韓國向來有不少可以自訂的物品,今次就有行李帶,深受空姐歡迎,記者到訪當日,也有日本人特地前來訂製。每條幾十蚊,可以自訂顏色、字體,去開首爾可以整嚟送畀閨密當手信!

文:Kassidy|圖:Fion

首爾梨泰院 自訂人名行李帶

行李帶(又稱行李飄帶)是空中服務員會比較常用,可以令行李變得易識別,但近年愈來愈多人去旅行,撞篋情況愈來愈多,整一條行李飄帶就可以容易分辨到自己件行李!

首爾 行李帶 韓國手信
成牆都係行李飄帶,要揀都需要點時間。

自訂名字行李帶 即日有得攞!

全間店舖就只有老闆一個人打理,去到舖頭唔見人唔使驚,有開門的話,等一會就會出現。而自訂行李飄帶一般即日有得攞,如果遇上周末繁忙時間,就可能要隔日再去取。

首爾 行李帶 韓國手信
全間店舖就只有老闆一人在工作,所以平日前往,較大機會可以即日攞。

唔識韓文都訂到!過程逐步睇

唔識韓文絕對不會有困難,老闆也會以簡單英語溝通,但要認清每個步驟都不容易,而且店內有超多款式,揀到眼都花!記者親自去訂造一條,睇定以下每個步驟,去到唔使心慌慌!

首爾 行李帶 韓國手信
去到唔識講韓文唔使驚,老闆都明白有呢個問題,會盡量講英文!

01|選取款式 (TAG TYPE)

一共有6款行李帶款式,每訂製一條都要填一張新的訂單,訂單上有各種欄目要填寫,千萬不要填錯,也要畫清楚行李帶款式。

牆上會有不同款式的 tags 和表格填寫方法。

首爾 行李帶 韓國手信
第一款:Handle Cover – 行李腕帶

首爾 行李帶 韓國手信
第二款:Luggage Tag (Long) – 行李飄帶(長)
首爾 行李帶 韓國手信
第三款:Luggage Tag (Short) – 行李飄帶(短)

首爾 行李帶 韓國手信
第四、五款:Zipo Holder (上)、Key Holder (下)

首爾 行李帶 韓國手信
第六款:Luggage Belt – 行李腰帶
首爾 行李帶 韓國手信
行李袋都可以自訂名字,但這是off menu的,要自己告訴老闆。

02|選取飄帶顏色

有十多種顏色,寫低顏色的英文名稱+號碼就可以,有某些款式未必有全部顏色,一定要睇清楚先好下單。

首爾 行李帶 韓國手信
款式多到花多眼亂,如果是訂購 Luggage Tag,可以揀中間的一抽色帶。

03|揀字體顏色、字形

每一款飄帶都可以自己揀顏色同字體,冇概念要點樣整,可以參考店內的樣板款式,如果跟姊妹一人一條,不妨同色飄帶,但不同顏色的字體。

首爾 行李帶 韓國手信
字體、顏色任君選擇,謹記寫對的字體款式。

04|揀飄帶公仔

飄帶公仔盡量選擇店內展示的圖樣,另外,一般簡單符號老闆都可以縫製,但如果太複雜,可先請教老闆,當然愈複雜的圖案,收費會愈貴。

首爾 行李帶 韓國手信
一般迪士尼的角色都會有,想要 Kakao Friends 系列的話,就暫時未見。

首爾 行李帶 韓國手信
足球、籃球這些圖案都可以選擇。

05|填妥表格

最後就是將表格填好,要畫好行李帶的款式和圖案,寫清楚每個部分,然後將下單表格交給老闆即可。

首爾 行李帶 韓國手信
現場有提供筆,想訂購請即場填寫表格。

06|付款、完成

攞張表格畀老闆,老闆就會計好價錢,寫在紙上要你付款。實質價錢比較難計算,一般由 ₩6,000 – ₩15,000/約HK$42-HK$100 不等,不想買得太貴,可先問問老闆價錢。

首爾 行李帶 韓國手信
老闆會示意客人將訂單拍下,再在指定時間取貨。

成品滿意!另類韓國手信

記者隔一日再到店舖,就收到非常滿意的成品,符合訂製要求,而且毫無出錯。雖然度身訂造的手信較一般手信來得貴,但如果是送給男/女朋友、閨密,絕對是另類的韓國手信!

首爾 行李帶 韓國手信
閨密必備!成品照足紙樣上的表格去製作。

注意事項01|少打擾老闆

老闆看似非常惡,但其實聊起來態度還是很不錯,因為訂製的行李帶實在太多,而且店舖只有他一人。下訂單後就盡快離開,不要打擾老闆,在指定時間取回即可!

首爾 行李帶 韓國手信
成間店舖只有老闆一個在做事,所以要體諒老闆未能時常回覆問題。

注意事項02|認清飄帶顏色

特別是鎖匙扣款和拉鏈款,不是每一款行李帶都有齊所有顏色,一定要睇清楚自己選擇的款式有冇心儀顏色,不然在下單時又會弄得一頭煙。

首爾 行李帶 韓國手信
Zipo Holder 的顏色選擇比較少。

注意事項03|買現貨都可以!

唔想等,其實買現貨都可以。當然,現貨不一定有自己想要的顏色、名字,但一般 crew、飛機圖案都有,而且價錢都會比較平,所以簡單買手信畀朋友可以直接買現貨。

首爾 行李帶 韓國手信
店內當然有現貨,但未必下下揀到心水款式。

超易搵!梨泰院站4號出口

地點完全不難搵,地鐵6號線「梨泰院」站4號出口,一直走約7分鐘,就能見到 International Under Ground Market,下樓梯進去的左邊第一間舖就是 Friend Shop 了!不想走回頭路,可以過對面搭巴士往其他地方。

首爾 行李帶 韓國手信
4號出口一直走即可,千萬不要過馬路。

首爾 行李帶 韓國手信
見到呢個門口,落樓梯即可。

Friend Shop

地址:首爾龍山區梨泰院洞58-5

營業時間:9:30am-8:00pm (星期二休息)

下一頁:Olive Young 必買 20 大韓國藥妝|記者推介:Ig 大熱面膜、化妝品

相關閱讀:2018 韓國超市便利店必買手信 | 韓國人推薦 必買 7 種韓國手信!

 

相關文章