講到大阪買手信,點可以唔提道頓堀同難波!兩間最出名的「いちびり庵」及「Little Osaka」,門口都有醒目的招牌角色:「食倒太郎」及「固力果人」,行過都忍唔住影張相打個卡,再入去瘋狂掃貨!難波站內亦有「固力果人」專門店,入面的產品好多都係關西限定,加上可愛角色加持,小心唔好買到破產!

text:Cynthia|photo:Fion、相關機構

【手信熱點1】「食倒太郎」專門店「 いちびり庵」

穿著紅、白、藍三色小丑衫的「食倒太郎」是大阪道頓堀的代表人物,只要搵到佢,旁邊就是「いちびり庵」,裡面很多手信都是「食倒太郎」的包裝食物,另外還有丸子三兄弟、超樂謙等搞笑角色坐鎮,單講包裝就已經忍唔到手。

大阪 道頓堀 手信
看到大大個「食倒太郎」記得停下,旁邊就是出名的「いちびり庵」。

大阪 道頓堀 手信
「食倒太郎」是「いちびり庵」的鎮店之寶,很多零食都設計得十分用心。

大阪 道頓堀 手信
手信選擇非常多,時時刻刻都堆滿了人群。

いちびり庵
地址:大阪市中央區道頓堀1-7-21中座くいだおれビル1階
營業時間:10:00am-11:00pm(星期一至六),10:00am-10:30pm(星期日)
交通:地下鐵難波站,步行約5分鐘
網址:www.ichibirian.jp

必買01. 「食倒太郎」布甸

三角形鐵罐內的「食倒太郎」入面有3份布甸套裝,每份都有一頂太郎小帽、一個布甸、一包焦糖醬,以及一包焦糖碎,倒在一起就可以食到超好味的焦糖布甸!

大阪 道頓堀 手信
「食倒太郎」布甸 1,350円/HK$93

大阪 道頓堀 手信
產品的包裝好用心!

大阪 道頓堀 手信
布甸套裝內有焦糖漿及焦糖碎,食起來口感好豐富!

必買02. 「食倒太郎」朱古力

另一個太郎鐵罐的零食,就係太郎朱古力,裡面數量非常多,每個包裝上都印了太郎的造型,但面層的糖衣略嫌太厚,食落味道麻麻。但看在包裝可愛的分上,還是可以買來收藏!

大阪 道頓堀 手信
「食倒太郎」朱古力 1,080円/HK$75

必買03. 多種食法!布甸餅乾

超樂謙布甸餅乾包裝非常用心,鐵罐內的是精美的紙盒,裡面有3包餅乾、布甸、提子醬及紙匙羹,可以直接食布甸,亦可以塗在餅乾上食。

大阪 道頓堀 手信
超樂謙布甸餅乾 1,080円/HK$75

大阪 道頓堀 手信
可以直接食布甸,亦可以點餅乾食。

大阪 道頓堀 手信
一個套裝內有齊布甸、藍莓醬及餅乾。

必買04. 超樂謙薯條

除了薯條三兄弟外,超樂謙也推出了炸薯條,強調採用的是國產芋,用料更有保證,可以唔使次次都買薯條三兄弟咁悶啦!

大阪 道頓堀 手信
超樂謙薯條 972円/HK$68

大阪 道頓堀 手信
每個包裝盒都很有質感。

必買05. 渡邊直美怪樣餅乾

講到日本的搞笑藝人,大概冇人會唔識渡邊直美!盒內一共有6塊餅乾,每一塊獨立包裝袋上都有渡邊直美不同的趣怪表情,fans食完一定會唔捨得丟棄!

大阪 道頓堀 手信
渡邊直美餅乾 648円/HK$45

大阪 道頓堀 手信
日本綜藝界最紅的渡邊直美,也推出餅乾了,每個包裝都有不同的表情。

大阪 道頓堀 手信
表情包合集,食完都唔捨得唔要!

必買06. 丸子三兄弟蝦餅

大阪是章魚燒的天堂,章魚丸口味的產品也非常多,丸子三兄弟盒內是4種口味的迷你蝦餅,醬油、柚子味等食落好惹味,絕對是食完一塊又一塊!

大阪 道頓堀 手信
丸子三兄弟蝦餅  1,080円/HK$75

必買07. 布甸味KitKat

KitKat 不時都會推出新口味,今次就有布甸新款,食落奶味唔算太重,有點偏甜,勝在日本獨有,加上一盒有超多個,可以放在公司請同事食。

大阪 道頓堀 手信
布甸新口味只可以在日本買到,係時候掃貨喇!

必買08. 包裝唯美 金平糖

日本的傳統手信金平糖,睇落就似細細粒的星星,雖然主要成分只係普通的砂糖,但賣相好可愛!罐身更加係好有收藏價值,送畀女性朋友,一定會好受歡迎。

大阪 道頓堀 手信
罐裝的金平糖配色唯美,裡面的彩色糖果見到都開心!

大阪 道頓堀 手信
鐵罐設計同樣唯美。

【手信熱點2】「固力果人」坐鎮 「Little Osaka」

「Little Osaka」 是另外一間必去的手信店,鎮店之寶是鼎鼎大名的「固力果人」,裡面的產品自然也是以其為主題。另外還有大量超巨型的Pocky,隨便一支就可以塞飽你!

大阪 道頓堀 手信
好多人都會同「固力果人」影相打卡。

大阪 道頓堀 手信
裡面最多的,就是巨型百力滋了!

