30歲辭職搞網站 「民宿版米芝蓮」|專訪Dear b&b 精選台灣7間心水民宿

30歲辭職搞網站 「民宿版米芝蓮」|專訪Dear b&b 精選台灣7間心水民宿

香港人去台灣住民宿猶如家常便飯,覺得台灣人心地善良,民宿老闆招待同照顧都非常好,住慣到返唔到轉頭唔想再住酒店!民宿精選網站Dear b&b是由兩位台灣女生開設的網站,佢哋親自走訪並推介台灣民宿,用第一身嘅角度推介大家去體驗。

文:Ellissa | 圖:Dear b&b

裸辭去旅行出靈感

早前記者訪問了Dear b&b兩位創辦人Rae同Minchelle,她們在大學時期就認識,雖然讀不同學科,但機緣巧合下成了好朋友!大學畢業後分別於大公司工作,大學時候主修哲學嘅Minchelle喺Sony Taiwan做了品牌行銷7、8年,每年有台幣過千萬嘅宣傳預算,仲攞埋Sony 全球行銷大獎的殊榮!之後卻毅然放棄高薪厚職去旅行,自己一個人到了歐洲和中東地區,旅行途中居住過好多唔同類型嘅民宿,但覺得都係台灣嘅最好!於是佢不斷諗點樣能夠將台灣嘅好分享畀其他人!

Dear b&b 創辦人 Rae(左) 和 Minchelle(右)
Dear b&b 創辦人 Rae(左) 和 Minchelle(右)。
創辦人Minchelle係個熱愛旅行嘅人,曾經出走5個月去歐洲、中東!

咁啱嗰陣就讀企業管理嘅Rae喺台灣比菲多負責植物の優與純粹喝咖啡,後來仲升職做咗經理,管理一個團隊嘅運作!但升職之後卻覺得有壓力,自己唔想一世奉獻畀公司,咁啱嗰陣Minchelle諗住創業,一直都熱愛美食同旅行嘅Rae就決定同好朋友一起拍住上喇!佢哋兩個喺30歲嘅時候就將所有積蓄投放到Dear b&b的網站上,想把台灣的美分享給其他人。

相關文章