單身去外地旅行想撞下有冇艷遇,談一場浪漫嘅異地戀愛?其實夜蒲都係一個識人嘅好機會。不過各地都有唔同嘅潛規則,喺英國、德國、台灣、北京同韓國夜蒲點先啱?睇睇 ViuTV 《Trip精》請來遊歷多國的時裝設計師 Ivan 分享!

01 | 英國 : 蒲都蒲得classy啲


印象中,英國人平日都會著得比較formal啲,不過原來佢哋去蒲都會著得好 formal !點解?因為佢哋習慣去蒲之前同朋友先去啲高級餐廳或者酒吧 pre-drink,自然要著得靚啲。所以下次喺英國夜蒲,記得要執正啲喇!

02 | 德國 : 狂野開放 提供床鋪「就地正法」

喺德國想去蒲,就要做好心理準備喇!Ivan 表示雖然未有親身到訪,但他的朋友就指部分德國夜店內有床鋪及房間供應,男男女女亦比較開放,不介意在眾目睽睽下「就地正法」,如同 sex party 一樣,令人大開眼界。

有些床鋪就放於舞池旁邊,當地客人不少都非常開放,不介意在眾人目光下「使用」設施。

據節目展示的相片所見,有些房間更設有浴池供客人使用!

03 | 台灣 : 旁若無人 玩得最癲

去台灣 clubbing 就最輕鬆自在,可以著得好casual,T-shirt 波衫都冇問題。著得舒服自然可以玩得癲啲,high 起嚟甚至會趁燈光昏暗時,旁若無人上演真人show。

Ming 仔指燈光雖暗,卻還是足已令其他客人看到事主在做「那件事」……

04 | 北京 :《 Trip精》驚喜推介 外國DJ打碟氣氛好

原來近近哋飛北京都係夜蒲好選擇,時裝設計師Ivan就推介北京工人體育館附近一帶嘅酒吧同夜店,地方夠大夠靚之餘,DJ音樂都有水準,唔會播「小蘋果」同「電音版喜歡你」,可以放心去蒲。

北京工人體育館旁開設了不少夜店,而且特地請來外國 DJ 打碟,氣氛比想像中好。

05 | 韓國夜蒲 : Oppa最愛掉紙巾

去韓國clubbing嘅一大特色就係迫,好迫,迫到人貼人。另外仲會成日見到人掉紙巾,其實係咩意思呢?掉紙巾表示自己有錢可以嘥,係炫富嘅一種表現,不過就真係唔太環保喇!

另外,喺韓國clubbing 會發現oppa 們都會比較進取主動,好多時會主動作出身體接觸。萬一想拒絕又應該點做?只要表示自己唔係韓國人而且唔識韓文,大部分 oppa 就會知難而退。

Ivan 稱最近到香港的夜店時發現,拋紙巾的風氣已經傳到香港了。

相關文章