雖然去旅行真係好開心，但總會有些激氣的時候，會令人忍不住翻白眼……
飛機篇
Case 01 | 隔籬叫醒我因為……
通常起飛一刻唔知點解特別眼瞓，通常都係空姐派餐先至會起身。誰知有次一起機即刻瞓著，隔籬個阿嬸（好心）叫醒我，因為空姐派緊入境表格。
我當堂心裡啤一聲：「DLS，入境表格幾時問空服攞都得啦！阻L住老娘瞓覺。」之後再瞓唔到覺。
Case 02 | 扮晒蟹坐錯位
上機搵到自己個位，點知有人坐住，望清楚張機票後告訴他，他的樣子介乎在：「Sorry呀！我睇錯咗添。」以及：「頂，想坐窗口位被你發現咗，真係有人坐呢個位。」之間。
唉！識唔識網上check-in mark位呀粉皮！況且，你亂坐位，都等飛機開定了才轉吧！
Case 03 | 校低椅背無限輪迴
前座一起飛，就校低椅背，我當堂翻咗白眼。
酒店篇
Case 01 | 生果刀豆腐都切唔到
酒店生果盤旁邊那支刀仔，真是切豆腐都切唔到，有時甚至乎連刀仔都冇，酒店就期望我哋自己可以徒手開橙？！
話說回來，我覺得放甚麼生果也是一種學問，不需要剝皮，或者很容易剝皮，可以馬上吃的最好，提子丶香蕉丶蘋果也是不錯的選擇。
Case 02 | 插卡電視即開
最怕入房插卡，所有東西馬上開著，包括電視機！仲要調校到元秋咁大聲，狂播酒店廣告，夜晚返來真的有點被嚇倒的感覺。
話說回來，有時候酒店員工會幫手介紹一下房間，我覺得最需要介紹的項目，是電視，因為有些遙控掣，真是「複雜」到不行，怎麼我也找不到需要的電視台，而房內通常最容易壞的就是電視機，何況開一開可以順便檢查一下。
Case 03 | 一塊方包當早餐
有次在韓國住酒店，訂房時說明包早餐，房價大約HK$800 。誰知第二天才發覺所謂早餐，只得一塊方包、牛油和果醬，真係唔知好嬲定好笑！
到底早餐的定義是甚麼？下次話包早餐，用不用問一下有甚麼吃？