text： KKday | photo： 新傳媒資料庫
2018旅行目的地 心理測驗
如果你可以選擇變成一種動物，你會揀 ：
A) 狗仔
B) 貓
C) 獅子
D) 白鴿
E) 海豚
01 | 狗仔
你嘅性格跟狗仔一樣，和藹可親、喜歡熱鬧，對於新事物會抱著一試無妨嘅心態，就好似一個探險家般，勇於嘗試，所以好易結識到新朋友！
台灣人嘅熱情，加上各大夜市特色嘅食品，會令你迷上這座寶島。覺得台北太過城市化好似香港？你可以選舉去台中。
例如：清境，登上合歡山觀夜星迎晨曦，感受大自然的美！你一定會享受這趟探險之旅。
02 | 貓
作為人類嘅主子，本身有著超凡嘅地位！你那觸摸不到嘅情緒，有時候喜歡獨自一人，避開任何人，但有時候卻又會主動接近，認識新朋友！
就是這種帶點高傲的可愛性格，令你成為萬人迷！若你喜歡一個寧靜地走訪歷史古蹟、神社寺廟，大阪城、金閣寺絕對係你嘅首選！
若你享受跟朋友走在一起，東京shopping之旅會係你嘅最愛，當然唔少得要著和服，扮下靚靚啦！
03 | 獅子
揀咗獅子嘅朋友，代表你哋富有領導及獨立行事能力，係權威嘅化身。你哋追求權力所帶來嘅榮譽、享受成為大眾嘅焦點、喜愛驚險刺激活動當中嘅刺激快感。
所以沙巴係你哋必去嘅地方！唔好以為沙巴水清沙幼，唔啱你哋去。其實沙巴仲有好多刺激嘅活動，例如九魯河激流泛舟、Zip Borneo高空飛索等，一定會係你哋嘅首選！
04 | 海豚
居住喺海洋嘅海豚最喜歡自由，而且親和力高，又十分聰明，好奇心也極高，平常嘅旅行地方已經滿足唔到你要求！
去瑞典追尋極光會係你人生必做名單中排首位嘅活動，因為你知道，探索世界嘅奧秘，會比行街shopping、食好西、玩樂更為重要！
05 | 白鴿
白鴿係和平象徵，嚮往簡單嘅生活，熱愛悠閒同大自然，享受生活係你哋嘅人生目標！
所以珀斯最適合你哋去，有別於澳洲大城市如黃金海岸、悉尼等城市，珀斯少了快速嘅生活節奏，而多了大自然嘅風情。喺珀斯，你可以去國家公園，看瀑布同峽谷。另外，市郊仲可以見到唔少野生動物，例如袋鼠、海豚和海豹等等，啱晒熱愛悠閒嘅你去！