每次去歐洲旅行,都一定有朋友叫我「小心被人偷嘢啊」。歐洲國家嘅扒手、手繩黨、合照呃錢黨已經深入民心。

有一種生物比起扒手更兇狠,就係--「強國人」


我自己都親身經歷過喺羅馬被人偷銀包,連去警局報案都困難重重,甚至警察都懶理,隨便幫你登記完就算……旅客只可以自求多福。

但放心,有一種生物比起扒手更兇狠,比歐洲警察更有阻嚇作用,就係--「強國人」。

如果有留意新聞,前排有一位強國客喺巴黎被偷走一隻名貴手錶,兇悍嘅強國客當場將個扒手捉住,兩人仲大打出手。

結果唔需要搵警察,係警察自動趕到現場,送強國人返警察局落口供。

歐洲扒手
中國旅客與搶劫者當街發生衝突,要警察現身將他們分開。 | 圖片來源:Youtube

歐洲扒手
小偷的衣服被撕破。| 圖片來源:Youtube

歐洲除咗流行扒手,連簽名黨都惡過人

另一個係我親身經歷,話說當時我參觀緊位於德國柏林嘅柏林圍牆紀念館,有幾位德國年輕人攞住塊登記板,不斷呼籲周圍嘅旅客簽名,上面寫住堆英文,大約內容係慈善活動之類。

當旅客以為只係簡單簽個名以示支持,咁就錯了。德國年輕人會叫你畀錢,唔肯畀錢就會幾個人包圍住你唔放你走。

冇錯,佢哋就係歐洲特產「簽名黨」。你可能會話:「唓~你唔好簽名咪冇事囉!」

當幾個簽名黨走過嚟我身邊,用英文問我識唔識英文嘅時候,我立即搖頭揮手say no。

點知佢哋瞬間變臉,仲用英文同疑似德文粗口鬧我,表情充滿惡意,仲特登好大力咁撞開我然後離去。

真係估唔到……歐洲除咗流行扒手,連簽名黨都惡過人。

歐洲扒手
簽名黨用英文同疑似德文粗口鬧我,表情充滿惡意,仲特登好大力咁撞開我然後離去。

人見人怕嘅歐洲簽名黨,被強悍強國人擊退

幸好,我哋仲有強國人。我望見幾個簽名黨走埋去問強國遊客簽名,強國遊客非常合作,一手攞起支筆就簽咗個大名。

但當簽名黨問佢哋拿錢嘅時候,強國人完全聽唔明佢哋講乜,亦畀唔到反應,簽名黨不斷遞塊板埋去,同強國客講「簽咗名就要畀錢」。

當然啦~厲害嘅強國人係唔會屈服!加上強國人去旅行嘅特色,就係一團一團人咁去。

歐洲扒手
強國人去旅行嘅特色,就係一團一團人咁去。 | 圖片來源:U.S. – Wall Street Journal

突然間,一個平頭裝、肥胖身軀嘅強國人帶頭,後面跟住一班強國客,衝過去簽名黨度起哄。

雖然簽名黨都有幾個人,但氣勢、聲量同人數都不及強國客,結果夾著尾巴敗走離開。

不得不說,強國客嘅超強購買力,令好多國家都屈服,香港變到周街藥房同金舖、韓國所有化妝品店都有個識講普通話嘅店員、巴黎「老佛爺」商場幾乎90%都係強國客……

正所謂以暴易暴,人見人怕嘅歐洲簽名黨,被強悍嘅強國人擊退。

下一頁:強國排隊黨 | 買水貨被拒 | 摺櫈狂毆日本保安

 

相關文章