去激安「驚安の殿堂」除咗可以瘋狂掃貨,仲可以自製指定人名印章,唔單止唔使識日文,仲好快就搞掂,價錢又唔貴,最啱做手信啦!以後去日本旅行買手信唔使再頭痕,畀同事可以買一大盒零食帶返公司share,而熟啲嘅朋友,甚至係男女朋友,送上自己DIY獨一無二的手信,收到的話一定會好開心!

文:Cynthia|圖:Fion

大阪道頓堀「激安」實試 自製名字印章機

自動販賣機在日本四圍都係,幾乎咩都有得賣,而位於大阪道頓堀的激安の殿堂入面有部自製人名印章機,其實都唔算係新嘢,但好多人每次經過,見到成堆日文字就一秒棄權,覺得一定好麻煩好難搞,原來係唔識日文,想整都唔太難!今次由唔識日文嘅記者,逐步示範下要點做啦!

激安の殿堂 自製印章
日本不少Donki分店都有呢部自製印章機,記者就在大阪道頓堀分店見到。

初階玩法:自製英文名印章

如果唔識日文,可以簡簡單單地整個英文名的印章,成個流程都唔算複雜㗎!

激安の殿堂 自製印章
雖然唔識日文,都可以靠漢字或者英文字眼估到。

激安の殿堂 自製印章
一開始不停按確定/了解就可以啦!

英文名印章步驟1:選擇字體排列方式

一開始按完幾次了解之後,就會正式進入製作過程,首先要揀選字款排列方式,有8款供選擇,單行雙行、打直打橫、有冇公仔等等,只要看圖片的範本,挑選自己喜歡的排列方式,即可按「決定」。

激安の殿堂 自製印章
排版的選擇不少,最可愛的是右邊由上至下第二個,可以挑選公仔!

激安の殿堂 自製印章
一般要等10-20分鐘,根據字的筆畫決定。

英文名印章步驟2:輸入文字

如果一開始顯示了日文輸入法的話,可以按左下「英數」的設定,可以自動變成輸入英文了!除此之外,還可以挑選印章上的花紋,選擇非常多,可以慢慢看!

激安の殿堂 自製印章
按了下方的「英數」鍵,即可轉做英文輸入法。

激安の殿堂 自製印章
可以揀到自己滿意為止。

激安の殿堂 自製印章
動物圖案最可愛!

英文名印章步驟3:決定字體

按完「決定」進入決定字體的環節,有不同的書寫體供選擇,同樣也是單看圖片可以看出分別,不用擔心看不明日文。下一步就是決定文字的粗度,1最幼,5最粗,圖片提醒如果筆畫太多又選太粗體的話,字的筆畫有可能黐在一起變得太模糊,可以透過預覽來決定。

激安の殿堂 自製印章
每一款排版都有不同的字形供選擇。

激安の殿堂 自製印章
字體的粗幼可以作最後的調整。

英文名印章步驟4:揀選印章材質

再下一步是決定印章的材質了,選擇多達14種,最平的只需500円,也就是說約HK$35就可以整到個印章做手信!想整得再靚啲,都有其他款畀你揀,可以每一個睇預覽再慢慢決定!

激安の殿堂 自製印章
最平的只需500円/HK$35,作為手信有心意又不貴。

激安の殿堂 自製印章
材質的選擇有16款,還有特別的木質板。

激安の殿堂 自製印章
還可以看看實物,挑選合自己心意的。

英文名印章步驟5:揀選印章套

整完印章冇印台,就會用唔到。呢部機器同時有埋印章套發售,入面有一小格印台裝紅色印泥好方便!印章盒一共有4款畀你揀,如果想單純整個印仔,可以慳番!

激安の殿堂 自製印章
處理完印章後,還可以決定要唔要買埋印章套。

激安の殿堂 自製印章
4款印章套有平有貴。(由左至右:300円、300円、1,000円、1,500円)

英文名印章步驟6:畀錢、等貨!

最後一個步驟,就係畀錢等成品。如果有買印章套的話,會馬上先出套,印章要再等等,一般要10-20分鐘不等,等待期間螢幕上會顯示印章會慢慢成形的過程,望住都幾治癒!

激安の殿堂 自製印章
決定完所有細節之後,就可以直接畀錢。

激安の殿堂 自製印章
螢幕會顯示所需的時間。

激安の殿堂 自製印章
黑色印章套只需300円/約HK$21。

激安の殿堂 自製印章
裡面包括了印泥。

激安の殿堂 自製印章
另外有紫色款,雖然這樣的設計方便,但同時印泥也會較易乾。

激安の殿堂 自製印章
貴版的有個小蓋子蓋著印泥,更加貼心。

激安の殿堂 自製印章
完成之前,螢幕會一直顯示進度。

英文名印章步驟7:完成!

等大約10-20分鐘,印章就會完成!印章同自己設計的一模一樣,而且質感也不錯,好適合做手信!

激安の殿堂 自製印章
親手設計的印章,有種與別不同的感覺!

激安の殿堂 自製印章
印出來跟設計圖一模一樣,做手信收到一定好開心!

進階玩法:製作日文假名印章

如果你識日文的話,一切變得冇難度了!可以試試製作日文的印章,做法跟之前的一樣,就算只是簡單的名字,都已經好有心意!

激安の殿堂 自製印章
識日文的話,不妨整個日文版!

激安の殿堂 自製印章
日文線條較簡單,粗體會更可愛!

實物超可愛!

高階玩法:爆趣中文印章製作

除了日文、英文,識得日文輸入法亦可以製作獨特的漢字印章。不過要留意,一定要用日文的拼音法,先可以成功顯示漢字,如果你唔識日文的話,就無法做到了!

激安の殿堂 自製印章
識日文拼音的話,可以試試打漢字!

激安の殿堂 自製印章
送畀朋友祝佢升職加人工,或者狂去旅行,都係不錯的選擇!

激安の殿堂 自製印章
漢字的雕刻線條明顯!

激安の殿堂 自製印章
印在手上試試效果都不錯!

爆笑玩法:英文名變漢字

如果你想試試自己嘅英文名會變成咩日文漢字,可以直接選英文version,再打自己嘅英文名。記者輸入咗常見姓氏「WONG」,可以出到「溫紅」、「雲俱」、「云弘」;再試試日本組合名稱ARASHI同AKB,出來嘅漢字都相當奇怪好笑!大家都不妨試試,睇下自己個名會出現咩搞笑漢字啦!

激安の殿堂 自製印章
最後一個玩法就係將英文名變成日文漢字,記得先用英文介面。

激安の殿堂 自製印章
記者輸入常見的姓氏,出來的結果出人意料。

激安の殿堂 自製印章
輸入天團「ARASHI」試試,結果出咗「爭妃」、「爭乾」、「爭批」!

激安の殿堂 自製印章
大熱的「AKB48」,竟然出現「惡」系列字眼!

激安の殿堂 自製印章
不過試咗3次,成果都好令人滿意!

相關文章