小丸子又有心事,呆望雨小丸子的腦袋中央諸多鬼主意♫♬♪

唔講唔知,原來小丸子已經成30歲,真係童顏界嘅表表者!今次小丸子帶埋一家大細,一齊嚟到香港同大家拜年,適逢猴年,佢仲搵咗一班馬騮仔陪佢浸溫泉添!今次商場一共有5個影相位,不過由於場地所限,佈置都唔算太大型,但有小丸子就已經贏在起跑線上喇!

text:Mandy@新假期

1) 同爺爺一齊浸 – 玫瑰溫泉

最近天氣咁凍,記者都好想同佢哋一齊浸溫泉呀!今次除咗小丸子之外,仲有一大班馬騮仔一齊浸,成件事就變得有日本氣氛,現場仲有玫瑰香味,個溫泉仲真係會有蒸氣添,令大家真係好似置身日本咁。

2) 小丸子&花輪同學坐鎮 – 戀愛神社

新一年,大家都好留意來年運程,唔少人都會去祈福,今次呢間神社仲有小丸子同花輪同學坐鎮,記者不禁表示,希望祈完福,真係會行桃花運啦!可惜中間嘅鐘只係裝飾,並唔可以真係敲響,否則就更 perfect 喇!

3) 幸福小丸子達摩像

平時達摩嘅眼睛通常都留白,等大家願望成真之後先畫上眼睛,今次小丸子就化身成達摩像,希望大家都能夠實現所想。

下一頁:爺爺化身財神,小丸子竟然變咗…

4) 一家人齊齊整整- 快樂旅館

嚟到旅館呢部分,小丸子一家人齊齊坐定定畀大家影相,成個佈置其實都好精緻,連檯上嘅食物像真度都好高。

5) 財神爺爺派利是?

離開皇室堡,去到附近嘅東角都一樣有小丸子同爺爺,爺爺仲著到成個財神咁,真係唔問佢逗利是都對唔住自己呀!爺爺~~~~~可唔可以真係派封利是畀我呀?

下一頁:大出血!期間限定pop-up store

除咗可以同小丸子影相之外,商場亦開設咗期間限定pop-up store,出售多款會場限定小丸子商品,粉絲們一定要入手!

1) 日本手製美濃和子木芥子人偶及精品(會場限定)

記者對小丸子呢個古靈精怪嘅眼神表示大愛!

2) 日本手製美濃和子面油紙連鏡(會場限定)

好少見到咁實用嘅卡通用品,女孩子們拎出街就啱晒喇,無論係面油紙嘅包裝定係你本人都一樣可以keep住咁靚~

3) 小丸子幸福達摩系列(會場限定)

呢個系列係今次香港展覽會場限定,凍冰冰攬住個暖手枕就最正喇!

4) 小丸子利是封

對小朋友嚟講,新年最重要當然就係逗利是啦!如果收到呢個咁靚嘅利是封,我一定會好好keep住!

5)小丸子 x 汪東城系列

有留意開嘅都知台灣藝人汪東城係漫畫迷,而且畫畫好靚,今次佢就同小丸子嘅漫畫家櫻桃子一齊設計咗一系列商品,佢24號仲會嚟到現場擔任揭幕禮嘉賓添,粉絲們記得支持吓偶像喇。

*以上產品價錢待定

皇室堡 x 櫻桃小丸子 玫瑰溫泉物語

【地點】銅鑼灣皇室堡地下中庭(顯示地圖
【日期】1月23日至2月28日
【時間】10am-10pm
【查詢】2895 0668

延伸閱讀:

週末遊大嶼山郊 | 彌勒山郊遊徑 | 秋之風景站

港人行山必備 | TrailWatch 行山APP 3大功能

本地好去處|逃出鬧市!歎盡5大寧靜好Brunch