冬天保濕|近一個星期氣溫急跌,濕度都愈降愈低,大家做好保濕未呢?唔少女生因為怕皮膚乾燥,一見轉冷就起勢咁保濕,又用盡一切方法內、外夾攻。不過,即使天氣突然變乾,都唔可以做太多保濕!因為分分鐘會令皮膚愈保濕愈乾!

冬天保濕方法 3大護理陷阱

乾燥季節所進行嘅保濕方法,其實分分鐘會有反效果!日本皮膚科醫生・遠藤光子就教大家,3大防乾燥護理容易出錯嘅地方,同正確保濕方法。

1. 長時間浸浴

對改善手腳冰冷、健康、美容都有一定功效嘅浸浴,原來浸泡時間愈長,對皮膚愈唔好!

醫生解釋,浸到皮膚變軟出現「皺皮」情況嘅話,說明天然保濕成分(NMF)及細胞之間嘅脂質、神經醯胺等成分正在流失並形成乾燥。長時間入浴後,建議使用保濕成分較高嘅化妝水保濕,然後再用乳液、保濕霜、油等補充皮膚油分。

冬天保濕
(圖片來源:unsplash@noithatrakhoi)

2. 投入過多水分

為皮膚加入過量水分,會破壞皮脂分泌平衡,有機會導致皮膚保濕機能低下!

加濕器太接近臉部、錯用噴霧化妝水

貼於臉上嘅水分,於蒸發時,會連同皮膚水分一齊蒸發,因此,須避免將加濕器放得太接近臉部。

此外,噴霧化妝水亦會快速被蒸發,所以需要特別注意!特別係無添加產品,其所含嘅保濕成分較少,蒸發時,會連同皮膚水分一齊流失!

不過噴霧化妝水,用作洗臉後塗化妝水前嘅booster、入浴後嘅護膚程序、定妝等等,又或作為補充水潤感時,能均勻塗到臉上,可有效避免接觸到手上雜菌等好處。

面膜敷到就變乾先撕走

保濕面膜係冬日保濕當中重要嘅一環,但唔係敷嘅時間愈長就愈好!由於水分會轉移到乾燥嘅一方,如果敷到面膜邊緣乾到浮起,皮膚嘅水分就會反被面膜吸走,令水分流失。敷面膜時,謹記要依照規定時間,亦唔好敷住面膜入睡!

冬天保濕 保濕面膜
(圖片來源:IG@hyelinseo)

敷化妝水面膜

可浸透到薄角質層中嘅化妝水係有限量嘅。塗抹太多會令本來嘅油脂分泌失衡,有機會導致保濕機能下降。使用適量含有神經醯胺成分嘅化妝水,用手包覆臉部,好似要將水分壓入皮膚咁輕輕按壓,而非使用化妝棉等工具製作化妝水面膜。

3. 使用過量潤唇膏

冬天必備嘅潤唇膏,你會唔會隨身攜帶,一覺得乾就即刻搽上嘴?呢個做法其實分分鐘會傷害到嘴唇!

由於唇部嘅角質層較薄,用潤唇膏雖然可以防止乾燥,但若然塗得太頻繁,令摩擦增多,則會令嘴唇邊緣變乾易裂。

冬天保濕 唇瘡
(圖片來源:IG@mikakuro)

醫生指,沿住縱向唇紋搽一次已經足夠,因為薄荷醇都有機會成為引起刺激嘅原因,所以要注意唔好塗太多。

為什麼做足保濕但皮膚愈來愈乾?

唔少女生因為怕皮膚乾燥,一見轉冷就起勢咁保濕,又用盡一切方法內、外夾攻。不過,即使天氣突然變乾,都唔可以做太多保濕!因為分分鐘會令皮膚愈保濕愈乾!即睇3大護膚陷阱

潤唇膏每日要搽多少次?

由於唇部嘅角質層較薄,用潤唇膏雖然可以防止乾燥,但若然塗得太頻繁,令摩擦增多,則會令嘴唇邊緣變乾易裂…詳情請看

圖片來源:unsplash@noithatrakhoi、IG@hyelinseo、IG@mikakuro