曾有網民喺討論區出咗個做旅行搞手post，大呻做搞手要幫手訂晒所有嘢之餘，去完旅行仲要未追得番啲錢！搞到佢都忍唔住要開post講：「去旅行做搞手都係戇X仔！」個post一出，即引起其他網民熱討，齊齊大呻做搞手有幾悲哀！唔知你又認唔認同呢？
撰文：CL | 資料來源：LIHKG
旅行搞手5大悲哀
該網民喺討論區大呻自己除咗要幫手訂機票同酒店，又要搵咩時間最好、最平，又要搵埋邊間酒店方便得嚟又要最抵！
出發時又被班friends嫌三嫌四，話點解飛嘅時間咁差，又話點解要住咁遠，瘋狂畀說話佢聽！最慘係佢開頭幫手畀埋錢，但一月去完旅行，到依家都未追得番！
01｜唔幫手仲要零回應
有網民話自己做搞手又係要幫手搵埋機票同住宿，但班friends就已讀不回，唔知想點，最尾自己去旅行算數！
有網民寧願自己去旅行，都唔想貼錢買難受！
02｜完全唔上心，得閒都唔肯plan
有網民分享有次想搞trip，一開頭夾時間都難，啲friends就算有時間都唔願意幫手睇機票，到搶機票時又推三推四，最尾冇晒心機搞！
03｜Hea plan行程但又嫌三嫌四
傾行程嘅時候又hea又冇貢獻，等有人plan好晒又唔聽入耳！結果自己冇帶夠錢去玩又要嫌三嫌四，又嫌食得貴玩得貴！究竟想點？
04｜幫手畀晒錢但要乞求先追到尾數
所謂「數還數，路還路」，就算大家幾熟都好，錢銀都要分明！有網民都試過一開頭先幫friends畀咗錢，但搞到要報警至追得番，最後連friend都冇得做！
有網民試過去完旅行半年之後，先追得番條尾數！
05｜詐傻扮懵唔還錢
有網民就話最乞人憎唔係遲還錢，而係有啲人如果唔開口叫佢還錢，又真係可以扮晒嘢唔還！
網民：做旅行搞手要識保護自己！
好多網民睇到個post都覺得樓主好慘！有網民就覺得搞手可以做，但要識得保護自己！唔可以任人魚肉！
有網民話找卡數前，就要追番個尾數！
網民：叫佢地一早入定錢！
有網民就建議事先叫班friends入定錢落戶口，就唔使驚到時追唔到錢喇！
唔知大家有冇試過去旅行做搞手呢？如果有得揀，你哋又會唔會想做搞手呢？