日本 25 年來最強颱風「飛燕」於9月4日登陸四國及神戶,其間造成廣泛破壞。現在大阪關西國際機場已關閉,直至另行通告。所有前往關西國際機場的交通亦已暫停服務。相信好多本來計劃去大阪的網民都好擔心,以下有blogger分享自己成功改機票的個案,即看HK Express的官網安排及真實改目的地的情況。

HK Express 七天內更改出發日期/時間或目的地


現時HK Express公布了 9 月 11 日或之前往來香港至大阪的航班已全數取消。並將部分名古屋及福岡的客機,轉換為較大機種,以提高載客量。同時額外加開班次UO3659,於9月7日7:00pm(當地時間)由名古屋出發前往香港。

HK Express建議身在大阪的旅客如有必要回港,可以改道由名古屋或福岡回港。目前該兩地之部分HK Express航班尚有機位供應,而且他們也公布了已被取消的旅客,可以 在7 天內免費更改原定目的地的出發日期/時間。而 7 天內更改目的地的旅客須支付票價差額。

HK Express改機票
HK Express航班安排。

如果將會出發的,可以選擇退款安排

HK Express改機票

詳情及最新消息請按此

Blogger成功改機票個案:

話說昨晚從曼谷返抵香港,接獲大阪受颱風影響(希望大阪朋友小心同保重啊!)致關西機場關閉,然後,我發現6號飛大阪需要改機票,步驟如下:

上官網改機票

上官網發現有3個options:1.改期;2.改目的地;3. 全數退錢。難得擇日去旅行,第一個option應該最少人用,至於退款同上,而且唔知搞幾耐,所以我傾向第2個option,雖然訂好酒店冇得賠好肉赤,但天災意外冇人想,所以keep住同自己講:「有得轉飛就好好啦!」

HK Express改機票

時刻留意航班狀況

但官網「管理我的訂單」沒有更改目的地option,於是我開始打電話、上官網 chatroom、send e-mail、facebook inbox,試咗30分鐘都冇回音,終於我再打熱線,駁通! 然後接線生話3個options只會喺顧客收到取消航班e-mail,先會提供offer,佢叫我keep住 update官網!其實我比較想知,如果取消航班,我仲使唔使去機場,佢話唔需要,因為航班取消亦意味住唔會開counter。不過delay就唔同講法,但大前提係要確定航班狀況,先可有下一步行動。我都feel到接線生壓力大,不過依然好有禮貌,而我都唔想阻佢太多時間,叫佢加油就收線了。

成功改機票方法:

其實同接線生傾完,個心都定咗少少,點知10分鐘後,HK Express又打畀我,今次到fb inbox同事call我。值得留意,本人個inbox經常被facebook set咗做spam mail,所以我在官網個post度留言留低訂單編號,點知HK Express竟然主動打畀我!係抵讚的。

facebook同事竟然主動幫我改機票目的地,雖然佢同接線生口吻不一,不過可以改目的地係第一志願,我就嗱嗱臨問佢機位時間,但成件事勁緊張,因為首先你需知道要改去咩地方,佢一覆我咩時間機位,來回程補差價,我又要hold住條線搵家庭觀眾商量,中途諗耐咗又會被人搶埋機位。不過都係嗰句,保持冷靜要淡定,最後好彩呢位同事好有耐性,等咗我夾埋都有2分鐘,最後我就成功補差價轉飛目的地,雖然最後總票價係原來機票的double費用。

退款安排:

關於退款安排,問過接線生,佢聲稱客戶一旦收到取消航班e-mail,客戶可按e-mail或透過 https://securesettlement.net/hkexpress/en 遞交退款申請。

經過今次,雖然黑仔,但我亦增長知識了。值得一讚係HK Express有安排足夠人手解答問題,應對比我想像中靈活,廉航而言都算係咁了。比起熱線電話,facebook comment留言及inbox會快啲有回覆,同埋記得補差價轉目的地的話,要問staff攞receipt claim保險。最後,最重要都係要調整自己心態,唔好計較蝕咗幾多,啊~同埋最最最緊要都係:大家記得買旅遊保險啊!

HK Express改機票
兜兜轉轉,我都係去番東京,哈哈!

下一頁:最強颱風飛燕襲日本|各大航空公司安排|大阪關西國際機場已關閉

相關文章