近期乜都興「佛系」,最近在一個航空secret page內出現空服員與網民關於派杯麵的討論,有空姐表示建議取消派杯麵,即引起網民反對,並嘲笑為「佛系空姐」,揶揄不如乜都唔好派,等到達目的地!

撰文:杜遊珍|相片:新傳媒資料室

空姐最怕長途機派杯麵

阿珍見到secret page呢啲辯論題目,就會非常興奮,因為充滿人性與獸性的對話都會口沫橫飛出晒嚟!近排在CX Secrets仲有兩條關於派杯麵嘅帖文,空姐表示有不少人叫咗杯麵唔食,是為了唔蝕底。

另外一條帖文,仲建議話不如收番啲客錢先畀杯麵,因為「派死我哋啲BC」,即係專門負責飲品的 bar & cabin,因為辛苦嘅程度如同「派多一次餐冇分別」。

派杯麵的絕望真相

在進入剝花生睇網民非理性留言之前,先解釋番空姐派杯麵點解會咁令人討厭先!據阿珍嘅空姐姊妹講,通常長途機先會為乘客準備杯麵,牌子同派法會因航空公司而異,國泰係on request派,加拿大航空就會在meal與meal之間沖定一盤順住座位去派,有幾慷慨,高下立見。

空姐 杯麵
各間航空公司在長途機上派杯麵都有不同制度。

每當空姐要準備杯麵,首先要拆包裝加熱水沖泡,再加上膠蓋防倒瀉,並準備一個紙座承托,攞埋筷子加餐巾再送畀肚餓乘客。啲客食完後,最乖當然係湯都飲埋,否則又要小心翼翼跨越幾位可能熟睡中嘅客人回收杯麵湯渣,然後返galley隔渣倒湯,如遇到氣流,都幾一步一驚心!

空姐 杯麵
國泰長途機上派的杯麵。

倒瀉杯麵 最難清理

講完實情,睇番CX Secrets上空姐vs網民場波。空姐們當然支持唔派杯麵,其中一個原因係杯麵有熱水,在狹窄環境好易倒瀉,清潔十分不容易。

空姐 杯麵

有空姐同乘客都覺得,唔派杯麵,改派其他食物更方便。

空姐 杯麵

有空姐建議派三文治,其實更方便又冇香味。

空姐 杯麵

然而,亦都有客人支持派三文治。講開又講,在cut cost成為國泰KPI之前,阿珍同不少有經歷的乘客都記得,除咗杯麵外,仲有三文治refreshment揀。

空姐 杯麵

空姐 杯麵
味道最濃烈嘅咖喱味合味道,在飛機上可謂禁品,因為陣味實在太濃烈,會引起人人撳燈叫杯麵!

佛系空姐:餓下就到彼岸

睇完支持空姐不派杯麵嘅理據,當然要睇埋反對黨嘅回應啦!當中笑死阿珍嘅係「佛系空姐」一句,揶揄空姐乜都唔想做,想啲客餓到去目的地!以下仲有一堆網民的「理性」回應。姊妹們,睇完就算喇~

空姐 杯麵

空姐 杯麵

空姐 杯麵

空姐 杯麵

空姐 杯麵

空姐 杯麵
佛系空姐:不派杯麵、不搬行李,緣分到了就落機再見!

「百鳥歸巢」餵殷客

其實一個杯麵,都可以引起咁猛火嘅討論,等阿珍又recap下關於杯麵嘅行內傳聞!話說空姐界入面有道off menu嘅meal叫做「百鳥歸巢」,就是把其他乘客吃完的杯麵回收,隔渣秘製一份「廚餘杯麵」,專門提供畀得罪過空姐空少、令人討厭的乘客。

空姐 杯麵
不過咁,日本兩大航空公司,係有堅高級嘅杯麵畀乘客食㗎!

空姐 杯麵
魚蛋仲有飛機圖案,係揼本之作。

下一頁:空少爆料 機艙黑暗秘密 | 秘製「百鳥歸巢」杯麵

相關文章