【森美旅行團2】新一輯《森美旅行團》已經播完!今次目的地係香港人最愛的大阪、京都,另外仲加埋和歌山、岡山、滋賀。上一輯森美介紹嘅景點大獲好評,想知森美今次有咩好介紹?即刻睇睇啦!

撰文: 主場・日本 | 圖片來源:森美Ig、吳若希Ig、麥美恩Ig、TVB電視截圖、各官網截圖

《森美旅行團》叮走高Ling、心穎BB!

唔計森美,上一輯《森美旅行團》以東京作目的地,主持人還有麥美恩、高Ling及心穎BB。新一輯直飛關西,主打介紹京都以及近郊景點,主持班底就只有麥美恩可以留低,拍檔換了吳若希及丁子朗。

第一輯《森美旅行團》的舊主持只得麥美恩可以留低!

第二輯集中介紹關西以及和歌山等地,拍攝時間是今年6月初,飲飲食食之餘,又有和服體驗,新主持換上了吳若希及丁子朗。

森美推介!京都篇行程

01 | 京都近郊!貴船神社納涼打卡

講到夏天的京都,最人氣的景點絕對是貴船。不少遊客都喜歡到貴船食流水麵,尤其在「猛暑」酷熱衝擊日本的今個夏天,綠意盎然,近郊遊絕對合理!森美也有帶隊前往貴船神社打卡!

這排於樓梯旁的紅色燈籠,是京都最人氣的打卡地之一,森美當然都唔執輸!

貴船神社

地址:京都市左京区鞍馬貴船町180

電話:075-741-2016

交通:叡山電車「貴船口」站轉乘巴士,於總站「貴船」步行5分鐘

網址:kifunejinja.jp

02 | 貴船食川床料理

去過貴船食流水麵的人都知道,最嚴重要等半日,其實非常浪費寶貴的旅行時間!所以今次森美去了食「川床料理」,唔使等,仲可以 book 位添!其實每間供應「川床料理」的餐廳,價錢及食物的選擇都差不多,加上「醉翁之意不在酒」,客人都是食氣氛及狂影相,所以我覺得揀邊間都冇所謂。

貴船莊最近貴船神社,5~9月的川床會席料理,每位由4,950~15,550円。

京都貴船莊

地址: 京都市左京区鞍馬貴船町50

電話:075-741-2222

交通:叡山電車「貴船口」站轉乘巴士,於總站「貴船」步行2分鐘

網址:www.kibunesou.com 

03 | 京都懷舊café食蛋治

京都非常著名的café,最人氣是厚蛋治,森美都大讚「有氣氛、有美食」。

雖然個look好昭和,但其實開業不足十年!

超級厚蛋治。

喫茶 la madrague

地址:京都市中京区押小路通西洞院東入ル北側

電話:075-744-0067

營業時間:11:30am-10:00pm,逢星期日休息

交通:地下鐵烏丸線「烏丸御池」站步行9分鐘

網址:madrague.info

04 | 中京區新開業!自製CHOYA梅酒

今年4月於京都新開業的「蝶矢」,是CHOYA梅酒經營的梅子體驗專門店(CHOYA的漢字,就是「蝶矢」),遊客可以自製梅酒,只要花半小時,就能有一瓶自己專屬的梅酒,簡單又有趣。同時,店裡也提供take away的無酒精梅子飲品,喜歡梅酒的朋友千萬別錯過!

店舖設計非常適合打卡,Jinny當然都唔執輸。

設計簡潔優雅。

梅酒DIY。

無酒精的梅子飲品,500

梅体験専門店 蝶矢 CHOYA

地址:京都府京都市中京区六角通堺町東入堀之上町 108 CASA ALA MODE ROKKAKU 1/F

營業時間:11:00am-7:00pm

收費:1,000~3,000

交通:地下鐵烏丸線「烏丸御池」站步行7分鐘

網址:www.choyaume.jp

05 | 京都咖啡館澡堂變café

位於京都市北區的「さらさ西陣」由超過80年歷史的澡堂改建而成,裝修充滿大正年代的氣息。

さらさ西陣(Sarasa西陣)

地址:京都市北区紫野東藤ノ森町11-1

電話:075-432-5075

營業時間:12:00nn~11:00pm(逢每個月最後一個星期三休息)

網址:www.cafe-sarasa.com/shop-info/さらさ西陣

06 | 京都「電氣溫泉」!比卡超最愛?

唔係講笑,真係有「電溫泉」(電気温泉),話可以消除疲勞,但見丁子朗個樣似乎唔多enjoy!

個樣平平無奇,跟一般大浴場差不多。

寫到明是「電溫泉」(電気温泉)!

高子朗似乎唔多OK電溫泉!

咦!森美唔露嘅?怕輸?