大阪 道頓堀 手信
Glico 的產品非常多。

Little Osaka
地址:大阪市中央區道頓堀1-7-21 中座くいだおれビル1階 リトルオオサカ道頓堀店内
營業時間:10:00am-10:00pm
交通:地下鐵難波站,步行約5分鐘
網址:www.ezaki-glico.net/glicoya/shop10.html

必買09.「 固力果人」棒棒糖

「固力果人」棒棒糖一set有5個,包裝紙上印了像真度頗高的樣,不過拆開之後,只可以隱約見到立體的五官,設計好搞笑!

大阪 道頓堀 手信
「固力果人」人形糖果   486円/HK$34

大阪 道頓堀 手信
五官是印在包裝紙上。

大阪 道頓堀 手信
一拆下來就變透明了!

必買10. 「固力果人」朱古力

除了棒棒糖外,「固力果人」朱古力同樣好有收藏價值,罐身印了其由1922年至1992年的造型變化,入面有齊黑、白兩款朱古力,食完都要收埋個罐。

大阪 道頓堀 手信
「固力果人」朱古力  810円/HK$56

大阪 道頓堀 手信
黑白兩種朱古力,上面都印有「固力果人」。

必買11. 章魚燒味薯片

道頓堀的手信專門店不時會推出新口味的零食,且大部分都只能在當地買到。以品客薯片為例,就有關西限定的章魚燒口味,食落非常惹味,好快就可以KO一盒。

大阪 道頓堀 手信
章魚燒味薯片  648円/HK$45

必買12. 香蕉味Minions 糖

卡通人物包裝的手信永遠都係最受歡迎,Minions糖果有3款不同造型的包裝,一打開即聞到非常濃烈的香蕉味,平時喜歡食香蕉的話,一定會非常鍾意!

大阪 道頓堀 手信
Minions香蕉糖   200円/HK$14

 

大阪 道頓堀 手信
Minions 除了零食,也推出了可愛的紋身貼紙。

大阪 道頓堀 手信
Minions 迷見到實會狂買!

必買13. 章魚丸巨型百力滋

「Little Osaka」最多的除了「固力果人」,其次就是巨型百力滋了,勁大盒的百力滋每條都係獨立包裝,長過手臂,每次食一條就夠,除了有抹茶、醬油有巨型版外,點會少得大阪名物章魚燒!帶手信返公司,一人一條都好夠!

大阪 道頓堀 手信
章魚丸百力滋 600円/HK$41

大阪 道頓堀 手信
手指般長度的百力滋已經太普通,店內有十多款手臂般長的百力滋。

大阪 道頓堀 手信
宇治抹茶味已推出了一段日子,但非常好食!

大阪 道頓堀 手信
仲有大量Cream Collon。

 

大阪 道頓堀 手信
細細個最愛食的雪糕筒!

必買14. 富士山士多啤梨芝士蛋糕KitKat

士多啤梨芝士蛋糕口味,包裝是富士山的設計,KitKat食落有淡淡的士多啤梨香氣,相對來說有點偏甜,不妨送畀「螞蟻人」朋友。

大阪 道頓堀 手信
士多啤梨芝士蛋糕味KitKat 648円/HK$45

必買15. 貓咪掛杯餅乾

日本出得多杯緣子,貓咪餅乾都設計成可以掛在杯邊的。雖然並不實用,不過送畀貓奴朋友,收到一定會好開心。

大阪 道頓堀 手信
貓咪偷掛在杯邊,影相一流!

大阪 道頓堀 手信
貓咪餅乾 600円/HK$42

必買16. 必食Pablo 布甸

每次去大阪,都會去Pablo買個芝士撻食,而推出的布甸更是手信的最佳選擇。

大阪 道頓堀 手信
Pablo布甸 1,360円/HK$95

官網上的布甸睇落超吸引!

【手信熱點3】「固力果人」難波站分店 ぐりこ‧や

除了道頓堀外,難波站內也有「固力果人」的專門店「ぐりこ‧や 」(Glico‧ya),同樣專售固力果土產,有不少更是只有這間分店才可以買到的限定零食、精品,固力果迷絕對不可以錯過!

ぐりこ‧や
地址:大阪市中央區難波1-9-7 大阪市營地下鐵御堂筋線地下1階コンコース
營業時間:10:00am-10:00pm
交通:地下鐵難波站,步行約5分鐘
網址:www.glico.com/jp/enjoy/shop/glicoya/

必買17. 巨型版蝦條

在大阪,章魚燒味的零食無處不在,自然也少不了蝦條!大大盒內一共有8小袋,食落夠惹味又唔會過鹹,小包裝要送畀朋友都冇難度。

大阪 道頓堀 手信
章魚燒味蝦條  540円/HK$37

必買18. 濃郁朱古力醬

除了食物之外,日本的朱古力醬質素都很不錯,夠濃可以用來搽麵包、餅乾,有了「固力果人」的加持,自然更加是非買不可!

大阪 道頓堀 手信
朱古力醬  432円/HK$30

大阪 道頓堀 手信
焦糖醬  432円/HK$30

必買19. 粒粒焦糖杏仁

在焦糖內加入了粒粒杏仁,食落甜膩之中帶有咬口,比單食糖果更易上癮。

大阪 道頓堀 手信
每粒焦糖都加入了果仁,更有口感。

必買20. 復刻版百力滋

復刻版的百力滋,上面印上了經典的小女孩造型,在其他地方都好難搵到,想買記得去啦!

大阪 道頓堀 手信
復刻版百力滋 500円/HK$35

相關文章