【東京迪士尼樂園35周年】由4月15日起,東京迪士尼樂園35周年紀念的慶祝活動正式開始,除了有買到破產咁多嘅手信,同堆靚到飛起嘅新花車巡遊之外,仲有咩玩、有咩食、有咩打卡位呢?等我帶大家直擊一下…

撰文、攝影:主場・日本

01 | 可能係史上最靚嘅花車巡遊「Dreaming Up!」

35周年慶祝活動的重點項目,當然是日間巡遊「Dreaming Up!」,每日會有1~2場,全場約45分鐘,共有13架花車。打頭陣的,當然是大主角米奇啦!

超夢幻的愛麗絲及她的「仙境」,這花車已經不能用「車」來形容,根本就是一個「移動舞台」,壯觀到全場觀眾都嚇呆了!

可能迪士尼近年拍了太多「真人版」電影,一眾公主人氣高企,所以架花車落足本錢去造,靚到呢!

貝兒最威豬,唔使同其他公主同「車」,有自己的花車,而且更是以「平民」的打扮演出,好厲害!我覺得,貝兒架花車係最有心思最靚的!

新登場的《Big Hero 6》(《大英雄聯盟》),Baymax好有型喎!

在香港有唔少fans的小熊維尼,今次同豬仔齊齊企入蜜糖樽內,更非常落力演出,交足戲,要讚一下!

 小木偶的花車,有一種「聖誕節」的感覺,很像德國傳統的木製聖誕擺設!

米妮今年很可憐,一個人孤零零站在小小掃把上!

又係掃把!今次輪到…… Chip & Dale,鋼牙、大鼻!

唔係啩!再係掃把?唐老鴨同黛絲都係得掃把!似乎有啲可憐!

壓軸是小飛俠及溫蒂達令Wendy Darling(Angelababy的friend?),雖然香港人唔特別喜歡Peter Pan,但呢架花車現場睇超靚,為巡遊畫上完美句號!

02 | 迪士尼電影版「小小世界」

雖然我係迪士尼樂園的super fan,但作為一個機動遊戲,我覺得「小小世界」真係悶到爆炸!可能迪士尼都係咁諗,所以趁35周年,來個大翻新,加入好多套電影的場景同主角,令大家玩嘅時候無咁悶!

一出發,就好似玩緊「Where’s Wally」,不停揾,好忙,但好好玩!

提提大家,Elsa、Anna同Olaf,出發後不久便會出現!

03 | 日與夜「世界市集」睇燈飾

「世界市集」中央放了一座高10米的塔,上面有9隻米奇,全部都係以前在樂園出現過的造型。日間會不停播歌,好似嘉年華會一樣,晚上則有首次登場的投影show,所有屋的外牆都有投影,360度圍住你,超夢幻!

04 | 完全期間限定!朱古力脆球專門店

Chocolate Crunch朱古力脆球,一直以來都是東京迪士尼最人氣的手信,所以今年特別開了一間專門店,出售期間限定的口味、期間限定的包裝,就連專門店本身都是期間限定,只會開到2019年3月25日!所以,吸引了很多很多人幫襯,想買的話,應該要等好幾粒鐘!

Step 1:揀味道

可以於6款味道之中任揀18粒,味道方面,有35周年特別推出的「士多啤梨蛋糕味」,另外還有牛奶、白朱古力及士多啤梨味,而由即日至7月7日的「限定味」,就是焦糖及乳酪味。

Step 2:揀罐

即日至7月7日的「限定罐」,是唐老鴨3個外甥的設計。

Step 3:揀蓋

連蓋都有3款設計可以揀!

Step4:揀蝴蝶結

蝴蝶結又有3種顏色畀你揀!

完成!盛惠¥1,500      

05 | 東京迪士尼海洋Duffy曬冷船P

之前4項,都是在東京迪士尼樂園發生,但如果喜歡Duffy的話,就一定要去東京迪士尼海洋!Duffy同佢啲friends,每日都會在海上開1-3次「船P」,名為「Happiest Celebration on the Sea」,全部迪士尼朋友都會一齊坐住船同fans見面!

必check!東京迪士尼樂園打卡食物

01 | 米奇麵包(連啫喱、飲品)¥1,050

02 | 35cm長熱狗(連薯條及飲品)¥990

03 | 爆谷桶 ¥3,200

04 | 米奇米妮迷你糖果桶  各¥800

05 | 唐老鴨pat pat朱古力果仁碎牛奶雪糕(送唐老鴨甜品匙)  ¥1,000

06 | 牛奶軟雪糕(送唐老鴨甜品匙)  ¥950

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