國泰航空公司由今日(3月8日)起一連4日會大送歐洲機票,不單止放了三個 boarding gates 喺銅鑼灣 Fashion Walk 畀大家盡情打卡,玩埋小遊戲仲有機會獲得兩張來回歐洲的經濟艙機票,嚟緊4日會經過銅鑼灣的話,不能錯過!

文、圖:Kassidy

坐國泰遊歐洲 晚飛早到

今次國泰舉行這個活動,主要是用來宣傳飛歐洲的賣點「凌晨上機、朝早落機」,乘客可以在飛機上唞足精神,由落機的一刻開始遊覽歐洲!而今次仲有特別賣點,就是國泰在今年新增了三條飛歐洲的航線,分別是布魯塞爾、都柏林跟哥本哈根。

01|Boarding Gate 登陸銅鑼灣

據統計,香港人去機場影得最多嘅位置一定是 boarding gate 位!而國泰就將 3 個 boarding gates 搬去銅鑼灣,可以盡情影相。在銅鑼灣見到 boarding gates 不用怕,即刻走埋去影番張相先。

02|即製歐遊紀念登機證

一去到可以先到櫃枱排隊填資料印登機證,紀念登機證上會有名字、機票目的地跟到達時間,張張都獨一無二,冇錢飛歐洲,不如印住一張扮住先。

03|國泰送機票 撳到埗時間贏機票

要贏機票就要玩小遊戲,玩嘅方法好簡單,只要攞住張有自己名的紀念登機證,就可以去最後一個 boarding gate 度玩遊戲,畀張機票空姐掃 QR code 就可以。登機證上會有一個到達時間,只要撳中到達時間,就可以獲得機票目的地上的兩張機票,即時頒獎!

撳時間純靠運氣

要在1分鐘內撳到時間其實絕不容易,因為純靠運氣。時鐘不是以計秒方式運行,而係不斷閃出不同數字,所以要撳中純靠運氣,如果眼力較好,也許能靠少許技術,但一般人可以「聽天由命」隨便撳。

撳唔中都有大抽獎

撳唔中都可以參加活動的大抽獎,雖然唔係即場攞到張機票,但都可以在3月29日留意《星島日報》跟《英文虎報》,會公布3套共6張機票(香港來往布魯塞爾、都柏林跟哥本哈根)的得獎名單!

#醒晨遊歐洲
日期:
2018年3月8至9日5:00pm-9:00pm
2018年3月10至11日12:00nn-8:00pm
地點:銅鑼灣 Fashion Walk
網址:國泰航空

下一頁:【 FlyJapan 】日航JAL | Minions 迷你兵團主題客機 | 跟Minions一齊遊日本