澳洲係港人旅遊熱門地,除咗城市美景,仲有數不盡嘅自然風光同食唔完嘅海鮮。一直都心郁郁想去嘅我,早前終於坐言起行,買咗廉航Jetstar經新加坡再飛往達爾文嘅航班,即刻同大家分享我今次旅程嘅體驗!

(Presented by Jetstar | photo:Tourism Australia、Jetstar、Changi Airport )

推薦任食海鮮 必去達爾文露天市集+音樂會

達爾文係一個多元文化嘅城市,所以一直都好想去親眼睇下。呢度有唔少國家公園、瀑布同濕地等景色。因為日影《在世界中心呼喚愛》,我同時一直好想去 Uluru睇睇,從達爾文就可以去到喇!或者可以從墨爾本/悉尼飛過去, Uluru 係澳洲聖地, 地位就等如富士山喺日本一樣咁神聖,所以一定要去朝聖一下!

除咗睇自然風光,達爾文都係個好適合城市散步嘅地方。呢度經常會有唔同類型嘅戶外市集、音樂會等,最適合鍾意熱鬧嘅人!我哋今次參加咗逢周四、周日舉行嘅Mindil Beach Sunset Market,有美食有音樂,超好玩!

而且嚟到澳洲,當然唔可以錯過海鮮啦!澳洲生蠔真係又平又肥美,食過一次已經返唔到轉頭!因為近海,所以除咗生蠔,仲有好多選擇,其中我哋就揀咗Seafood on Cullen,可以任食海鮮,最啱我同朋友呢類海鮮控。

買機票前起起底 推薦廉航Jetstar安全又準時

出發前搜尋過唔少資料,知道香港係冇直航去達爾文,最後就決定坐廉航Jetstar,因為上網睇過唔少「前輩」分享,Jetstar嘅準時度高過唔少傳統航空,對於相當怕delay會影響行程嘅我哋嚟講,呢點非常重要!佢哋仲話Jetstar係澳航旗下,係澳紐最大嘅廉航(日本國內都係),連丹麥王妃都有坐Jetstar,加上有「世界十大安全廉航」嘅加持,令我放心買機票。

行李限制要清楚 可同行share最好

除了航班安全重要,價格亦係我選擇Jetstar嘅原因。廉航嘅好處就係「用幾多畀幾多」,行李、餐飲等都可以自由選擇要或唔要,超級靈活!今次我同幾個好朋友去,當中有幾個係血拼女王,好彩Jetstar冇行李件數限制,仲可以同同一訂單嘅同行者share,先可以避免佢哋買爆喼啊!不過要注意,唔同航線會有唔同行李收費政策,大家要睇清楚啊!

機票價格保證 以最低價遊世界

朋友知道我睇中咗Jetstar,就叫我再搵下有冇其他航空公司有更抵嘅機票(而事實當然係冇啦),因為原來Jetstar係有提供超低價保證*,我都係第一次聽過有航空公司有呢種保證!網頁清楚列明,如果喺網上搵到價格更低嘅同等可比機票,Jetstar會即刻提供九折優惠!

更多Jetstar省錢招數:5招讓你慳更多
*受條件約束,只適用於部分航線。

記得領新幣20元禮券 幫你慳更多

香港經新加坡再飛往達爾文嘅航班,中間約有4個幾鐘嘅等候時間,當然唔可以浪費!如果你同我一樣訂咗Jetstar即日至2019年2月28日*經樟宜機場過境嘅航班,記得先去攞番張價值新幣20元(相當於港幣百多元)嘅禮券!禮券適用於購物、餐飲同休息室,等你喺等轉機期間都可以花小錢有大享受!

*適用於來回均選乘Jetstar航空並於樟宜機場轉機之乘客。
*適用於即日起至2019年2月28日期間的行程預訂,以及行程日期為即日至2019年3月31日。樟宜首選禮券有效日期至2019年3月31日。
詳情:https://www.jetstar.com/hk/zh/changi-transit-voucher

多種娛樂設施 食買玩樣樣齊全

樟宜機場裡面有完善嘅休閒設施、各種娛樂場所,好似我哋今次中間有4個幾鐘空檔,就啱啱好可以坐低食啲嘢。呢度真係超多美食,同班朋友一人買一樣share嚟食就最啱喇!當然少不了免稅店,應有盡有,好彩我自制力強,但班血拼女王就忍唔住手,未到澳洲已經開啟shopping mode喇!

若候機時間多過5.5小時 記得參加免費新加坡city tour

網上嘅分享仲話我知,如果過境轉機需要等待超過5.5小時,仲可以報名參加免費嘅新加坡城市之旅。兩小時嘅巴士導覽行程,會帶大家去到新加坡嘅地標,好似魚尾獅公園同濱海灣花園等必到景點。可惜我哋今次時間唔夠,唔係一定join啊!

了解更多機場設施:www.changiairport.com

想同我一樣以最抵價錢遊盡達爾文,記得揀Jetstar啦!
立即買平機票:http://www.jetstar.com
登記免費會員Jetmail:https://booknow.jetstar.com/register.aspx?culture=zh-HK