【東京近郊行程】薰衣草季已經結束,嚟緊去日本唔知去邊好?除咗賞花,仲有咩可以做?日本夜景大家都可能睇過,咁日本第一星空你又睇過未?我哋為你準備咗東京近郊,觀星+溫泉+富士山嘅充實行程,最近要去日本嘅唔好錯過喇!

撰文:Carmen | 圖片來源:JR東日本、河口湖オルゴールの森美術館、富士河口湖觀光中心、天空の楽園、昼神溫泉鄉、銀河もみじキャンプ場、網絡

使用JR TOKYO Wide Pass(JR東京廣域周遊券)

是次行程嘅進出點設定為新宿,而呢張JR Pass可以喺東京成田&羽田機場,或者喺新宿站嘅新南口、新宿站JR東日本旅行服務中心等大站買到。於日本國內購買價格為10,000円,使用限期為指定開始日起連續3日。

JR TOKYO Wide Pass(JR東京廣域周遊券)
JR TOKYO Wide Pass(JR東京廣域周遊券)

JR東京廣域周遊券使用地區・JR東日本旅客鐵路株式會社
JR東京廣域周遊券使用地區・JR東日本旅客鐵路株式會社

DAY 1:新宿 → 河口湖

使用JR Pass由新宿坐至大月站,再轉富士特急線往河口湖站(車程約2小時10分鐘)。

河口湖景點:

河口湖音樂盒之森美術館

名為美術館,實際其實係個音樂主題公園,館內包辦觀光、聽音樂、體驗活動、飲食、購物,標榜快行可以玩90分鐘,慢慢玩可以玩足一日。館內最大特色係有好多自動演奏樂器,配合埋美術館極具異國風情嘅設計,好有代入咗《美女與野獸》嘅感覺。

河口湖音樂盒之森美術館
河口湖音樂盒之森美術館

叫得音樂盒之森,就梗係唔少得買音樂盒啦!唔單止可以買,仲可以體驗親手製作音樂盒。音樂以外,仲有特製朱古力同原創熟成紅酒。

可購買音樂盒當手信,還有世界第一甜點師製作的特製朱古力。
可購買音樂盒當手信,還有世界第一甜點師製作的特製朱古力。

品嘗熟成的原創紅酒、音樂盒製作體驗。
品嘗熟成的原創紅酒、音樂盒製作體驗。

玩到攰想食嘢,就可以安坐餐廳,奢侈地邊望住富士山,邊品嘗美食。

河口湖音樂盒之森美術館・餐廳
河口湖音樂盒之森美術館・餐廳

音樂館內係一大片玫瑰園,有720種品種,1,200棵不同顏色嘅玫瑰。9月份有大波斯菊、藍星花、鼠尾草、天竺葵等帶有秋色嘅花種睇!錯過咗6月嘅玫瑰盛放期,都仲有多種花睇!

河口湖音樂盒之森美術館・玫瑰園
河口湖音樂盒之森美術館・玫瑰園

觀光資料:
河口湖音樂盒之森美術館(河口湖オルゴールの森美術館)
前往方法:於河口湖站乘的士(車程約16分鐘)或在河口湖站的1號巴士站乘「河口湖周遊レトロバス」接駁巴士到美術館前下車
入場費:成人1,800円、高中生1,300円、初中生及小學生1,000円
官方網頁:https://kawaguchikomusicforest.jp/

大石公園

大石公園位於河口湖北岸,可以一次過睇勻河口湖同富士山嘅景色!而且一年四季都有唔同嘅花睇,無論咩季節去都唔會失望而回。

河口湖大石公園
河口湖大石公園

公園西側仲有全長350m嘅「花街」,呢段夏末至初秋嘅時期,更可以欣賞到一大片掃帚草!由6月下旬至10月上旬,亦有全長130m,高3m嘅秋海棠「花之瀑布」!10月中旬至下旬則可睇到掃帚草紅葉。

公園內更有全長350m嘅「花街」。
公園內更有全長350m嘅「花街」。

圖片來源:富士河口湖旅遊觀光網
圖片來源:富士河口湖旅遊觀光網

大石公園一年四季都有唔同花種睇,一次過滿足睇花+富士山嘅欲望!
大石公園一年四季都有唔同花種睇,一次過滿足睇花+富士山嘅慾望!

地址:
【大石公園】山梨縣南都留郡富士河口湖町大石2585
前往方法:
【大石公園】於富士急行線河口湖站前乘坐河口湖線遊旅巴,在終站自然生活館下車
相關資料:http://www.fujisan.ne.jp/event/info.php?no=672

河口湖天上山公園

可於河口湖乘覽車上山頂嘅「河口湖天上山公園」,園內有散布四周嘅兔仔同狐狸嘅擺設。除此之外,仲有祈求觀光客及登山安全嘅「兔子神社」,守護符都係粉紅色嘅兔仔形狀!

