陷阱
影一張靚相,當然要考慮照片的構圖,同埋要影到對方身體嘅特點(例如:長腿)。

男女朋友陷阱
除咗要影到女朋友/女神最靚的一面,有時都要影下佢哋不經意嘅一面。

5. 大時大節冇表示

即使你做錯以上4樣其中一樣,我諗女朋友/女神最多都會有少少嬲同唔開心。但如果你大時大節都冇咩表示,例如:唔諗慶祝節目,甚至乎唔約女朋友出街,咁你可以執定包袱喇!下年吸取今年經驗啦朋友!

既然你咩表示都冇,基本上可以執定包袱,下年努力搵個新女朋友啦巴打!
既然你咩表示都冇,基本上可以執定包袱,下年努力搵個新女朋友啦巴打!

有什麼聖誕好去處推薦?

聖誕當然不可不去商場聖誕擺設9大巨型聖誕樹聖誕燈飾打卡,包括西九文化區K11 MUSEA聖誕樹,適合情侶及與朋友、家人、小朋友一同感受濃厚浪漫聖誕氣氛!聖誕市集方面,可看聖誕市集2022,其中不得不去D2 Place赤柱美利樓

有什麼聖誕禮物推薦?

建議可選擇實用類型的禮物,GOtrip整合一系列聖誕禮物提案,包括HK$500、HK$300、HK$200、HK$100內,即睇:聖誕禮物推薦。另外,與朋友派對時絕不可以缺少聖誕蛋糕增添節日儀式感。