【深圳好去處】星期六、日想同另一半、家人或者閨密來個短線遊,2日1夜放鬆一下的話,唔少人都會揀去澳門。但玩多幾次覺得厭?不妨發掘一下近少少的深圳好去處啦!唔好以為深圳只有打邊爐或按摩,又或者嚟個一日遊就玩完,其實唔少酒店、度假區都又平又抵玩,今次率先為大家介紹位於龍華新區的觀瀾湖,點樣玩足兩日一夜!

撰文:Cynthia|攝影:Fion|編輯:J

深圳好去處|觀瀾湖親子、情侶遊

深圳觀瀾湖位於龍華新區,地點來說其實不算方便,好在皇崗口岸有專車接送,搭30分鐘左右就會到達園區。園區裡面也有免費的Shuttle bus,接駁往來不同景點,包括高爾夫球場外、手作工藝坊、靚cafe、度假酒店、生態體育園等等,可能兩日一夜都唔夠玩,一齊睇睇以下食、玩、住的行程推介!

深圳好去處
觀瀾湖度假酒店地點不太便利,好在有shuttle bus 直達。

深圳好去處
園區的面積很大,都要搭車代步。

深圳好去處
酒店內有不少康樂設施,適合一家大細。

深圳好去處
主打夏日風情,太熱都可以游游水。

深圳好去處觀瀾湖篇:推介1|手作工藝體驗

在玩方面,觀瀾湖毫不輸蝕,有各種文青最愛的傳統手作工藝,包括有皮藝、布藝、紙藝、木藝、陶藝、金工及玻璃,可以在專人的指導下,親自落手落腳試玩試做,完成之後還可以把成品帶回家,好有紀念意義。

深圳好去處
工藝區的設計很有質感,令人眼前一亮。

記者參觀的時候,剛好遇到一大班小朋友在上藍染課,由於工藝區不時都有免費的體驗課程,歡迎大人及小朋友參加,經常都會十分熱鬧!而老師會先教授染布的相關知識,再讓小朋友親手去做,還有拼貼布、做衫等課程。

深圳好去處
剛好遇上小朋友的體驗課,十分熱鬧。

深圳好去處
小朋友可以親身體驗藍染。

深圳好去處
在老師的幫助下,染出令自己滿意的花紋。

深圳好去處
成果的圖案非常漂亮,每個都是獨一無二的。

好多情侶都喜歡送皮革製品畀另一半,親手製作更有意義!皮藝課程讓大家可供即場製作passport套、銀包、手環、卡片套等都無問題。另外金工堂還可自製耳環及戒指,好有心思!

深圳好去處
老師示範如何製作較花功夫的袋。

深圳好去處
親手製作的散紙包,收到的人一定會很開心。

深圳好去處
親身體驗燒戒指的機會好難得!

深圳好去處
款式不算太花巧,但重在心思。

記者當日最期待的就係燒玻璃,但好可惜燒爐壞咗,所以無法體驗,如果想試,安全起見都要提早幾日book定!

深圳好去處
燒玻璃的製成品超靚!

深圳好去處
師傅表示初學者都可以輕鬆做到。

如果唔想花太多時間做體驗,又想行行文青產品,藝工場的底層就是逛逛的好地方,產品全部都是由著名工藝大師製作而成,當然價格都相對較貴,不過亦不妨Window Shopping,欣賞一下。

深圳好去處
地下樓層全部都是中國大師DIY的製成品。

深圳好去處
每個區域都有註明是哪個大師的作品。

深圳好去處觀瀾湖篇:推介2|大量打卡Cafe、酒吧

對於各位女生來說,其中一個不能沒有的行程,就是打卡。觀瀾湖新城藝工場設有一連3間風格各異的Cafe,想打卡或者hea番一個下午的話,就記得去了!

深圳好去處
這個搶眼的建築物,就是觀瀾湖新城藝工場。

深圳好去處
裡面放滿了彩色的信箱。

近期花花cafe成為大勢,鮮花加上書店的搭配,自然係最佳的影相地點。蔓花園設計十分用心,無論是吊燈、木書架還是藤椅,都營造了一種非常放鬆的感覺,加上人流不多不算嘈吵,可以慢活一下。

深圳好去處
深圳興起了很多花花cafe,觀瀾湖當然都有。

深圳好去處
座位夠多,而且非常闊落。

不喜歡太少女,走型格路線的Gee Coffee Roasters 肯定更合意,由香港咖啡達人Felix Wong(黃劍斐)所管理,走的是精品咖啡路線,喜歡細細品味咖啡,可以同閨密或男友一齊去歎番杯。

深圳好去處
牆壁上的品牌logo 非常搶眼。

深圳好去處
此店不只是一般的打卡店,還十分重視咖啡的品質。

想去Live House聽音樂,就可以揀酒吧紅糖罐,入面環境好Chill, 聚集了好多玩獨立音樂的人,就連王力宏的MV都在此拍攝,可惜記者中午前往無咩睇頭,相信夜晚一定會好玩得多!

