【日本國足】世界盃賽事正進行得如火如荼,而日本足球國家隊昨晚喺對比利時嘅賽事中,遺憾地出局,止步於16強。除咗精彩嘅賽事、離開更衣室時執到靚一靚被FIFA嘅工作人員公開讚賞之外,你又知唔知道關於日本足球國家隊嘅事?

撰文:Carmen|圖片來源:網絡、相關機構、電視截圖

1|日本國家隊球衣點解係藍色?

大部分足球國家隊嘅球衣,都會用上國家國旗顏色,例如巴西隊用番黃x綠色、阿根廷用番藍x白色,日本國旗明明係白x紅色,點解球衣會用藍色設計呢?

巴西足球國家隊球衣。

巴西國旗。

阿根廷足球國家隊球衣。

阿根廷國旗。

日本足球國家隊球衣。

日本國旗。

日本足球國家隊一向嘅隊色係稱為「Samurai Blue」嘅深藍色,意即「武士藍」。而今年喺俄羅斯舉辦嘅世界盃,則採用咗更深、更濃嘅藍色。呢隻色係稱為「勝色(Kachiiro)」嘅日本傳統顏色。

「勝色(Kachiiro)」係日本傳統顏色。

「勝色」源於戰國時代,武將喺打仗時,會著上稱為「鎧下」嘅服裝,而「勝色」就係最多武將選用,藍染布中顏色最濃嘅布衣。製作呢種又深又濃嘅藍染布時,須邊敲打邊染色,經由「叩く(tataku・敲打)=褐(katsu・深藍色)=勝つ(katsu・勝利)」,而帶有通往勝利嘅意思。

「勝色」源於戰國時代,係最多武將選用,藍染布中顏色最濃嘅布衣。

亦即表示,今屆第6次挑戰世界盃嘅日本代表隊,係身穿「挑戰勝負之藍」嘅藍色球衣,繼承喺亂世中開闢新時代嘅武將之魂上陣。

「勝色」帶有通往勝利嘅意思。

日本代表隊身穿「挑戰勝負之藍」嘅藍色球衣,繼承喺亂世中開闢新時代嘅武將之魂上陣。

2|球衣背號分別有咩意思?

相傳背號10係球隊嘅王牌選手號碼,呢個說法係源於1958年瑞典世界盃,當時只有17歲嘅巴西傳奇足球選手比利,身穿10號球衣出場,帶領巴西隊通往勝利。其後1962年嘅智利世界盃,比利再度穿上10號球衣出場,引領巴西隊成為世界盃史上首度衛冕冠軍嘅球隊。自此,就有咗「足球球衣10號背號=ace striker」嘅概念。

有「球王比利」之稱嘅巴西傳奇足球選手比利。

暱稱「世紀球王」,已退役嘅阿根廷足球國家隊選手馬勒當拿。

阿根廷足球國家隊選手美斯。

歷代日本背號10號選手・Ramos瑠偉。

歷代日本背號10號選手・中山雅史。

歷代日本背號10號選手・中村俊輔。

現役・香川真司。

而背號8,喺日本代表隊中,多數係中場嘅球衣背號。有說法指背號10係能力突出嘅選手背號,咁背負8號嘅就係不突出,但技術堅實嘅「萬能」選手。曾經背負背號8嘅選手分別有:Mr.Cerezo 森島寬晃選手、2010年世界盃日本隊MF松井大輔選手、今屆世界盃展示咗扎實實力嘅原口元氣選手等等。

曾背負背號8嘅選手:Mr.Cerezo 森島寬晃選手。

曾背負背號8嘅選手:2010年世界盃日本隊MF松井大輔選手。

背負背號8嘅現役選手:原口元氣選手。

3|日本隊的球衣號碼是猜包剪揼決定?

槙野智章在一日本電視節目指出,日本隊的球衣號碼基本上是按個人喜好決定的,但如果重複,便會猜包剪揼決定!他跟香川真司同時想要10號球衣,但香川跟他說:「你不能夠背負日本的10號球衣!」所以,他就放棄了!

根據槙野智章所講,日本隊的球衣號碼是自由揀選的。

不跟香川真司爭10號球衣,槙野智章最後揀了20號。

4|日本足球國家代表隊型爆「勝負服」!

喺公式場合下,球員都會著西裝出席,由2000年起,每年都為日本國家隊度身訂造「勝負服」嘅英國男士服裝品牌dunhill,一發表設計就招來日本廣泛關注。睇睇近年日本隊嘅「勝負服」有幾型啦!

2018年嘅設計用咗高級且有光澤感嘅素材製作嘅深藍色西裝,配合日本隊嘅隊色「Samurai Blue」。

2018年dunhill日本足球國家隊「勝負服」設計。

2017年繼續沿用「MADE TO MATCH」嘅設計概念,貼身剪裁展示咗選手強而優雅嘅紳士感!

2017年dunhill日本足球國家隊「勝負服」設計。

「MADE TO MATCH」嘅設計概念,貼身剪裁展示咗選手強而優雅嘅紳士感!

2016年dunhill日本足球國家隊「勝負服」設計。

2015年dunhill日本足球國家隊「勝負服」設計。

2014年dunhill日本足球國家隊「勝負服」設計。

2013年dunhill日本足球國家隊「勝負服」設計。

2012年dunhill日本足球國家隊「勝負服」設計。

5 | 巴士上的「皇帝位」邊個坐?

大家都知道,日本是個講究身分地位的民族,平時食飯、坐的士,上司下屬都有「指定座位」,但原來國家隊在巴士上都有「king’s seat」!前日本隊門將楢崎正剛指,巴士最後一排左邊(以面向前方計算)就是「皇帝位」,由最初日本隊主將三浦知良開始坐,之後到中田英壽,接著是中澤祐二,現在當然是本田圭佑!

左邊最後的就是「king’s seat」。

現在的「king’s seat」是本田圭佑坐。

6 | 國家隊巴士有DJ播歌?

雖然,只在對波蘭那次出過場,但女生們應該都留意到,有個型仔後衛叫做槙野智章吧!其實他是隊中搞氣氛的高手,在國家隊的巴士上會播歌,而且更會特別揀選合適的song list,以緩和緊張的氣氛!他在訪問中表示,本田圭佑最愛在卡拉OK唱湘南乃風的〈純戀歌〉,每次他在巴士內播,本田都會說:「Nice,槙野!」

槙野智章在國家隊巴士上是個「DJ」,專負責播歌!

槙野指香川其實是搞氣氛的高手!

7 | 本田圭佑戴兩隻錶的原因係……

一直被喻為是「第二個中田英壽」的本田圭佑,當然是sell時尚有型,他最經典的造型,就是左右手各戴一隻錶!大家本來以為他是尊敬馬勒當拿(經常左右手各戴一隻錶),但訪問中,他解釋,是為了左右手得到「平衡」(真係估佢唔到)!

馬勒當拿戴兩隻錶,但常常遲到!

每個成功男士都要有一隻名錶在手,而本田,有兩隻!

8 | 球迷支持聲嘈到拆天!

平時睇電視已經覺得好嘈,現場當然更嘈!早前有日本電視節目訪問了前國腳田中鬥莉王,他表示最討厭那些「喇叭」,嘈到好似有兩隻蟬掛在耳仔一樣,完全聽不到指示!就算返到酒店,睡在床上,仍覺得蟬一直在耳邊!

球迷的叫聲嘈到爆炸!

田中鬥莉王表示夜晚瞓落床都似有蟬在叫!

相關文章