講到2018年最令人期待的新酒店,絕對係全球首家無印直營MUJI Hotel要喺深圳開的消息!唔少無印迷都非常期待呢間新酒店,聽日(18/1)終於正式開幕喇!記者於開幕前一晚率先試住,想知深圳直營店可唔可以維持無印一貫的風格,同埋抵唔抵住的話,即睇介紹!

text: Cynthia|photo:Man、無印良品

無印深圳開新酒店

近排愈來愈多香港人會趁周末返深圳飲喜茶、食海底撈,對於深圳的蒲點都好了解,不過可能未聽過深業上城呢個新場,也就是全球第一間無印酒店的所在地。於福田區的深業上城,與深圳無印同日1月18日開幕,記者獲邀於1月17日與一眾內地、日本記者共同入住,以下就由特派記者報告一下試住感覺!

===無印於深圳開酒店,好多人都十分期待!

深圳 無印酒店
= 雖然都是內地人職員,但全部都著上MUJI黑白色服裝。

MUJI 酒店強調環保理念,所以酒店好多地方都係採用舊木、廢物再利用,令無印酒店有特色之餘,亦可以符合環保概念!

大堂勁多木材質感,一貫無印風格。

MUJI Diner餐廳在地面層,不過不是面對大街,陽光唔多夠。

優點1:價錢唔算貴 RMB950/晚起

MUJI Hotel的4至6樓共有79間客房,分別有5種房型,全部都是雙人房,基本配備相近,最大的分別在於每間客房的大小。

深圳 無印酒店
酒店每間客房的空間感十足!
深圳 無印酒店
洗手間相對冇咁有設計感。

最平的人民幣950/晚,價錢已包早餐,兩個人每人500蚊就住到無印酒店,仲要食到MUJI Diner的食物,相當划算!

深圳 無印酒店
房間唔會感到太迫。

深圳 無印酒店
房內有無印的家具,是專門訂製,暫時未有得賣!

最大的房型E 要成RMB2,500,但有51-61m2,大大塊落地玻璃對住公園景,景觀都算不錯,加上有衣帽間、MUJI 桌椅梳化慢慢嘆,有能力豪嘆不妨一試!

深圳 無印酒店
超大間房,連家具都勁過人!

怕酒店Wi-Fi慢又無準備到電話卡?依家用450Club積分就可以換到2日中國大陸數據漫遊優惠組合^,立即下載The Club app:http://p.nmg.com.hk/kq3456

優點2:房間一貫無印風格 無印迷大愛

房內貫徹無印簡約風格,由深澤直人設計的壁掛式CD播放器,已經預先入碟,播放統一無印店內可以聽到的音樂,所以一行入每間房,就可以聽到熟悉的無印音樂。

深圳 無印酒店
每一間房內,都有由深澤直人設計的CD 機。

每間客房都配備的牙刷、牙膏、浴帽、化妝棉、洗髮液、護髮素、沐浴露、洗手液、電水壺、拖鞋等等,通通都係無印出品,儘管你屋企本身已經用齊呢批日用品,但咁樣夾埋無印酒店,感覺爭好遠!

如有未用過的MUJI產品,或許可以在酒店一次過試勻!

 

即使用開無印沐浴用品,屋企個廁所都唔會fit成咁擺得咁整齊!

而每一間房間的空間感好夠,主因是樓底有成3米,加上有塊大大的落地玻璃,空間感十足!

深圳 無印酒店
酒店房樓底有成3米,加上落地玻璃,空間感十足!

優點3:房內免費位多

MUJI 酒店的每間房內,都會有掛耳式咖啡包、茶葉,以及2支水可以免費飲用。唔好睇小2支水,包裝係由深澤直人全新設計,而且店舖都暫未有得賣!

深圳 無印酒店
全部都可以免費享用!

深圳 無印酒店
咖啡質素都唔差!

房內的酒店指南仲寫明,牙刷、拖鞋、墨水筆都歡迎帶走留念!

深圳 無印酒店
拖鞋都可以帶走留念!

優點4:酒店設施完善

酒店雖然只有6層,唔算大規模,但該有的設施都應有盡有!健身房免費使用,有埋更衣室夠方便。落地玻璃對住新商場的品牌街,而且健身房6:00am-11:00pm都有專人指導,相當貼心!

深圳 無印酒店
Gym room 設施都算多!

深圳 無印酒店
可以望住條時尚街慢慢做運動!

深圳 無印酒店
另外有毛巾等供應,相當貼心。

Common room 內有個大大的書架,650本書可以借來看,但只限於common room 同會議室範圍,千萬唔好攞走!

深圳 無印酒店
想睇書可以去common room,好多選擇!

