每當我自己一個人行旺角,唔想食太貴,又唔想同人迫。但旺角係人口重災區,就算你去戳串魚蛋或一條麻甩佬去吉野家打邊爐都要排隊。我只想一個人靜靜哋食個飯。所以,我每次都會去旺角朗豪坊商場可以穿過對面嘅熟食中心。嗰度真係美食天堂,窮人嘅恩物!

text: 藍橘子|photo:新傳媒資料庫、電視電影截圖

平民飯堂

就好似圖中嘅「麻甩佬蒸魚飯」有燉湯又有菜,都只係39蚊,非常超值。

美食天堂窮人恩物,旺角熟食中心!

熟食中心「養大」好多人

仲記得以前細個,各區街市嘅熟食中心,都係我老竇嘅至愛。嗰陣時屋企冇乜錢,細個亦唔識有乜要求,每星期全家人睇場戲,然後去附近嘅熟食中心食個飯,已經好開心。

美食天堂窮人恩物,旺角熟食中心!

而老竇最鍾意食,無論去到邊個熟食中心都必定會叫嘅,就係蒸魚飯。

蒸魚飯情意結

以前我鍾意試唔同嘅嘢食,西多士、乾炒牛河、兩餸飯……唔明白老竇點解次次都食埋同一樣嘢。

但到我大個咗,去到茶餐廳或熟食中心,最鍾意就係食蒸魚飯。

美食天堂窮人恩物,旺角熟食中心!

「呢啲飯有乜好食啊?條魚又多骨,得豉油……」女朋友每次都咁問我。
「好食啊!」可能真係遺傳……

電影《食神》劇照

熟食中心是搵食熱點

難得放假同女朋友出街,有時都想「食好西」,但當自己一個人,我就會去搵唔同區嘅街市熟食中心搵好嘢食。

美食天堂窮人恩物,旺角熟食中心!

唔會有帶位,搭枱嘅通常係啲啱啱放工嘅叔叔嬸嬸,亦冇侍應招呼你,想食乜就自己去買,中伏叫到難食嘅亦冇得投訴。

香港地壓力好大!

諗深一層,其實唔單止食飯,香港人由出生去到死嗰一刻,有乜嘢係唔使同人爭㗎?

美食天堂窮人恩物,旺角熟食中心!
(無綫畫面截圖)

有父母講要贏在射精前,計算好嬰兒出世月份。
一出世要爭醫院床位,連講嘢都未講得好,就要上幼稚園面試班。
一直到出嚟工作,用三十年去供一層樓。退休之後發現連靈位都要同人爭……

美食天堂窮人恩物,旺角熟食中心!

食得是福

食飯想一個人靜靜哋,唔使同人爭位,有碗熱湯有個香噴噴白飯,乜真係要食間出名排晒長隊嘅餐廳先開心咩?好多阿叔食條蒸魚嘆份報紙一樣開心,開心本來就好簡單。

美食天堂窮人恩物,旺角熟食中心!
電影《食神》劇照。

下一頁:【邊間最好食】$100有找!7間小店 油脂極豐 蒲燒鰻魚飯|記者試食

相關文章