今年暑假又去泰國渡假?不如平遊越南食牛肉河、嘆法國大餐、平食海鮮、飲滴漏咖啡、浸泥漿浴、買鹹蛋撈麵做手信啦!越南依家多咗好多超豪華Resort,有勁靚Infinity Pool配藍天白雲,酒店裡面嘅spa都好有質素!最緊要係去5日4夜,未計酒店機票,淨玩淨食可能連1千蚊都唔駛,就可以比多少少錢住靚靚豪華越南Resort嘆世界,真心超抵玩!睇見以下間越南 resort都心郁郁啊!

撰文:Koey、Jj Cheung|圖片來源:HotelsCombined

必住7大超豪華infinity pool越南Resort推介

峴港

1.人生必住一次!設計師操刀超豪華Resort

峴港洲際陽光半島度假酒店

睇相已經覺得靚到抖唔到氣!越南峴港最奢華的私人Resort之一,背靠著雨林保護區,面向一個一望無際,名為Bai Bac的私人沙灘靚景。客房有infinity pool,等你可以游住水望靚景,打卡都打到手軟!因為房間全由著名設計師操刀,超有藝術氣息,客房分4個主題:Heaven、Sky、Earth、Sea,全部房都面海,最小的房間都有750呎,兼有私人露台,在香港已經是間接近千萬的豪宅!

 越南Resort, 峴港, 芽莊, 酒店, 越南

酒店另一大特色,懸空倒吊在海拔100米上,名為Citron的餐廳,位於酒店最高層。看著180度的海灣,早餐也變得份外美味,打卡一流!

除此之外,酒店設施活動多到你唔信!備有室外泳池、私人海灘、土耳其蒸氣浴、日間水療、按摩美容中心、網球場、電影院、酒吧、遊樂場、桌球室、網球場,無論大人細路老人家都適合,留酒店玩一日一定唔夠!

 

鄰近仲係熱門的釣魚和觀光景點,Reception仲可以幫你預訂於峴港市區的觀光行程或活動。酒店服務好多,更多酒店詳情可參閱以下連結。

按此即睇更多酒店詳情和照片

峴港洲際陽光半島度假酒店

地址:Bai Bac, Son The Peninsula, Tho Quang Ward, Son Tra District, Da Nang

電話:+84-511-393-8888

房種:197間房,包括套房及Villa八款房,面積由753-3228呎不等

2.打卡一流!現代建築加入傳統越南竹籐風格

納曼度假村


位於 峴港 市中心及會安古城之間,兩邊只隔20分鐘穿梭巴車程,出入方便!其私人泳池更對正沙灘,設計加入傳統越南建築的竹籐元素,零舍清幽自然!仲有好多合家歡活動參加,如沙灘排球、學整陶瓷等,只留在酒店都大把嘢玩,性價比即刻飆升!

查看詳情及訂房

客廳廚房都超大,容納到好多人!

酒店分別有一間餐廳、咖啡室和兩間酒吧,搵食多選擇,值得留意的是設計加入傳統越南建築的竹籐元素,非常有特色!

整間酒店都被綠色植物包圍,零舍清幽自然!
酒店設施多多,特別鍾意呢個做Spa嘅地方,夠開揚,睇見都舒服!

入夜真係好靚,打卡一流!

按此即睇更多酒店詳情和照片

納曼度假村

地址:Truong Sa Road, 五行山郡, 峴港, 越南

3. 峴港Resort一哥!望全球十大最優美海灘

會安南海度假酒店

峴港Resort中的一哥,絕對非六星級的The Nam Hai莫屬。Resort位於峴港以南,營運七年至今奪得過無數獎項。最吸引之處除了100間分佈於5個馬蹄形沙丘上的獨立別墅,就是那三個非常有層次的泳池。由頂層的恆溫泳池,游到中間的Lap Pool,再游到與大海連成一線的Infinity Pool,你更可以一步之距踏足長達一公里的Ha My海灘!被《福布斯》雜誌譽為全球十大最優美海灘之一的Ha My海灘,沙雖不算白,但非常幼細,不損腳。

房間最小都有800呎,而且樓底高,空間感十足。最特別是浴缸正正在大床旁邊,適合情侶入住。

    

按此即睇更多酒店詳情和照片

會安南海度假酒店

地點:Hamlet 1,, 奠班, 越南

芽莊

4. 水療蒸浴免費做!超大客房連私家泳池

Vinpearl Phu Quoc Ocean Resort & Villas

剛剛去完芽莊,就是住這間豪華resort,性價比極高,真心推介!5個人一入到屋已經狂尖叫,非常之大!而且個infinity pool同埋個景簡直靚到飛起,行出少少是水清沙幼的海灘,180度望海景,即刻call reception追加一晚。加分位是酒店spa服務非常之正,而且可以免費做水療、桑拿浴、蒸氣浴!按摩抵做,因為無論環境還是按摩服務都是超舒服,試了四手按摩真的好正!酒店早餐選擇非常之多,越南傳統料理、西餐都有齊!附近就是珍珠島遊樂園,可以一次過玩齊機動遊戲、水上樂園、動物園!

