飛機揀位|去旅行不嬲未出發先興奮!正所謂好嘅開始就係成功嘅一半,搭飛機正正就是旅程的開始,當然有一部分人覺得搭飛機只是幾小時的事,沒有特別好或差,但有些人就覺得搭飛機的座位要諗過度過。其實選飛機座位大有學問,今次就由我教你揀個好座位啦!

8大預防旅行暈機浪方法

機票優惠格價平台:Trip.comKlook
酒店住宿格價平台:Trip.comHotels.comBooking.com
景點門票及當地遊優惠平台:KlookKKday

飛機揀位貼士1. 前座位有好有唔好

我自己呢,就唔鍾意坐咁前嘅,因為每個compartment(機艙)第一排,即係我哋叫嘅 bulkhead seat其實都係bassinet seat,即係嬰兒籃位,短程還可以,長途的話,你又怕嘈的話,真係要等個BB瞓著,你先瞓得著。我無意歧視帶BB travel嘅人,只係BB/小朋友的確係難控制啲。

飛機揀位貼士2. 旅行團專坐後排

通常機尾都會係安排畀旅行團或人數多嘅旅客坐比較多,所以嘈嘅機率亦較高,怕嘈嘅話,可以盡量避免。亦都係較近洗手間,被打擾嘅機會就較高。另外,每個compartment最後一排有時都會有客鍾意,佢哋貪後面冇人會踢到佢哋張椅,兼且可以無後顧之憂咁大挨去後面。不過要留意番,有啲飛機最後一排係limited recline – 即係可以躺後,不過角度冇正常位一樣咁躺到最盡,自己考慮下啦!

河口湖交通 飛機揀位|地勤教8大揀機位貼士 前排後排最多騷擾、最好坐係呢個位!
後排位置通常留給旅行團或人數多的旅客。(圖片來源:地勤夫妻去旅行)

飛機揀位貼士3. Bulkhead同emergency seat=legroom seat

有好多人對呢啲位有特別喜好,因為可以伸長對腳,我自己就一般般。Bulkhead其實係第一排位,都係有塊板擋住,對膝頭嚟講,係冇嘢擋住,但係腳尖有=一樣都係伸唔直⋯⋯我情願坐普通位,都仲可以放對腳落前面椅底。

河口湖交通 飛機揀位|地勤教8大揀機位貼士 前排後排最多騷擾、最好坐係呢個位!
腳長嘅人揀唔揀legroom seat,就要視乎你究竟想頂住膝頭定係頂住腳尖。(圖片來源:新傳媒資料庫)

Emergency seat 係可以伸得直,依家好多airlines都會攞嚟賣(即係額外加錢先可以坐) 。但留意番,廣體客機先至會係伸得直,窄體機的話,其實你前面都係有位,只係座位之間距離闊咗,所以睇你自己喜好了。仲有,部電視係要喺個位下面拉上嚟,拉上嚟唔係重點,起飛降落冇得睇先係重點,係電視精嘅噩夢⋯⋯然後,armrest又攞唔起(有啲情侶鍾意攞起個armrest,坐得親密啲或瞓落男友大髀,呢啲位都做唔到㗎),我自己就真係對呢啲位麻麻歡喜。

河口湖交通 飛機揀位|地勤教8大揀機位貼士 前排後排最多騷擾、最好坐係呢個位!
坐emergency seat就要預咗冇得睇戲睇足全程。(圖片來源:新傳媒資料庫)

機票優惠格價平台:Trip.comKlook
酒店住宿格價平台:Trip.comHotels.comBooking.com
景點門票及當地遊優惠平台:KlookKKday

飛機揀位貼士4. 窗口位睇風景

好多客坐窗口位都係想睇風景或者冇人打擾(只會佢去廁所時打擾到人)。如果你好鍾意睇風景,可以留意下Flightradar24.com呢啲網站,睇下自己班機嘅航路,大約你會掌握到坐邊一面窗口,會睇到你想睇嘅嘢。好似呢班機,回程東京返香港坐右邊窗口應該睇到富士山,自己發掘下啦!戴番頭盔先,航路未必日日一樣嘅,但可以參考下!

河口湖交通 飛機揀位|地勤教8大揀機位貼士 前排後排最多騷擾、最好坐係呢個位!
(圖片來源:Flightradar24.com)

飛機揀位貼士5. 中間位

不幸地飛機滿座,自己本身又冇留到位,得番中間的話,我個人就鍾意坐中間嘅中間位(如果仲有得揀),比起窗口嘅中間(即係B、J),中間嘅中間(E、F)係你出去洗手間就要人起身,但如果你冇需要,係可以瞓到落機。坐B、J的話,A、K去廁所你都要讓路,真係really bad!

河口湖交通 飛機揀位|地勤教8大揀機位貼士 前排後排最多騷擾、最好坐係呢個位!
既然都係坐中間位,坐E、F位反而冇咁煩。(圖片來源:地勤夫妻去旅行)

飛機揀位貼士6. 留意特價upgrade

有時有啲航空公司會於當天嘅航班,以特價賣出商務或者特選經濟艙,唔同航空公司有唔同package,有啲可能剩係賣個位,食就食番普通餐,有啲可能係全套upgrade有埋貴賓室、商務餐,價錢有時會超特惠,尤其是長途機,upgrade咗真係唔同好多,瞓醒先落機,有興趣豪一次就問下地勤人員啦~

河口湖交通 飛機揀位|地勤教8大揀機位貼士 前排後排最多騷擾、最好坐係呢個位!
想平平哋豪一次,就記得要問下地勤喇!(圖片來源:新傳媒資料庫)

飛機揀位貼士7. 趕轉機

如果你之後有班機要駁,時間又係好tight嘅所謂perfect connection,可以的話,試下問地勤攞個較前嘅位,有時有啲航空公司開counter前,都會scan下有咩客係有tight connection嘅。點為之tight connection呢?穩陣啲問下有冇前啲嘅位,早啲落機去轉機,人都安心啲。

河口湖交通 飛機揀位|地勤教8大揀機位貼士 前排後排最多騷擾、最好坐係呢個位!
趕住轉機嘅話,最好坐前排。(圖片來源:新傳媒資料庫)

飛機揀位貼士8. 做個有公德心嘅旅客

見過網上有啲所謂旅遊攻略叫人上網揀位,專登留個吉位喺中間博冇人要,呢啲行為係極為缺德嘅做法。好多時尤其是旺季,好多人都係一家幾口去旅行,當然人人都想同番屋企人朋友坐,往往就係好多人咁樣留,令到好多其他客人坐唔埋一齊。全部大人都還好,有小朋友分開坐真係慘,然後就向航空公司投訴,可惜啲位係客人留嘅,我哋都冇權叫人讓出佢哋留好嘅位。將心比心,做個有品嘅旅人。

河口湖交通 飛機揀位|地勤教8大揀機位貼士 前排後排最多騷擾、最好坐係呢個位!
萬一到時有個陌生人隔住咗,就唔好啦~(圖片來源:地勤夫妻去旅行)

撰文:地勤夫妻去旅行

飛機揀位有甚麼技巧?

正所謂好嘅開始就係成功嘅一半,坐飛機就係旅程嘅開始,即睇:地勤教8大揀機位貼士

搭飛機暈機浪怎麼辦?

去旅行,少不免會舟車勞頓,如果你有暈車、暈機、暈船浪等問題,真的會令人非常痛苦!以下這8個方法都可以幫到你。詳情請看

撰文:地勤夫妻去旅行圖片來源:新傳媒資料庫、地勤夫妻去旅行資料或影片來源:地勤夫妻去旅行