好消息嚟喇!「WeChat Pay HK」正式宣布,由  10 月 1 日開始,開通跨境微信支付,香港用戶將可在內地暢通無阻地使用「WeChat Pay HK」進行付款!以後返大陸玩,就唔使兌定錢!

撰文:kc|圖片:新傳媒資料庫、相關網站

香港用戶可於內地付款

由  10 月 1 日開始,「WeChat Pay HK」 將陸續向香港用戶提供覆蓋內地衣、食、住、行等各個方面的商戶服務,而且與多家銀行進行合作,會自動為香港用戶換算消費的人民幣為港幣,即時為用戶提供匯率報價及自動換匯服務,令香港用戶可於內地享用便捷的流動支付服務!

4大商戶試行「WeChat Pay HK」

據了解,大陸商戶中首批開始使用「WeChat Pay HK」的,還包括四大王牌商戶:call車軟件「滴滴出行」、外賣軟件「美團外賣」、大陸版OpenRice「大眾點評」以及「鐵路12306」,總言之就係,大家mark低呢四個商戶,返到大陸使用「WeChat Pay HK」就方便好多喇!

01 | Call車「滴滴出行」

Call車不必憂愁,但都要提醒大家最好call「專車」,安全性同的士司機的質素會好啲!

02 | 美食「大眾點評」

返大陸食乜好?當然係用「大眾點評」睇啦!其實就相當於香港人用嘅「OpenRice」 !依家都開通跨境支付,好方便嚕!

03 | 外賣「美團外賣」

24小時外賣,只要有個app,去到邊都有得食!

04 | 高鐵「鐵路12306」

依家由香港到大陸各城市嘅高鐵已經開通,以後難免會用到呢個軟件購買返大陸嘅高鐵票,可以微信支付真係好方便!

延伸閱讀:超抵食!深圳5大人氣火鍋:清甜椰子雞+麻辣火鍋

深圳有什麼必食及好去處推介?

GOtrip編輯部搵齊5間人氣又抵食火鍋店,而當中比起辣雞煲,近年深圳更加流行椰子雞,即睇:火鍋店推介深圳商場美食。商場方面,則可到4大商場,全部都在深圳地鐵沿線。如果打算玩兩日一夜,大可參考深圳酒店推介

回鄉證過期了要如何續期?

中旅社已全面實施網上預約申請回鄉證,現時不能即日排隊領取籌號辦理回鄉證,但各中心會按情況提供適當的協助…詳情請看