新Mask喬妝蛋黃哥!

去年年尾小丸子面膜掀搶購熱潮,Sanrio的一班角色都唔執輸,布甸狗、梳乎蛋(蛋黃哥)、水怪一齊出面膜,最搞鬼竟然係有焦糖味!

三種角色、三種味道,包括布甸狗 – 焦糖味; Hangyodon水怪 – 香柑橘味;梳乎蛋就係香草味!

臉膜每塊432円,1月中已正式推出!可以於sanrio.co.jp網購,亦可以在さんりお屋(一部店舗)以及藥妝店找到,到底實物係點呢?

實物曝光!

ig用戶shiiyan0902上星期發布了試用圖片,選了最受歡迎的蛋黃哥款式;有趣的造型,打開都唔捨得放上面呀……


唔用好地地,一敷上臉就出事啊!原來將蛋黃哥放上臉之後,好似變態殺手一樣,好似恐怖片的主角啊!

比拼看看,真係好似恐怖片《Friday the 13th》嘅主角Jason呀!