【日本熱話】近年減廢、減膠等環保議題及行動接近全球性般展開。去開日本嘅大家都知道,只要一買嘢,店家就一定會畀袋你裝走商品。日本最大型便利店7-11表示,如果要參與「減塑」行動,會考慮實施膠袋徵費!

撰文:Yutorin|圖片來源:網絡

日本7仔考慮實施膠袋徵費?!

日本社會近來對海洋塑膠污染問題相當關注,認為要解決減塑膠問題,就應該由大型連鎖便利店帶頭做起,促使其他連鎖店響應行動。

雜誌《alterna》喺提到全球性規模嘅即棄飲管問題時,同時間向日本國內飲食企業,同主要連鎖便利店進行問卷調查。

調查結果中,只有7-11 Japan表示「考慮實施膠袋徵費」、「考慮改變飲管材料」,而FamilyMart、LAWSON、ministop、Daily Yamazaki、Poplar等等,其他連鎖便利店都回應「不考慮」或「未知」。

喺2007年同2012年,AEON、UNI、西友等大型百貨公司都曾帶頭進行膠袋徵費,而大型連鎖便利店就冇任何行動。雜誌筆者認為,如果由最大型連鎖便利店7-11 Japan帶頭實施膠袋徵費,相信呢個行動會喺便利店業界獲得大回響。

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