大台播《4個小生去旅行》,唔係講笑,堅好睇。好睇嘅除咗俄羅斯靚景外,食住花生睇四哥之爆seed是怎樣鍊成的才是正經事嘛﹗細心留意,就會發現其實喺節目中四哥已經頻頻亮出史上最強武器:手臂之延伸。

呢個手臂之延伸,其實係一碌學名稱為「三軸式手持穩定器」嘅神棍,售價原來要成HK$2,000!四哥將佢心愛嘅GoPro夾喺神棍上面,無論係影風景定自拍,畫面都會非常穩定!比起托到手軟的大型攝錄機,呢枝輕便神棍兩千零蚊就有交易,都可算對係居家旅行必備神器!

亮點:疑似武器,四哥手臂之延伸。

能夠令四哥片刻不能離嘅,梗係pro嘢啦!佢係俾GoPro專用嘅三軸式手持穩定器。一器在手,無論你隻手喺旅途上點顛簸狂郁,夾咗係穩定器上嘅GoPro鏡頭依然可以穩定追fo,影出嚟啲畫面直情好似鋪咗條軌喺地下影出嚟咁,絕無半絲handheld痕跡!

穩定神棍有三個mode任選,可以揀上下左右完全鎖死鏡頭模式(Locking Mode)、鏡頭可以完全自由移動嘅航向及俯仰角度跟隨模式(Heading and Pitch Following Mode)或者航向跟隨模式(Heading Following Mode)三種模式。而且勁方便,只要襟一下神棍上嘅白色掣,立刻轉mode亦得,得咗﹗

作為可能係世上最貪靚嘅男人,四哥仲加裝咗部電話喺穩定器上面,咁就可以透過Wi-Fi即時睇返GoPro拍攝到嘅影像。

神棍其實係利用反作用力令GoPro鏡頭可以以穩定固定嘅角度進行拍攝。正所謂活到老學到老,想清楚了解穩定器運用方法,即時去片啦!

疑似四哥碌棍大起底:

型號:FeiyuTech 3-Axis Handheld Steady Gimbal
支援機種: GoPro3/GoPro3+
淨重:0.305kg(未連電池及相機)
神棍官網:http://www.feiyu-tech.com/product-en.php?id=43

官網售價:USD$299(約HKD$2,332)
香港售賣點:瑩記 (地址:九龍深水埗鴨寮街162號/電話:2725 2373)