【瘦臉方法】貪靚係女仔嘅天性，而臉形更加係各大女性都非常重視嘅部位，為咗打造一塊小臉，總有一、兩件瘦臉滾輪等工具幫手。但大家又知唔知瘦臉滾輪嘅正確用法？原來就咁沿下顎骨「碌面」，反而會令塊臉愈碌愈大！
撰文：Yu｜圖片來源：《林先生が驚く初耳学！》
瘦臉滾輪正確使用知識
坊間有唔少小臉產品出售，但絕大部分都只係會講基本操作。原來少咗啲細微嘅動作，好有可能會愈用愈大面！
而最致命嘅係，絕大部分嘅人都係用錯方法㗎！你又係咪其中一個呢？咁就要睇下應該點先係正確使用方法！
大家係咪都同嘉賓一樣，好似剃鬚咁，用滾輪沿下顎骨碌面？
原來就咁做會有反效果！！
正確做法應該係邊碌邊緊抿嘴唇，咁做更可提升1倍效果！點解緊抿嘴唇先可以達到小臉效果？
教練指，原理同燙衫一樣。一般情況下，燙衫時需一隻手握熨斗，另一隻手按緊做支撐，先可以撫平皺褶。
如果失去咗支撐點，皺褶就會擠到一邊，點燙都會有紋。同樣地，肌肉都需要一個支撐點，先可以有效伸展皺紋！
教練指出，臉部嘅皮膚同肌肉，都係同嘴唇接連嘅，緊抿嘴唇可以拉緊臉部皮膚同肌肉，成為支撐點。
使用小臉滾輪時，只要緊抿嘴唇，就可以更有效地拉伸皮膚、皺紋。
另一方面，洗臉時都一樣，緊抿嘴唇可以提升肌膚收緊效果！以後記得唔好做錯喇！