去大阪旅行,最後一日臨急臨忙要買手信,唔想四圍搵的話,大阪站的手信選擇其實也很多!當中7-Eleven與Entrée Marché、Heart-in 等商舖聯乘,不只是一般的便利店,有大量手信慢慢揀,而價錢亦不算貴,唔夠時間的話,一定可以掃個夠!

text:Cynthia|photo:Fion、相關機構

【手信熱點1】Entrée Marché X 7-11

喺大阪車站內見到7-11千萬唔好直行直過,好多7-11都與其他品牌聯乘,售賣大阪、關西等的當地特產,路過記得行入去睇睇啦!

大阪站 手信
大阪車站內的7-11都不是一般的便利店,而是與其他品牌聯乘,加入了大量手信。

必買01. 仿蠟筆威化餅

Sakura Coupy Pencil是日本出名的蠟筆品牌,近年撈過界推出不少餅乾小食。

大阪站 手信
大阪車站內有大量Sakura Coupy Pencil的手信。

大阪站 手信
一看之下,同蠟筆都好相似!

最近新出的Choco Sand Cookies外表看來就像是蠟筆,一打開一條條包裝上更寫有色號印有顏色,幾可亂真。拆開發現原來是威化餅,口感較硬似餅乾,淡淡忌廉味不算太甜!

大阪站 手信
Choco Sand Cookies 1,080円/HK$75

大阪站 手信
鐵盒睇落同一般的蠟筆盒十分相似,裡面的包裝上還有色號!

必買02. 超多選擇!章魚燒小食

作為章魚燒帝國,大阪有非常多章魚燒的產品,薯條、餅乾、薯片等等,一推出章魚燒味,就是日本最有代表性的味道!

大阪站 手信
除了薯條三兄弟,仲有其他選擇!

大阪站 手信
章魚味波賣相同真實章魚好似!

大阪站 手信
還有出名的瓢月堂餅乾。

除了章魚燒味的各種食物外,大阪還可以買到一顆顆像真度超高的章魚球,盒內還有章魚燒專屬的醬料可以倒入去。

大阪站 手信
章魚燒球 346円/HK$24

大阪站 手信
看起來真的很像平常食到的章魚燒,還可以自行加入醬料。

必買03. gram班㦸名店夾餅

喜歡食甜品的話,去大阪一定會排每日限定60份的gram鬆餅,超鬆軟的空氣感絕對係必食!而gram近年亦推出了不少手信系列,包括夾心餅乾及奶油酒香葡萄夾餅,從包裝到食物本身都充滿質感。

大阪站 手信
可以買到gram 鬆餅,可惜要雪藏。

大阪站 手信
2天內要叮來吃,要雪藏的gram鬆厚班㦸 1,300円/HK$90

大阪站 手信
Raisin Sand 夾餅 1,300円/HK$90

大阪站 手信
gram出品的餅乾好有品質保證,中間的餡料唔會太甜!

 

大阪站 手信
夾心餅乾 800円/HK$56

大阪站 手信
以餅乾來說價錢偏貴,但好食程度絕對值得!

必買04. 得獎神戶雞蛋布甸

日本連便利店的布甸都特別好食,手信 舖最常見的都一定有布甸,而且口味選擇更多!

大阪站 手信
焦糖布甸 1,080円/HK$76

大阪站 手信
朱古力布甸 1,188円/HK$84

大阪站 手信
抹茶布甸 1,080円/HK$76

必買05. 趣致米餅

章魚燒味米餅「マヨおかき」同樣是一粒粒的獨立包裝,以日本的可愛角色Mayo Friend’s為主角,另外還有「食倒太郎」等角色!

大阪站 手信
包裝上的Mayo Friend’s有不少可愛打扮,十分用心。

大阪站 手信
章魚燒味米餅 389円/HK$27

大阪站 手信
除了Mayo Friend’s外,還有「食倒太郎」米餅。

大阪站 手信
一粒粒獨立包裝,分畀小朋友食唔會心痛!

【手信熱點2】Heart-in X 7-Eleven

另一間聯乘店舖是Heart in 與7-Eleven合作,裡面可以買到不少專門店才可以找到的手信,包括Minions 餅乾,想搵特色手信唔使四圍行!

大阪站 手信
Heart-in X 7-11 就在大阪站內,非常方便。

必買06. 一口小蝦餅

日本的零食當中,很多都是主打小巧細細份,「まよころ」盒內的獨立包裝只有一小片蝦餅,不用擔心開完一大袋食唔晒會變腍!

大阪站 手信
每片小蝦餅都有獨立包裝,不怕一大包食唔晒會變腍。

大陂站 手信
迷你蝦餅 378円/HK$26

必買07. 罐裝章魚丸

章魚丸口味的薯片、百力滋食得多,罐頭裝的章魚丸又食過未?密封的罐頭一拉開,就會聞到非常重的墨魚燒香氣,食的時候粉漿感比較重,沒有加入其他配料,以致口感比較單薄,不過頂頂癮都已經好滿足!

大阪站 手信
罐裝章魚燒 550円/HK$38

大阪站 手信
無論是外形還是味道,都同街上食到的好相似。

必買08.萌爆 Minions 餅

除了硬糖之外,Minions 餅乾的鐵罐包裝同樣超可愛,兩塊薄薄的窩夫餅乾一共夾了三種口味的餡料,忌廉、朱古力及士多啤梨,甜而不膩。食完之後,可愛的鐵罐就可以用來放小飾物了!

大阪站 手信
薄薄的兩片窩夫夾餅中間,加入了不同味道的忌廉,好快KO一塊。

大阪站 手信
Minions窩夫夾餅 864円/HK$60

【手信熱點3】Eki Marché

如果嫌7-Eleven聯乘店舖太細間,可以去站內的Eki Marché 慢慢掃個夠!裡面有不少出名的特產,可以一口氣買齊所有朋友的分量!

大阪站 手信
Eki Marché 是大阪站內的百貨公司,內有不少大阪伴手禮。

必買09. 必試栗子蛋糕、千層酥

作為出名芝士蛋糕好食的Frais Frais Bon,原個芝士蛋糕咁麻煩無法帶上機,不妨考慮一下各款精美的禮盒裝。栗子小蛋糕口感軟鬆,裡面還有成粒栗子,紙杯芝士蛋糕味道濃郁,送禮一啲都唔失禮!

大阪站 手信
禮盒裝可以一次過試齊所有出名的特產。

大阪站 手信
抹茶、栗子口味的小蛋糕,味道都不錯。

大阪站 手信
栗子燒菓子組合 1,600円/HK$111

必買10.  彩虹年輪蛋糕

另一款大阪限定的年輪蛋糕,7 種顏色7種口味:原味、咖啡、楓葉、香蕉、抹茶、覆盆子及芒果,由Patit tai推出,一打開就好像彩虹般繽紛,年輪般的紋理食落感覺柔軟,最適合朋友聚會攞一盒出來分享。

大阪站 手信
7色蛋糕必試抹茶味,帶有淡淡的茶香。

大阪站 手信
彩虹蛋糕 1,080円/HK$75

Patit tai 最出名的其實是鯛魚燒,一走入Eki Marché就可以聞到超香的味道。可惜只可以即食,唔可以帶走!

大阪站 手信
迷你鯛魚燒入面塞了超多紅豆!

大阪站 手信
還可以買回家自己叮熱來食,可惜一定要冷藏!

相關文章