「河口湖天上山公園」纜車
「河口湖天上山公園」纜車。

「河口湖天上山公園」景觀
「河口湖天上山公園」景觀。

設置喺展望台嘅心形「天上之鐘」,剛好同面前嘅富士山重疊,係一個特別嘅power spot!祈禱戀愛及冇病冇痛嘅人群會排隊敲鐘。

「河口湖天上山公園」・天上之鐘
「河口湖天上山公園」・天上之鐘。

地點資料:
河口湖天上山公園(カチカチ山ロープウェイ)
地址:山梨縣富士河口湖町淺川1163-1
前往方法:於河口湖站乘坐河口湖周遊巴士,約11~16分鐘車程(於遊覽船ロープウェイ入口下車)
相關資料:http://www.fujiyou-koutuu.com/sightseeingspot/

河口湖住宿:

1) 湖南莊

望住富士山食懷石料理

酒店的最大賣點,是全部的客房都擁有無敵的景觀,但必須於(河口 )湖景或( 富士 )山景之中二揀一,不能貪心!另外,大部分房間都在近年翻新及裝修過,不少更增設露天溫泉,最適合追求私人空間的遊客!如果不想花太多錢,入住一般客房都可以於大浴場及天台的湯足邊浸邊欣賞富士山!

景觀:★★★★☆
舒適:★★★★★
設備:★★★★☆

富士山溫泉,河口湖溫泉
設有私人露天風呂的客房,一起身便可以望住富士山,每晚價錢多千五蚊左右,但絕對是值得付出的!

富士山溫泉,河口湖溫泉
晚餐可以選擇於房內進食,如果入住山景客房的話,便可以由 check-in 望住富士山望到 checkout,物有所值(當然要視乎天氣)!

富士山溫泉,河口湖溫泉
湖景的客房,晚上景色非常優美。

富士山溫泉,河口湖溫泉
天台設有足湯,好天的話,邊浸腳邊望住富士山,身心都治療!

2)富之湖酒店
超抵住!睇晒山景湖景

全館都是西式客房,部分更設有露台,可以同時間欣賞富士山加河口湖景色!酒店雖然比較殘舊,但大浴場的富士山景色一流,加上房價平,不想花大錢又想住溫泉酒店的話,可以考慮!
景觀:★★★☆☆
舒適:★☆☆☆☆
設備:★☆☆☆☆

富士山溫泉,河口湖溫泉
大浴場擁有無敵的富士山景色。

富士山溫泉,河口湖溫泉
一般客房都可以望到富士山。

富士山溫泉,河口湖溫泉
部分客房設有小露台。

富士山溫泉,河口湖溫泉
酒店位於河口湖湖畔。

其他住宿地方選擇:http://www.kawaguchiko.or.jp/kawaguchiko_stay_map.html

DAY 2:河口湖 → 阿智村

使用JR Pass由河口湖坐到大月,再乘往小淵澤。喺小淵澤下車後,須轉乘JR中央本線・松本行或其他途經上諏訪站嘅電車。(※JR Pass範圍不包括由小淵澤到上諏訪的車程,出閘時,須到服務中心補約510円,如乘坐特急電車須補約1,270円)(車程約2小時30分鐘)

阿智村 天空之樂園

阿智村位於長野縣嘅南方,被大自然圍繞,係日本環境省認定的日本第一靚星空嘅村。阿智村標高約1,400m,因為地點夠高,市區嘅燈光照唔到上去,高地亦拉近咗同天空嘅距離,睇星星特別清。

阿智村・天空之樂園
阿智村・天空之樂園

每晚8點,天空之樂園就會舉行晚間觀星tour,名為「SOUND OF THE STARS」,會場會將所有燈光熄滅,然後彷彿伸手可及嘅無盡星空,就會蔓延開來。

天空之樂園・日本一星空Night Tour
天空之樂園・日本一星空Night Tour

滿天星空之下,大會更會安排導賞進行星空解說,以及播放原創影片。會場亦安置咗大量天文望遠鏡,進行觀星活動,仲有超人氣,「星星哥哥的爆笑starlight show」等各種娛樂活動,令你嘅觀星之夜唔係真係只得睇星!

活動資料:
天空の楽園 日本一の星空ツアー
地址:富士見台高原ロープウェイ ヘブンスそのはら    〒395-0304 長野縣下伊那郡阿智村智里3731-4
入場費:價錢會根據不同日子而有所不同,成人及高中生 2,000-2,800円、中小學生 1,000-1,400円、未就學兒童免費

前往方法:在上諏訪站乘坐穿梭巴士(來回・完全預約制)到Star Village阿智(スタービレッジ阿智)【車程約1小時30分鐘】
官方網址:http://sva.jp/

阿智村住宿:

1)湯多利之里 伊那華

特色:10種岩盤浴(具排毒美容效果)、露天浴池、個人湯屋

景觀:★★★★☆
舒適:★★★★☆
設備:★★★★☆

旅館設有多種唔同嘅溫泉,部分仲有排毒美顏嘅功效。而旅館對出就有一條小溪流「阿知川」,附近更有靚爆花桃之里,4月尾~5月初係花桃嘅開花期,約有5,000棵紅、白、粉紅色花桃盛放。

湯多利之里 伊那華・外觀
湯多利之里 伊那華・外觀。

檜館・和室
檜館・和室。

庭園露天風呂
庭園露天風呂。

昼神・花桃之里
昼神・花桃之里

2)湯元酒店 阿智川

特色:洞窟風呂、美肌湯溫泉、露天浴池

景觀:★★★★☆
舒適:★★★★☆
設備:★★★★☆

酒店附近可以到農園體驗摘水果,或者參加半日巴士遊,發堀昼神好玩嘅地方!

