一般過大海去澳門,剩係張船飛來回都要 2、300蚊,想平玩澳門就只好等特價船飛!今個周末,噴射飛航就推出澳門船飛買2送2優惠,4人同行就可以有2個免費,平均除開4個人,每人唔使$200就可以有張來回船飛,嚟緊會去澳門的話,不能錯過!

撰文:Kassidy|圖片來源:新傳媒資料庫

買2送2!屯門 <> 澳門船飛

今次呢個優惠就只限屯門來回澳門的普通位航線,所以住在屯門、元朗、天水圍的人士就有福了,唔使再為咗張平少少的船飛特登搭車去上環上船。而今次呢套船飛就必須買2送2,即時出飛,故要定好回程同去程時間,4張都要同一個時間來回,如果計平日日航的普通位,買4套來回船飛都只是 $774,除開每個人最平 $193.5 就可以有一套來回澳門的船飛,抵買!

【澳門船飛優惠】每人最平來回 $166|住屯元天要留意!屯門至澳門船票買2送2
船飛只限屯門出發,如果想由上環出發,就暫時未有優惠了。

11/7前必須回程 名額未知之數

官網雖然只得一張海報講今次呢個優惠,但經記者致電查詢,客服表示所有船飛必須在 11/7 前回程,無論是日航、夜航還是周末航班都有同樣的優惠。但送的船票就只會係日航的價格,如果想買夜航,送的兩套船票就要額外加錢。而今次優惠的名額仍是未知之數,客服建議到會場再詢問(皆因全部即時出票),所以先到先得!

【澳門船飛優惠】每人最平來回 $166|住屯元天要留意!屯門至澳門船票買2送2
如果想暑假去澳門玩,都不能夠用到這個優惠。

其他優惠:澳門回力自助晚餐買2送2

如果買船飛,就會享有埋澳門回力酒店的自助晚餐買2送2的優惠,原價 MOP438,4個人去食,每人大概 MOP220都埋到單,當然質素就見仁見智,只買船飛都已經夠晒抵。

【澳門船飛優惠】每人最平來回 $166|住屯元天要留意!屯門至澳門船票買2送2
回力酒店終於重新開幕!(圖片來源:澳門旅遊局)

噴射飛航屯門市廣場推廣會
日期:5月26日-27日
時間:10:00am-8:00pm(會場截止展銷時間:7:30pm)
地點:屯門市廣場1期1樓中央廣場
網址:噴射飛航

下一頁:【澳門美食2018】澳門街坊都推介的地道老字號|必掃10間平價小店+雀仔園街市

相關閱讀:情侶遊澳門|慶生、周年紀念必睇!2日1夜食玩行程懶人包(附生日優惠)

相關文章