【 FlyJapan 】唔驚唔覺,東京迪士尼度假區即將慶祝35歲生日,雖然新巡遊要等到4月15日先正式公開,但部分紀念品同食物已經可以買到食到!Fans係咪好緊張呢?FlyJapan將會不停同大家update最新的資訊。不如今日講下35年來一啲有趣的數字,例如,你知唔知,Space Mountain的列車,35年以來,一共行咗幾多公里?夠唔夠真係去到月球呢?

撰文:主場・日本 | 圖片來源:官方網站、官方facebook、新傳媒資料室

01 | 「小小世界」入場人次多過日本總人口?

35年內,在「小小世界」內,聽過〈小小世界〉的人數,是2.6億!即是全日本人入場,都要每人去玩2次先夠!

東京迪士尼
「小小世界」是東京迪士尼最受歡迎的遊戲之一。

東京迪士尼
「新版本」的「小小世界」,將會加入小飛俠、長髮公主、灰姑娘等等,多達40個以上的迪士尼電影角色!

02 | 賣出pizza的總數可以砌過萬座城堡!

如果將多年來賣出的pizza疊起,那個高度約等如18,000座園內的灰姑娘城堡!

東京迪士尼
18,000座!

03 | Space Mountain列車可來回月球25次!

Space Mountain列車累積的飛行里數,可以足夠來回地球至月球25次!

東京迪士尼
除了灰姑娘城堡外,Space Mountain外觀獨特,同樣是東京迪士尼樂園內最具代表性的地標之一!

東京迪士尼
唔使25次,如果可以飛的話,來回一次就夠!

04 | 售出爆谷夠堆4.6座火山!

今次唔講大熱的爆谷桶,講下爆谷!原來咁多年以來賣出的爆谷,夠堆4.6座東京迪士尼海洋的火山!

東京迪士尼
迪士尼的遊戲常常要排幾個鐘隊,爆谷幾乎是必需品!呢4.6座火山,我都有份起㗎(笑)!

相關文章