男士們露肉,女士們負責?仔!(From Jinny Ig)

衣笠溫泉

地址:京都市北区大将軍一条町50

電話:075-462-1225

營業時間:2:00pm~12:30am,逢星期五休息

交通:京福電鐵「北野白梅町」站步行10分鐘

07 | 京都東山區路軌瘋狂打卡

雖然在鐵路路軌打卡可以呃唔少like,但既危險,又有機會觸犯法例,所以不要亂試!不過,來這裡拍照就冇問題,因為這是一條已經停止使用的路軌,冇車會經過,任玩都唔驚!春天櫻花滿開的時候,就最熱鬧!

森美post呢張相時,條caption係…… 「很青蔥」!

Jinny媽媽都仲係好少女!

蹴上傾斜鐵道(蹴上インクラインの廃線跡)

地址:京都市左京区粟田口山下町 京都市東山区 東小物座町339

交通:市巴士5番「南禪寺」站步行3分鐘,或地下鐵東西線「蹴上」站步行3分鐘

08 | 期間限定!琵琶湖疏水道觀光船

「琵琶湖疏水道」是將琵琶湖水引入京都的水道,在水道上行走的班船停航了67年後,今年作為觀光船復活。但只會於春季(3~5月)及秋季(10、11月)指定日期航行,所以船票非常搶手,想坐就要到官網訂票!

船頂是玻璃製,方便遊客賞櫻或賞楓。

船的外觀。

櫻花季節的景色。

紅葉季節的景色。

琵琶湖疏水道觀光船

收費:每位1,500~8,000円(視乎航線及時間)

網址:www.biwako-sosui.jp

09 | 森美帶路!高角度欣賞京都

香港人住慣高樓大廈,很少會畀錢上日本的xx tower、xx塔,不過這次森美一行人卻登上了京都塔,原來從高空睇京都,又有不同的感覺!而塔下有商場,可以買手信及做各式各樣的體驗!

森美揀了從塔底影,扮攞住支「蠟燭」。(大家都話京都塔似蠟燭!)

Jinny都揀了從塔底影。

Mayanne上了塔上影,仲見到東本願寺!

京都塔

地址:京都市下京区烏丸通七条下る 東塩小路町 721-1

營業時間:9:00am-9:00pm

入場費:成人770円

交通:JR「京都」站步行2分鐘

網址:www.keihanhotels-resorts.co.jp/kyoto-tower

和歌山篇

01 | 激流木筏體驗

全國唯一能夠體驗「激流木筏」的地方。木筏師以具有600年歷史的、勇猛嫻熟的划槳技術,從北山川的急流上衝下來,非常刺激!

睇相都覺得刺激!

Mayanne企最前!唔驚咩?

似乎好驚驚!

北山川観光筏下り

地址:和歌山県東牟婁郡北山村下尾井335

電話:0735-49-2324

運航日:5月逢星期六、日;6月逢星期六、日及假日;7及9月(只於星期四休息);8月(只於星期四及假日休息)

報到時間:9:00am~10:20am,11:30am~12:40pm

網址:www.vill.kitayama.wakayama.jp/kanko

02 | 勝浦漁港睇吞拿魚拍賣

勝浦漁港是日本著名的「吞拿魚基地」,使用傳統的「延繩漁法」捉新鮮吞拿魚,產量更是日本no.1!早上7時到訪的話,更可以見識到吞拿魚拍賣的盛況。

森美換咗水靴去魚市場!

Mayanne都換咗!

森美拍的吞拿魚拍賣。

那智勝浦漁港

地址:和歌山県東牟婁郡那智勝浦町築地

拍賣開始時間:7:00am(逢星期六及假期前一日休息)

交通:JR「勝浦」站步行5分鐘

03 | 吞拿魚專門店

這間位於勝浦溫泉的鄉土料理店,以供應吞拿魚為主,逢星期六更會有「吞拿魚解體」表演!

桂城

地址:和歌山県東牟婁郡那智勝浦町大字勝浦398-11

電話:0735-52-1845

營業時間:11:30am-2:00pm,5:00pm-10:00pm,逢星期一及每個月第四個星期日休息

交通:JR「紀伊勝浦」站步行5分鐘

04 | 平浸無敵海景露天溫泉

去白濱溫泉不一定要住貴溫泉酒店,這個「崎の湯」日歸溫泉,每位收費只是500円(約HK$35),最正係有個無敵的海景!

白濱溫泉「崎の湯」。

森美的Ig只得街頭相,所以要到節目出街才見到他們露肉!

崎の湯

地址:和歌山県西牟婁郡白浜町1668番地

電話:0739-42-3016

營業時間:8:00am-5:00pm(10月1日~3月31日),7:00am-7:00pm(7月1日~8月31日),8:00am-6:00pm(4月1日~6月30日、9月1日~30日)

收費:500円

交通:JR「白浜」站轉乘明光巴士,於「湯崎」站下車後步行5分鐘

05 | 日本最古老溫泉煮溫泉蛋

開湯於1800年的「湯の峰温泉」,是日本最古老的溫泉。河邊有個免費開放給遊客使用的「湯筒」,入面的水溫高達90度!當然不是用來浸人,而是用來浸雞蛋或蔬菜。想試試的話,可以在旁邊的小賣店購買!

