【北海道火球】10月18日晚上時分，北海道各地都有目擊到天空有「火球」劃過嘅情報，部分網友話呢個時期有較多流星睇，所以唔特別擔心。另一邊廂，北海道紋別空港拍到「火球」劃過時，天空恍如白晝般明亮嘅畫面。究竟呢個「火球」係咩嚟？
撰文：Keii｜圖片來源：NHK News
北海道「火球」劃過夜空
昨晚日本時間約晚上9點，北海道各地湧現「火球」嘅目擊情報！電視台NHK更拍到多個「火球」劃過時嘅畫面！包括函館、旭川、室蘭等等，甚至連靜岡縣都有網友目擊到！
位於函館市東北方向約200km以外嘅旭川市、紋別，「火球」劃過時，天空一瞬間好似行雷咁閃著強光。
有網友話：「以前曾聽聞發光現象同大地震有關連性。呢個現象可能係先兆嚟，請大家多小心注意！」講到好似好恐怖咁，其實「火球」嘅「真身」係咩？
札幌市青少年科學館學藝員・奧塚哲史表示，呢個現象相信係小行星嘅碎片，喺進入大氣層後燃燼時會發光嘅，屬於「流星」中特別明亮嘅「火球」，睇片段相信於降落地面前已經燃燼，因此歸納為「流星」嘅一種，而非「隕石」。
「火の玉見た！」 北海道各地で「火球」か
18日夜、ＮＨＫが北海道の各地に設置したカメラに、上空を流れ落ちる「火の玉」のような光が写っていました。https://t.co/67F6GIxRJV #nhk_news #nhk_video pic.twitter.com/dCZ1h8xu6N— NHKニュース (@nhk_news) October 18, 2018
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。