查看詳情及訂房

一棟棟白色別墅裝潢超豪華,渡假村非常之大,全由專人駕駛高爾夫球車接送到酒店內各個地方!
房間超大超舒服,廁所有齊所需的日用品!

客房出面就有私人泳池,再行出點就是沙灘,個海係漸變粉藍色,超靚!

房價已包免費做1次水療、桑拿浴、蒸氣浴!

酒店早餐選擇非常之多,越南傳統料理定西餐都有齊!酒店附近沒有地方食lunch,只有提供晚餐的海鮮餐廳,但酒店有24小時叫餐服務,價錢合理,而且幾好食!
附近就係珍珠島遊樂園,水上樂園、機動遊戲應有盡有!

按此即睇更多酒店詳情和照片

Vinpearl Phu Quoc Ocean Resort & Villas

地址:Bai Dai, Ganh Dau, 富國島, 越南

5. 無限次任做Spa!仲有瑜珈班任玩!

Fusion Resort Nha Trang

查看詳情及訂房

這間酒店同樣以任做Spa作招徠,除此之外,酒店每日也有瑜珈班讓住客免費參與,真正可以去過一個悠閒的度假之旅!編輯入住時的體驗也是超高評價!酒店員工友善,英文好好,溝通完全沒有問題!員工會貼心為你安排Spa、用餐、甚至是往返的交通,十分貼心!有什麼難題,只要打到Reception就有專人為你輕鬆解決,亦可以安排高爾夫球車接送,絕對有帝王一般的享受呀!

酒店房間新淨、空間大也不在話下,每間獨立屋的私隱度亦十足,絕對是過二人世界的好地方!酒店房內更有越南特色草帽送贈,是拍打卡照的絕密武器!房間設計充滿東南亞風情,木原素貫穿整個房間,大床更可以望正海景的,躺在床上看日出日落絕對無難度!

私家泳池對正私人沙灘,仲有吊床玩,超爽!

私人沙灘上有一些大沙發床免費使用,在那兒聽聽歌,看看海,絕對是人生中最享受的時間!

【按此即睇更多酒店詳情和照片】

Fusion Resort Nha Trang

地址:柑海東, 芽莊, 越南

6. 近期落成!位置方便!

The Anam Villas Nha Trang

查看詳情及訂房

芽莊亞南別墅於2016年落成,專為商務和休閒旅客而設計,它位於市內的熱門白牙海灘地區,位置繁華,去市中心和機場都非常方便!

除了泳池、健身室等設施,度假村亦提供網球場、兒童俱樂部、瑜珈室等設施,特別適合一家大小入住。

酒店房間以藍白色為主調,更有花紋瓷磚作點綴,感覺清新。

當然亦有私人泳池套房可供選擇,和朋友在池邊開一個Pool Side Party就最適合不過了!

【按此即睇更多酒店詳情和照片】

The Anam Villas Nha Trang

地址:Nguyen Tat Thanh Boulevard, Cam Ranh, 柑海東, 芽莊, 越南

7. 動靜皆宜!潮玩水上活動、唱K!

Amiana Resort and Villas Nha Trang

查看詳情及訂房

這家酒店的特色之一是你可以於度假區內享受水上活動設施,大玩不同的水上活動,包括水上電單車、浮潛和獨木舟!你可以獨享沙灘,不用四周奔波,玩完可以立即返回房間休息,真正Chill到盡!如果你喜歡靜態活動,你也可以在度假村內唱卡拉OK、享受桑拿和熱水浴等等!

越南Resort, 峴港, 芽莊, 酒店, 越南

度假村內的游泳池剛好對著日落的方向,和家人朋友一起享受這片夕陽,為整個旅程劃上句號吧!

越南Resort, 峴港, 芽莊, 酒店, 越南

除了雙人房,你亦可以選擇家庭套房和私人泳池別墅等等,跟家人、朋友、情侶一起入住都十分適合!

越南Resort, 峴港, 芽莊, 酒店, 越南

越南Resort, 峴港, 芽莊, 酒店, 越南

【按此即睇更多酒店詳情和照片】

Amiana Resort and Villas Nha Trang

地址:Nha Trang Bay, Pham Van Dong Street, 永和, 芽莊, 越南

相關文章