可能由細到大都喺香港長大,就算去到唔同國家,都會一眼認出邊啲係香港人。生活喺同一個環境,大家都已經養成某幾種「香港特質」,就好似你見到傾電話都要向空氣鞠躬嘅,一定係日本人一樣。

01 | 巨型行李箱


不得不承認,香港人嘅購買力非常驚人,雖然我哋唔會攞住個行李箱周街走,或喺人哋店舖門口執貨。但去到機場見到巨型行李箱,好大機會都係香港人。

當你去台灣、韓國某幾個大型超市,就好似返咗香港咁,入面全部掃緊貨嘅都係香港人,場面都幾壯觀。

香港人

02 | 雙腿好似摩打

曾經同幾個台灣朋友生活一段時間,佢哋都一致表示:「點解香港人行得咁快?」冇錯啊!因為香港人每日都趕返工、趕返學、趕搭車、趕返屋企……步行速度可算係全球之冠。

如果你去到外國,見到有人喺人群中靈活穿梭,仲可以低頭攞住手機睇嘅,一定係香港人。

香港人
見到有人喺人群中靈活穿梭,仲可以低頭攞住手機睇嘅,一定係香港人。

03 | 到外國唔入有中文字餐廳

去到外國,一定要試外國傳統口味,呢個係我去旅行嘅宗旨。當我喺門外見到「歡迎中國人」嘅字牌,或門口停泊住幾架旅遊巴士嘅餐廳,一律都唔會入去。

一句講晒,就算唔識睇menu,餐牌一張圖都冇,都係香港人至愛。

香港人
圖片來源:GabGoesZen

04 | 訂位甩底放飛機

承上,好多香港人都追求享受到當地味道,近年好鍾意去日本某類型壽司店,一定要預先訂位,亦唔能夠揀當晚食乜,完全由個師傅一手包辦,佢煮乜你食乜。

香港人
大部分壽司店是小規模經營,座位10隻手指數得晒,師傅要預備好新鮮材料,你訂了位但一聲不響no show,店家的損失誰來埋單?

網上睇過好多訂完位放飛機嘅例子。但日本壽司店係根據客人訂枱人數嚟買食材,日本人好講求信用,預訂唔會收取費用。頂多加句:「如訂位不出現,會造成我們很大困擾喔~」

對於日本人嚟講,對其他人造成困擾,仲慘過沒收訂金。可能係文化唔同嘅關係,喺香港訂咗位no show 至多空番張枱出嚟。

香港人
去年1單案例是有港人稱因大雪搵唔到民宿然後失聯,令民宿一度以為客人遇害,仲驚動埋當地警方同香港入境處尋人,原來她們一直安全,不過並沒有透露其行蹤!

總結:

必須承認,香港旅客唔屬於非常優質嘅一群,聽過最多外國人對香港旅客嘅印象,就係冇禮貌同冇手尾,訂位之後甩底、去咖啡室唔會執番餐盤。

雖然每個國家嘅文化唔同,但並唔係大晒,就好似強國周街屙,都係佢哋文化嚟……跟番人哋國家習慣都好應該。日本小學生嚟香港沙灘離開時,唔止自己帶嚟嘅垃圾,連附近嘅垃圾都清理埋,呢樣嘢係值得我哋學習。

下一頁:日本餐廳唔歡迎遊客 ,有錢都唔賺真係蠢?

相關文章