(Presented by 國泰航空)

要尋美國夢,又點可以只去一個城市?今次我Travel 佳就推介呢個美國東岸3大城市行程。唔單止一次過滿足 3個願望,仲唔使走回程路,由華盛頓出發,經紐約,再去波士頓,玩盡 6大景點!一齊睇下行程推介吧!

第一站:華盛頓Wharf Jitney小輪渡河

要了解美國嘅文化,梗係由首都華盛頓開始!華盛頓嘅Potomac同Anacostia兩條河嘅河畔正蓬勃發展,而今次旅程嘅第一站就係位於城市西南面嘅Wharf District碼頭區,感受新舊交替嘅味道。搭Wharf Jitney小輪渡河,可以見到Chesapeake Bay灣嘅魚市場同新開嘅餐廳、酒店互相融合,非常特別。Tidal Basin人工湖旁邊可以遠望對岸嘅白宮,而傑佛遜雕像仲同馬丁路德金浮雕遙相對望添!

第二站:非裔美國人歷史文化博物館

第二日大家可以到文化博物館,了解一下美國嘅歷史同創意。喺國家廣場對面嘅非裔美國人歷史文化博物館就可以清楚睇到美國嘅一段黑歷史。從奴隸身上嘅黑鐵腳鐐同鎖鏈,到非裔美國人民權運動,可以感受到自由嘅重要。當然,展覽亦唔少得非裔美國人嘅文化、運動、烹飪同音樂方面嘅貢獻!

第三站:紐約High Line高架公園

了解完美國嘅歷史同文化,係時候搭火車到下一站,繁華富現代感嘅紐約。紐約喺唔少電影都出現過,相信大家對紐約都並唔陌生。而今次要帶大家去嘅係一座被保存同活化嘅建築 – High Line高架公園。呢度唔單止由廢棄高架鐵路軌改建而成,仲放滿現代雕塑,不時都有藝術展覽,充滿藝術氣息。

第四站:聯合廣場

穿過一棟棟高樓大廈,走到紐約最廣闊嘅公共空間之一 – 聯合廣場。呢度曾經係爭取公民同女性權利嘅地方,不過依家就以市集比較聞名。除咗新鮮農產品,九月份會舉辦 Harvest 美食及美酒節、感恩節和聖誕節前夕期間仲會舉行聖誕市集添!想買特色手信,不妨碰碰運氣吧!

第五站:波士頓Seaport District海港區

從紐約搭火車,話咁快就到達波士頓。除咗龍蝦,呢度仲有好多新事物!從波士頓南站徒步15分鐘就抵達Seaport District海港區。大家可以沿住海港漫步,一邊觀察郵輪同拖船嘅動靜,一邊可以沿著自由之路,橫過長形嘅Rose Fitzgerald Kennedy Greenway公園,來到波士頓最古老的住宅區北區。

第六站:Old North Church教堂

旅程嘅最後一站就係Old North Church教堂。呢座係波士頓仍在使用中的最古老教堂,亦被列為國家歷史地標,可想而知見證過幾多嘅歷史同戰爭。美國革命時,教堂亦扮演著重要嘅地位!據說著名嘅信號「從陸路來,點一盞燈;從海路來,點兩盞燈」就係咁嚟!

美國東岸三城遊

要一次過去齊美國東岸 3個城市並唔難,國泰航空由9月15日開始,每星期都有四班直飛華盛頓航班,仲要坐最新空中巴士A350-1000#,機上娛樂系統同Wi-Fi 都好齊全,唔使擔心搭長途機會悶!如果訂購open-jaw缺口行程,仲可以由香港起程往華盛頓,然後自由選擇以紐約*或波士頓作回程城市,不走回頭路,自然玩得更盡興啦!依家組合票價由HK$5,020起^。  立即訂票及查詢: http://bit.ly/2LUV9A4 、致電國泰航空2747 3333或聯絡各大旅行社。

條款及細則:

#航機將視乎營運需要而作出不同調動。

*包括甘迺迪國際機場及紐瓦克自由國際機場。

^以上票價不包括香港機場旅客保安費、相關機場稅項及其他附加費,並須受細則及條款限制。訂票日期為 即日起至2018年8月31日。旅遊日期為2018年9月15日至12月13日、2018年12月24日至2019年2月1日、2月8日至3月31日。