(Presented by Ajisen Ramen)

Kumamon 部長風頭一向勁,平日香港粉絲多數在Ig追捕熊蹤,不過最近源自熊本的味千 拉麵 就拉埋呢位人氣「鄉里」一同合作,在 東涌 廣場新城開了 Kumamon 主題麵店。熊粉們,快啲攞定相機去selfie,記得要買埋熊本直送精品同參加抽獎呀!

Kumamon

對住咁大隻Kumamon食麵,人都開胃啲!

屋仔形設計的卡座,充滿童趣。

為期3個月的「桜色熊本」,全店以粉紅色櫻花作點綴,配合春天爛漫的靚景。

食拉麵 Kumamon精品任你買

呢間全新Kumamon主題麵店內內外外都有部長個可愛嘜頭,新張期間做緊「桜色熊本」主題,全店都係Kumamon同粉紅櫻花,卡哇伊到暈!全店60個位,坐得寬敞舒服,無論坐屋仔形的卡位,還是走廊位,都梗有部長喺左近,粉絲來到,未食麵,影相都影飽。

Kumamon食飽拉麵,看「他」多滿足!

連舖頭外都有影相位,你哋嚟到,大可以慢慢影。

除了勁多影相位,店內亦有唔少Kumamon限定精品,全部由熊本直送,畀你買返屋企:有1包4個入、得意到唔捨得拆嘅拉麵;又有5款顏色嘅竹筷子套裝;仲有膠布、不鏽鋼匙……全部都好可愛呀!

店中有熊本直送的精品,身為「熊粉」的你,一定不會錯過。

贏埋抽獎 送你去熊本搵部長

咦!麵嚟喇!試下呢款墨西哥青辣椒拉麵先!加咗青辣椒油味道零舍清新,配埋海鮮,味道又幾夾,好彩唔係太辣,點到即止,愈食愈好味!正!食下、影下,特別開心!咪話唔提你,即日至4月15日,佢哋舉行緊大抽獎。凡在店內惠顧任何食物,就有抽獎券一張,隨時贏到「熊本雙人 5 日 4 夜來回機票及九州旅遊全攻略」,名額10個,好彩嘅話,可以親身飛去熊本探下部長添!

Kumamon 拉麵

最新推出的墨西哥青辣椒拉麵,帶青辣椒油的清新氣味,辣得醒神,配鮮甜海鮮,好開胃。

任何惠顧都可獲抽獎券一張,有機會得到雙人5日4夜來回機票,名額十個。很想去吧!

味千拉麵

地址:東涌富東邨富東商場地下2-3號舖 (顯示地圖)

電話:2791 0618

營業時間:11:00am-10:30pm

網址:www.ajisen.com.hk

相關文章