港珠澳大橋通車之後,最快30分鐘左右就可以到珠海。想試下揸車行港珠澳大橋過澳門,就要留意政府啱啱公布嘅港澳跨境私家車安排!

港珠澳大橋澳門口岸泊車轉乘計劃 3 大重點

01|港澳泊車轉乘 3 千泊車位

首先講下比較多人可能會申請嘅「港珠澳大橋澳門口岸泊車轉乘計劃」,如果你係香港私家車登記車主,同時持有香港正式駕駛執照同港澳政府發出嘅跨境車輛牌證,就可以提前12小時,經網上指定平台預約澳門口岸 3,000 個嘅泊車位,一架車最長可以預約連續泊 8 日。

港珠澳大橋澳門口岸泊車轉乘計劃
申請人毋須持有配額,亦唔需要申請澳門車牌,而且喺跨境車輛牌證有效期內,仲可以無限次預約口岸停車場車位。

搭「金巴」詳細教學 : 【港珠澳大橋】24小時來往澳門「金巴」:購票方法、接駁交通、車費、班次、巴士路線、巴士站、香港口岸

02 | 只停澳門口岸停車場 不出市區

不過,參與計劃嘅車只可以停喺口岸停車場,並唔可以駛入澳門市內。停車場收費方面會分為2個時段,分別係早上 10 時到晚上 10 時,以及晚上 10時 至翌日早上 10 時,每個時段 $180。

港珠澳大橋澳門口岸泊車轉乘計劃
如果超過原先登記嘅停泊時間,收費更會提高到 MOP270 。

雖然唔駛得入澳門市內,參與計劃嘅車都要買內地同澳門車保。計落旅客都係搭船去抵玩啲!

澳門邊間豬扒包最好食:澳門豬扒包2019|世記咖啡、大利來、葉熾記人氣豬扒包店推介

03 | 限量 300 個配額 自駕入澳門市區

如果想揸埋入澳門市區,就要申請常規配額。 由運輸署發出、供香港私家車使用嘅常規配額有 300 個,當中有150個公司配額同150個個人配額。

持有配額嘅私家車,可以喺3年有效期內,無限次經大橋進出澳門市。由 2 月 27 日起就可以經網站、郵寄、投遞、親身或經代理人向運輸署申請。

港珠澳大橋
至於由澳門政府發放,來港嘅跨境非商用私家車常規配額就有600個,當中 500 個有效期1年,100 個有效期半年。

去到澳門有咩玩 :最新澳門好去處推介 – 氹仔及澳門酒店、美食、景點、自助餐及套票優惠等最新自由行推介

 

 

相關文章