同朋友去旅行,係對友誼的最大考驗!畢竟要朝夕相對幾日,如果同班朋友唔夾,好易令整個旅程都變得唔開心,返到嚟可能連朋友都冇得做!想知自己同邊種個性嘅旅伴最夾可以去到旅行,即玩以下旅行心理測驗,原來睇帶咩去旅行就會知道!

文:Cynthia|圖:新傳媒資料庫

帶一種物品 看出最夾旅伴

出發去旅行前,執行李除了錢、手機、護照等必需品外,只可以再帶一樣物件的話,以下5種你會揀哪一種呢?

A. 啤牌、大富翁等桌遊

B. 藥物、急救包

C. 最喜歡的公仔

D. 耳機

E. 旅遊書

旅行心理測驗
帶咩去旅行,都可以睇出你的個性!

A. 啤牌、大富翁等桌遊 活力型旅伴

天生怕悶同無聊的你,就算去旅行都會玩盡一分一秒,盡情投入於旅行之中,就算日頭已經玩咗成日,夜晚都會想同朋友仔一齊繼續玩。因此,你最適合同一大班朋友一齊去旅行,充滿活力而又搞笑的朋友,玩足全日都唔怕攰就最夾啦!

旅行心理測驗
喜歡成班朋友一齊玩桌遊的人,需要活力型旅伴!

B. 藥物、急救包 謹慎型旅伴

你係一個天生比較謹慎小心的人,同時亦會有較多顧慮,所以每次去旅行前,你都一定會先做好萬全準備,以防萬一。因此,你需要一個非常謹慎小心的旅伴,所有事都會double check 一次,行程期間亦可以做到on schedule,會比較令你放心。

旅行心理測驗
個性比較小心謹慎,會希望旅伴夠細心!

C. 最喜歡的公仔 成熟型旅伴

你性格比較依賴,好多時候都猶豫,好難自己做決定,需要問其他人意見。而遇上問題、困難的話,你更加好需要有人支持、幫助。因此,你會比較適合同長輩、家人,又或者心智比較成熟,有決斷力的朋友一齊去旅行,可以隨時隨地幫你做決定!

旅行心理測驗
需要安全感的話,成熟型旅伴最好!

D. 耳機 獨立型旅伴

你的個性比較獨立,經常自己一個拖住行李快閃,熱愛自由。同時你亦係一個重視個人空間的人,喜歡思考、擅長觀察四周。相比之下,你其實更適合自己一個人去旅行。如果一定要有旅伴同遊的話,可以挑選比較獨立自主的朋友,不會事事依賴你,中間有啲時間可以分開玩會更好。

旅行心理測驗
有時自己一個去旅行,反而會更好。

E. 旅遊書 分享型旅伴

你不喜歡冇計劃地旅行,每一次出遊都會做很多資料搜集,仔細地plan 好每一個行程景點,同時也很喜歡聽別人的想法、參考他人意見。因此,你的旅伴最好是一個有責任心的人,可以與你一起討論行程、聆聽對方的意見,旅行期間不停互相討論分享,可以令你更加滿足。

旅行心理測驗
有唔少人都喜歡跟著旅遊書plan 行程。

相關文章