深圳 無印酒店
但要注意只可以現場睇,唔可以攞走。

會議室可以同時容納200人,亦可以1開3變成3個細會議室,有需要開會的話可以借用。

Meeting room可以容納200人!

優點5:MUJI Diner 嘢食更平!

香港雖然未有MUJI Diner,但Cafe & Meal 普通一個4餸飯都要過百,深圳MUJI 3餸都只係RMB58,2熱盤加1凍盤,仲有湯加飯,而4品都係RMB68,5品RMB78,不過記者食完,覺得味道一般!

深圳 無印酒店
雖然價錢比香港平,但味道一般!

深圳 無印酒店
因為講究「媽媽的味道」,賣相一般但更健康均衡。

深圳 無印酒店
肉醬麵味道都不錯!
深圳 無印酒店
甜品相對來說比較好食!

無印酒店缺點1:地點不算便利

MUJI Hotel 與最近的地鐵站蓮花村站大約是2公里的距離,步行過去起碼要15-20分鐘。好在與皇崗、福田口岸都算近,從皇崗口岸坐的士10分鐘內就到,實測車費才RMB17,唔使諗啦!而福田口岸搭的士大概亦只需10分鐘,RMB22.5車費,如果想入住,建議搭的士最方便!

深圳 無印酒店
由福田口岸過去,要RMB22.5。

皇崗相對較近,但都要RMB17。

缺點2:景觀相當一般

雖然有塊大大的落地玻璃,但只有一個房型可以對住蓮花山,記者入住的房型對住時尚購物街,有兩大棟高樓阻擋視線,影響景觀。

深圳 無印酒店
落地玻璃大部分都係對住馬路,景觀唔吸引。

房間只有4樓有露台,只可以容納一個人行出去。酒店4樓放了一隻超大的船,據說是可以反映深圳的漁港歷史,雖然好有歷史意義,但如果房間對住呢條船,都會覺得幾悶。

深圳 無印酒店
一望出去,只見到船,都真係會幾冇癮!

深圳 無印酒店
雖然話好有歷史意義,但相信唔係個個識欣賞。

缺點3:Wi-Fi 較慢!

另一個香港人最關心的問題,就係酒店 Wi-Fi!目前酒店Wi-Fi相當緩慢,想上網睇片都會有啲慢,加上好多香港網如WhatsApp、Instagram 都上唔到,如果要同香港朋友聯絡,都係買電話卡比較好!

深圳 無印酒店
酒店Wi-Fi慢會扣好多分!

無印良品旗艦店率先逛

走三合一路線的無印酒店,集商店、餐廳、住宿於一身,本來以為深圳無印良品旗艦店會同香港嘅一模一樣,但原來都有驚喜!唔單止賣嘅嘢有少少唔同,仲有工作坊!

深圳 無印酒店
賣的大部分產品,都與香港一樣。

特色1:5分鐘自選刺繡

香港未有的刺繡工坊可以喺深圳旗艦店搵到,店員仲話5-10分鐘就有,不過可能因為仲係試業階段,記者等足45分鐘先攞到!

深圳 無印酒店
自己設計的圖案,做手信一流!
深圳 無印酒店
童裝都可以繡上特色自選圖案!

深圳 無印酒店
呢幾款tote bag的印章,都係深圳獨家!

客人只要購買指定無印產品之後,就可以即場刺繡,3個字以內收費RMB30,選擇指定圖案每個RMB10,而自繪圖案8cmX8cm就要RMB230,要整DIY簡單做手信唔使喺日本做喇!

平平的做個手信都不錯!

特色2:孕婦裝都有!

香港無印有齊男裝、女裝、嬰兒裝,但偏偏就係冇孕婦裝!以後懷孕媽媽,不妨北上買靚衫!

深圳 無印酒店
連孕婦裝都有埋!

特色3:RMB5 一支筆!

同香港的唔同,深圳無印有時會有特別減價,記者就搵到有款擦膠筆係香港冇嘅,重點係一支只要RMB5!做手信都抵啊!

深圳 無印酒店
一支筆RMB5,十分划算!

原子筆寫完即擦好方便!

特色4:國產零食

無印生意可以咁好,好大原因都係因為made in Japan。記者發現深圳無印有好多新產品,仔細一睇,原來好多都係made in China!產地來自惠州、浙江等都有,唔少口味都好「中國」,想買made in Japan 的無印產品,就要睇清楚產地喇!雖然made in China,但都有依足日本生產規定,食得安心!

深圳 無印酒店
呢兩排零食,全部都係made in China !
深圳 無印酒店
好多零食飲品,產地都係來自中國!

MUJI Hotel

網址:hotel.muji.com

下一頁:日本用家推薦! MUJI 無印 7款實用生活用品

相關文章