深圳好去處
紅糖罐看起來很不起眼,但其實是間酒吧。

深圳好去處
裡面的擺設感覺凌亂,但又很有個性。

深圳好去處觀瀾湖篇:推介3|Hard Rock平價自助餐

Hard Rock保持了酒店原有的搖滾音樂精神,四處掛滿的結他、巨星舞台裝、黑膠唱片,都可以感染到遊客!

深圳好去處
每個住客都可以免費借用唱片機上房玩。

深圳好去處
四處都布置了結他,貫徹Hard Rock 精神。

Hard Rock 自助晚餐選擇夠多!重點回本區的凍海鮮有蟹、青口、蝦、蜆、螺及瀨尿蝦等,選擇不少!

深圳好去處
凍海鮮區雖然無咩貴食材,但勝在都夠新鮮。

深圳好去處
想回本,就要拎多幾碟!

最值得欣賞的是有很多即製的食物,包括牛扒、羊架、帶子、魚等全部任你揀,廚師再即場在開放廚房燒,即燒即食仲正!

深圳好去處
現場揀好魚,就可以交畀大廚炮製了。

深圳好去處
廚師即場為食客燒製海鮮,超香!

熱盤有不少都是海鮮類,唔想食太多生冷嘢可以一戰!最特別還是有即煮的四川冒菜,加入麻辣的湯汁,重口味者必試!

深圳好去處
熟食區都多海鮮,想回本唔太難。

深圳好去處
四川冒菜辣得好過癮,重口味者必食!

甜品同樣都不輸蝕,除了一般的蛋糕外,還有即製pancake、炒雪糕、朱古力及士多啤梨噴泉,不過朱古力漿感覺太稀,有點失色!

深圳好去處
士多啤梨炒雪糕,可以消消暑。

深圳好去處
見到士多啤梨噴泉即心心眼,但朱古力漿好稀。

深圳好去處觀瀾湖篇:推介4|高質西餐廳

不想花太多錢食自助餐,觀瀾湖園內的餐廳質素也不錯,當中以THE PATIO CAFE 最值得推薦,餐廳內行英倫風,一家大細或者成班朋友一齊聚餐都可。

深圳好去處
走英倫風格的餐廳,無論裝修定食物都好吸引。

深圳好去處
來自香港的蘇生蘇太,特別趁假日帶仔仔上來玩。

餐廳內的食物都水準不俗,以燒雞最令人驚喜,雞皮燒得十分香脆,而肉質依然可以保持嫩滑,一點都唔會覺得嚡!

深圳好去處
養生沙拉

深圳好去處
巴迪奧漢堡

店內還有新鮮的果汁,以及每天出爐的麵包!賣相吸引之餘,更加是香氣撲鼻,每晚6點過後,麵包更有買一送一的優惠,唔少客人都會買個做早餐。

深圳好去處
蛋糕的賣相吸引,不過好大件,要同朋友share先食得完。

深圳好去處
麵包6點後還有買一送一的優惠!

深圳好去處觀瀾湖篇:推介5|閨密齊歎Spa

玩足全日飲飽食醉,自然想做番個Spa歎一歎,園區內超大的Spa水療中心,體驗服務很多,包括有驅寒全身按摩、水療面部護理、淋巴排毒等,甚至還有親子及男士專享的水療套餐。

深圳好去處
玩到夜晚太累,自然要做個Spa鬆一鬆。

深圳好去處
裡面環境簡約舒講,感覺放鬆。

深圳好去處觀瀾湖篇:推介6|舒適酒店環境

坐落於高爾夫球場內的酒店,酒店房間配套設施都十分齊全。一共有188間房,6個房型,由於四周被植物包圍著,因此露台對著的景色一般都是植物或高爾夫球場,令人十分放鬆。不過可能春天的關係,濕氣較重。

深圳好去處
大部分都是看著園景,十分開揚。

深圳好去處
房間夠大,兩個人住都不夠覺得逼。

每間房內都有一套的茶具以及茶葉,想要飲用就要另外畀錢,不過就有種中國風的味道。而酒店在客人入住之前,都會先在房內點上香茅味的香薰,記者就覺得有點似蚊香,不過都唔會難聞。

深圳好去處
房內有茶葉、茶杯等,可以品茗一下。

深圳好去處
每間房都會點上的香薰,味道不會太濃烈。

觀瀾湖
地址:深圳市龍華新區觀瀾高爾夫大道1號
網址:mission-hills-resorts.myshopify.com/

下一頁:深圳閨密遊 打卡行程:萬象天地 6大必去打卡靚Cafe懶人包

相關文章