湯の峰温泉。

可以烚溫泉蛋。

森美chok樣打卡,唔知有冇食蛋?

吳若希都掛住玩Ig story。

湯の峰温泉

地址:和歌山県田辺市本宮町

06 | 海邊絕景café

這間意大利café主要供應意粉及pizza,全部都用當地出產的蔬菜魚類做食材,更可以飲到以紀州南高梅製成的飲品。不過,最大的賣點,是無敵的海景!

無敵的海景!

招牌菜是石釜燒pizza。

森美都出咗去café外面打卡!

Mayanne呢張相唔知係咪森美影?

Café Manma

地址:和歌山県日高郡みなべ町埴田1590-40

電話:0739-72-2361

營業時間:平日10:00am-5:00pm,星期六、日及假期9:00am-5:00pm

交通:JR「南部」站步行20分鐘

網址:www.pluman.net/cafe

岡山篇

01 | 超open露天混浴風呂

森美旅行團》的賣點之一,應該是睇主持人浸・溫・泉!森美當然一定走唔甩,上次有高Ling同心穎BB,今次……

「湯原溫泉」是個非常古老的溫泉鄉,這裡有非常open的露天風呂「砂湯」,是個混浴溫泉!男士們別太開心,因為「湯原溫泉」的水將為了女士們可以安心浸浴,所以跟Wacoal共同開發了一件女性專用的「湯浴著」!

好open的露天混浴風呂。

今集森美真係唔露肉,留畀丁子朗?全身「面堅尼」那位是Mayanne?

湯原溫泉鄉「砂湯」

地址:岡山県真庭市湯原温泉

開放時間:24小時(逢星期三上午及每個月第一個星期五因打掃休息)

交通:JR「中国勝山」站轉乘巴士,於「湯原溫泉」站下車步行5分鐘

網址:www.yubara.com/higaeri

02 |  最適合穿和服打卡的「古裝街」

「倉敷美觀區」最具代表性的,就是白壁屋仔、倉敷川及沿岸的柳樹,四百多年前是個繁榮的運送物資集散地,現在則為國家重要傳統建造物群保存地區。很多遊客都喜歡坐小船遊覽倉敷川,又或是租著浴衣和服漫步街上。

倉敷川遊覽船。

森美當然有坐船!

森美話佢今年來過倉敷3次!

倉敷美觀區(遊覽船)

營業時間:9:00am~5:00pm,3~11月每個月第二個星期一休息,12~2月星期一至五休息

收費:每位500円

交通:JR「倉敷」站步行10分鐘

網址:kankou-kurashiki.jp/recommend/funenagashi

03 |  驚驚!岡山半空踩「Sky Cycle」

遊樂場入面,最驚的可能唔係過山車,而係呢座「Sky Cycle」,全程都要在16米的路軌上踩單車,雖然可以睇到瀨戶大橋靚景,但畏高者(如Mayanne)應該無甚心情去欣賞!

景色幾靚!

Mayanne似乎好驚驚!

Brazilian Park「鷲山Highland」

地址:岡山県倉敷市下津井吹上303-1

電話:086-473-5111

營業時間:9:00am~5:00pm(每日不同,請上官網查詢)

入場券+free pass:成人2,800円

交通:JR「兒島」站轉巴士約5分鐘

網址:www.w-highland.co.jp

04 | 岡山名物!日本首間牛仔褲博物館

「Jeans Museum 1號館」內,展出美國牛仔褲誕生的歷史,以及當時的歷史背景。另外,還有Levi’s公司提供的「501XX」原形的model、日本最初生產牛仔褲時所使用的衣車等,全部都極具紀念價值。而2樓則是Denim Works的專門店,喜歡牛褲布的遊客可以去入貨。

森美話:「好喜歡岡山,因為牛仔褲。」

Jeans Museum 1號館

地址:岡山県倉敷市児島下の町5丁目2番70号

電話:086-473-4460

營業時間:9:00am~6:00pm

網址:betty.co.jp/village/museum01

 大阪篇

01 | 激近機場摩天輪

提到 Rinku ,香港人即刻會講:「哦!最近關西機場個outlet!」未知Mayanne今次有冇去outlet掃貨,但見到佢 Ig post 的相,就知道佢坐咗Rinku的摩天輪「Rinku之星」!

摩天輪「Rinku之星」

Mayanne唔係連摩天輪都驚啩?

Rinku之星

地址:大阪府泉佐野市りんくう往来南3番地

營業時間:10:00am~9:00pm

收費:700円

交通:JR或南海空港線「Rinku Town」站下車直達

網址:www.seacle.jp

下一頁:【森美旅行團】重溫上輯東京食買玩全攻略(一)獨遊、節慶遊、豪食遊

延伸閱讀:【重溫森美旅行團】抵食全蟹午宴|東京食買玩全攻略(二)

相關文章