(Presented by 國泰航空)

自問去日本就如返鄉下嘅日本控,去北海道、大阪、東京、名古屋,甚至福岡等都玩到夠盡興吧~早前喺電視節目有名人到訪日本四國,漸漸開始好有興趣,仲發掘到好多意想不到嘅秘景打卡位。國泰港龍航空開辦季節性新航線直飛德島,3個幾小時機程,玩埋自駕遊暢遊日本小島,由德島出發,環島玩齊高知、愛媛及香川縣,圍繞一圈剛剛好,一個旅程探訪多個令你畢生難忘嘅大自然靚景!

上國泰官網check定機位訂票,可以提前選定座位及餐飲,再跟埋精心推介嘅四國環島自駕遊攻略,去齊10個不能錯過嘅打卡位,輕輕鬆鬆出發啦~

Day 1+2:日本著名秘景勝地──德島

打卡位:鳴門漩渦+靈山寺

由香港機場直飛3個幾小時,就嚟到位於四國東部嘅德島,由明石海峽大橋同大鳴門橋與本州相連,隱藏唔少意想不到嘅大自然秘景!當中不能不去就一定係世界三大漩渦之一嘅鳴門漩渦,漩渦直徑有成20公尺!因為快速嘅潮流同周圍流速較慢嘅海水接觸,產生成令人震懾無比嘅海水撞擊場面,坐埋觀光船從海上近距離觀賞,或者喺步道上親身感受嗰份漩渦震撼力,嚟個高角度自拍打卡係指定動作吧!

四國
鳴門漩渦

想進一步潔淨心靈,去埋距離至今已有1,200年歷史、以前修行者必到「  四國  遍路」中嘅靈山寺,佢更加係四國88處靈地嘅第1間名剎寺院,具有深厚歷史價值。

靈山寺

打卡位:祖谷溪(小便童)+祖谷藤蔓橋+大、小步危

德島中嘅祖谷藏有三個必去嘅動人秘景,當中必定要入住日本三大「秘湯」之稱嘅祖谷溫泉。由於地形獨特,處於170米深谷底之內,需要乘坐5分鐘專用纜車,先可到達呢個極為隱秘嘅露天溫泉,寫意地享受恬靜。

翌日出發到祖谷溪崖邊,就會發現呢個小僧居高崖上,趣怪可愛!

祖谷溪(小便童)

再步行溪谷內,呢條日本三大奇橋之一嘅祖谷藤蔓橋就展現於眼前,佢係國家重要民俗文物,由重達5噸嘅「軟棗獼猴桃」樹枝編結而成,一邊行過呢條搖搖晃晃嘅橋,透過縫隙望住底下溪流,挑戰膽量之餘,大自然嘅美景盡收眼底!

祖谷藤蔓橋

隨即去埋德島西邊嘅大步危同小步危,坐住觀光船欣賞壯觀懾人嘅峽谷溪流,仲會觀賞到蝙蝠岩及獅子岩等怪石,感受一趟超滿足溪流泛舟之旅!

Day 3:水天一色融為一體──高知

打卡位: 坂本龍馬像+桂濱+四萬十川沉降橋

由德島自駕大約2個多小時去到高知縣,就到咗唔少人都聽過佢大名、日本嘅歷史英雄「坂本龍馬」出生地,率先去到高知市桂濱公園欣賞呢座朝向著太平洋嘅銅像,感受下威嚴宏偉嘅感覺。

坂本龍馬像

沿著坂本龍馬銅像步行,就會去到面對太平洋壯觀海岸線嘅景色,跟著步道走,上到高處一間被稱為龍王宮嘅海津見神社,沿途松林滿處,一邊望住太平洋嘅海浪邊打卡,夠晒豁然開朗。

桂濱

寫意漫遊完,就必定要親身見證呢條日本最後嘅清流──四萬十川,河水清澈見底,當中建構咗22座沉降橋,潮漲時會沉入水中,結構令人嘆為觀止。而且仲可以選擇去到中段流域嘅四萬十・川之驛獨木舟館划獨木舟,或者踏單車近距離欣賞水天一色嘅絕景,絕對係不能錯過嘅打卡位吧!

四萬十川沉降橋

Day 4:造訪3千年歷史《千與千尋》最古老溫泉──愛媛

打卡位:松山城道後溫泉

再由高知自駕2個多小時,去到被歷史文化包圍嘅愛媛縣,呢座矗立喺山丘上嘅松山城係必到景點。可以坐普通或者單人纜車,上去飽覽呢個史跡公園望到嘅石鎚山同伊予灘開揚景觀。

松山城

隨即可自駕到東北部、號稱日本最古老嘅道後溫泉,呢座具有3,000年歷史嘅三層木結構式建築,係第一個被指定為重要文物嘅公共浴場,更加係宮崎駿動畫《千與千尋》取材原形!記得去旅館朝聖一番,投宿作客,感受呢份溫泉之鄉昔日嘅文化氣息吧!

道後溫泉

Day 5:烏龍麵發源地──香川

打卡位:小豆島天使之路小豆島橄欖公園

隨後再自駕2個多小時去到東北邊、面對瀨戶內海嘅香川縣,直駛至瀨戶內海嘅小豆島,除咗出名釀製醬油、橄欖等,記得計準潮汐時間去一睹每天只會出現一或兩次嘅天使之路,當中因為潮退而出現嘅沙洲,成為唔少電影、日劇嘅拍攝地,點可以唔打卡留念呢~

小豆天使之路

小豆島上另一瘋狂吸引鏡頭嘅,仲有橄欖公園,有超過2,000棵橄欖樹,更係《魔女宅急便》真人電影版取景地,公園內風車裝置充滿希臘風格,橄欖樹同埋香草,襯托著海景,絕對係夢幻打卡點!

小豆島橄欖公園

打卡位:金刀比羅宮栗林公園大橋

要數市內充滿氣勢嘅打卡點,必定係西部位於海拔 521 米、象頭山山腰上嘅金刀比羅宮,全座神宮充滿唔少歷史痕跡,每年就吸引300萬人次到訪參拜,更加係日本人心目中「一生必去一次」嘅地方!

金刀比羅宮

去到香川就必到日本最具歷史代表嘅大名庭園,就係具有400年歷史嘅文化遺產──栗林公園,園內由唔同形式嘅庭園建成,四季有唔同風貌,更加被評為日本國家級特別名勝,唔嚟打卡,必定會遺憾吧!

栗林公園

日本大橋建築素來甚有觀賞價值,呢條瀨戶大橋就由10座橋連接而成,由本州(岡山縣倉敷市)至香川縣坂出市,無論係遠觀定近距離仰望,一定會感受到呢條大橋嘅氣勢何等磅礡!

瀨戶大橋

最後於自駕返回德島嘅車程中,飽覽日本小島攝人美景。

國泰港龍航空將由12月19日至2019年3月30日期間,每星期提供兩班航班,逢星期三、六朝早出發直飛德島。喺國泰官網預訂機票,更可以提前挑選心水座位及餐膳,輕鬆無憂地完成整個四國深度漫遊之旅!

訂票詳情: https://bit.ly/2N7yn8Z

想進一步潔淨心靈,去埋距離至今已有1,200年歷史、以前修行者必到「四國遍路」中嘅靈山寺,佢更加係  四國  88處靈地嘅第1間名剎寺院,具有深厚歷史價值。

想進一步潔淨心靈,去埋距離至今已有1,200年歷史、以前修行者必到「四國遍路」中嘅靈山寺,佢更加係  四國  88處靈地嘅第1間名剎寺院,具有深厚歷史價值。

相關文章