湯元酒店 阿智川
湯元酒店 阿智川

湯元酒店 阿智川・標準客室
湯元酒店 阿智川・標準客室。

洞窟風呂
洞窟風呂

到附近農園體驗摘水果。
到附近農園體驗摘水果。

其他住宿選擇:http://hirugamionsen.jp/tw/accommodation

銀河紅葉營地

覺得又上又落好麻煩嘅話,仲有一個經濟又實惠嘅地方,一個地點搞掂晒觀星+住宿!

位於阿智村浪合嘅銀河紅葉營地,係太平洋暖地形氣候同日本海寒冷地氣候嘅交界,被大自然包圍,向南方向仲有一大片冇遮擋嘅天空,係夜觀星象嘅絕好地帶!營內區域全部用星座嚟命名,個feel即刻出晒嚟!

銀河紅葉營地・白樺區
銀河紅葉營地・白樺區

遊客可選擇租住帳篷或木屋,木屋主要分為2大區,白樺區被一片白樺木林圍繞,夏天非常涼爽,全棟AC電源完備;紅葉區於午分時間起,就可以睇到一整片藍天,晚上更可以睇到猶如銀河嘅星空!但需要留意嘅係,營方唔會提供床或其他睡眠用品,係要自己帶去!想更有氣氛嘅,推薦住帳篷,仲可以邊燒嘢食邊觀星。

營地區域地圖
營地區域地圖。

銀河紅葉營地・晚間景觀
銀河紅葉營地・晚間景觀。

不過要book呢個營地就會麻煩啲,網上預約嘅話,要填表格再電郵番畀營地,而且表格只有日文。營內規則較多,地點偏僻,想去嘅話,最好搵識日文嘅朋友同行,自駕遊嘅話會方便啲。唔揸車嘅話,就要做好啲功課喇!即使唔想住營,都可以只買票入觀星熱點嘅高爾夫球場睇星星。

銀河紅葉營地・星空
銀河紅葉營地・星空。

活動資料:
銀河もみじキャンプ場
地址:〒395-0501 長野縣下伊那阿智村浪合1771-1
前往方法:乘JR飯田線於飯田站下車,轉乘信南交通嘅巴士到こまんば,再徒步約10分鐘
官方網址:http://gingamomiji.org/wp/

DAY 3:阿智村 →  新宿

第3日係JR Pass最後嘅使用限期,於是就搭盡佢,返東京都放心啦!首先搭番巴士出上諏訪站,乘坐JR中央本線往小淵澤站(約510円),再喺小淵澤坐JR東日本線到新宿,旅程嘅最後就以大都會shopping嚟收尾!

東京新宿
東京新宿

東京近郊3日2夜行程路線整理

DAY 1:東京新宿 → 河口湖

・使用JR Pass乘JR東日本線到大月,再轉富士急行線前往河口湖(車程約2小時10分鐘)
・遊覽河口湖景點
・入住河口湖當地酒店

DAY 2:河口湖 → 阿智村

・使用JR Pass由河口湖坐到大月,再乘往小淵澤,於小淵澤下車後,須轉乘JR中央本線・松本行或其他途經上諏訪站嘅電車
(※JR Pass範圍不包括由小淵澤到上諏訪的車程,出閘時,須到服務中心補約510円,如乘坐特急電車須補約1,270円)

(車程約2小時30分鐘)
・於上諏訪站乘坐直達巴士前往昼神溫泉(※完全預約制・來回票價2,500円)(車程約1小時30分鐘)
・遊覽昼神溫泉鄉/附近景點
・觀賞日本第一星空
・入住阿智村當地溫泉溫店

DAY 3:阿智村 → 東京新宿

・於昼神溫泉乘坐直達巴士前往上諏訪站
・在上諏訪站乘JR中央本線・小淵澤行,前往小淵澤(不包括在JR Pass中,須另付約510円,如乘坐特急電車須付約1,270円)
・在小淵澤轉乘JR特急(自由席)線前往東京新宿

・如第3日便於羽田機場離日,可使用JR Pass前往羽田機場國際線大樓

下一頁:【日本紅葉2018 】楓葉時間預測 最新地區情報 | 京都+東京+北海道賞楓絕景|持續更新
【東京行程】(有片) 3日2夜東京近郊觀星+富士山溫泉行程 | 日本第一星空、河口湖掃帚草