(編按:無論做邊一行都好,總會有一兩個「反白眼」嘅瞬間。而喺飛機上面,亦總會有乘客喺空服員最忙嘅時候,做啲唔適當嘅嘢⋯⋯)

每次喺最忙嘅時候,總會發生呢啲事!

喺飛機上面,有好多果汁、汽水可以畀乘客選擇,有時候問著一啲冇乜preference嘅乘客想飲啲咩嘅時候,佢會話「隨便」!既然口味上面你冇辦法作出選擇,不如我哋試下從健康層面著手比較下啦!

飛機常見飲品比拼 發現⋯⋯

我搵咗一啲飛機上面比較常見嘅果汁同汽水(選擇咗最常見嘅牌子),影低咗佢哋嘅營養標籤,幫你一次過比較晒唔同飲品嘅營養價值。

關於卡路里的小發現

  1. 蘋果汁同橙汁兩款最常見的果汁竟然係最高卡路里,比起第三大汁王番茄汁竟然多出一倍!
  2. 另一點值得留意嘅係氣泡水(即係好似好高級嗰隻綠色罐法國牌子水) 同埋梳打水,雖然時常會被人當成係同樣嘅飲品,但其實氣泡水係完全冇熱量嘅!

關於碳水化合物(主要係糖)的小發現

  1. 唔好以為汽水入面一定多糖過果汁呀!兩大常見果汁王先係最多糖呀!就連公認非常sweet嘅正常可樂都唔夠果汁揮呀!
  2. 另外需要留意嘅係,氣泡水同梳打水除咗喺卡路里方面,原來喺糖分上面,都有明顯嘅差距!
  3. 至於無糖可樂呢,就真係冇糖喎!

關於鈉的小發現

雖然番茄汁喺鈉方面比起其他所有飲品都好似超標好多,但係鈉亦係維持人體機能正常運作的必要元素,只要唔好過量攝取就得喇(世衛標準係成年人每日不多於2,000mg)!

總結:果汁唔一定係比較健康嘅選擇

有時會見到有啲乘客想叫杯汽水,然後身旁嘅另一半就會好緊張咁話:「你咁肥仲飲汽水?飲果汁啦!」可能大家一直都有個核板印象,就係果汁會健康啲。但係始終飛機上面嘅果汁都唔係新鮮果汁,其實都只係果汁味嘅人工飲料!今次發現,其實飲呢啲以為佢哋好健康嘅飲品,原來分分鐘會更加致肥!

Tags :