Running Man歷年去過唔少地方拍攝,今年仲多咗個計劃,飛離韓國去勻玩世界7大危險景點!去過嘅地方包括日本、印尼、澳洲同紐西蘭皇后鎮!睇住光洙挑戰呢啲景點,已經嚇到個心離一離,但若果無膽挑戰,亦可到首爾全新的RM體驗館玩競技遊戲!

文:Ellissa|圖:Klook、Irene Xing、網上截圖

世界七大危險景點

除左經典遊戲,其實Running Man過往仲去咗好多唔同嘅地方拍攝節目,今年播出嘅環球特輯將會去旅遊Blogger精選嘅世界7大危險景點,代替過往俾佢哋作為遊戲大懲罰嘅地方,唔知大家又有無去過呢?

Running Man 加入新團員之後推出全球企劃!

全球企劃就會代替以往Ruuning Man喺韓國玩遊戲輸咗嘅大懲罰,今年輸咗就要去世界各地接受危險景點嘅挑戰喇!7大危險景點裡面,Running Man已經去齊四個喇!

Running Man 計劃走訪世界7大危險景點!

李光洙去齊三個懲罰

已經播放嘅三個危險景點大懲罰裡面,李光洙去齊曬!仲要次次都係獨自完成任務,可憐嘅佢命中率點解可以咁高?真係無人會知道!

無論點,結果都係李光洙,被命運選中嘅細路!

01|日本富士急 世界最大鬼屋

喺日本東京富士急高原樂園戰慄迷宮,裡面唔似其他鬼屋咁有規定好的路線,反而係俾參加者自己行!基本上所有參賽者都會分為2-3個人一組入裡面玩!今次接受懲罰嘅有池錫辰、梁世燦、劉在錫、全昭旻同李光洙!

睇到畫面已經覺得好恐怖了!

Running Man今次嚟到話明係大懲罰,所以喺去鬼屋之前就已經有曬其他遊戲分勝負,輸咗嘅人就要獨自走入去呢個鬼屋喇!當然,呢個勇士就係細膽嘅李光洙,雖然好唔情願、但輸咗都係要找數嘅!

李光洙更加嚇到貼牆而行,用三國語言表達佢有幾驚!

入過鬼屋嘅人都話,無一個鐘唔使指意出返嚟,驚嚇程度連Running Man嘅工作人員入完去都全身濕曬,仲話裡面真係唔講得笑!

工作人員都頂唔順啊!

到底咁強勁嘅鬼屋係點嚟㗎呢?原來故事背景喺醫院,醫生會係病人做手術嘅時候拎走佢地嘅內臟儲存嚟賣!死去嘅屍體就會尋仇,所以內有唔少醫生、護士、病人追殺參加者!

李光洙嚇到跌咗落地下啊!

日本東京富士急高原樂園戰慄迷宮 

地址: 403-0017山梨縣富士吉田市新西原5丁目6番地1號

門票:1,000日圓

官方網站:https://www.fujiq.jp/tw/attraction/senritsu.html

02|印尼日惹 手動木製纜車

另外李光洙、全昭旻都去咗印尼當地人手動木製纜車,只係睇畫面就知道佢地用緊生命嚟拍攝!連結小島嘅就只有一條吊橋同纜車。

距離小島中間海域嘅浪花從來無停止過!(圖片:Irene Xing)

天氣好都咁大浪,更何況Running Man拍攝嗰日天氣麻麻!(圖片:Irene Xing)

肯定濕身無一幸免

未到終點已經濕曬嘅李光洙,因為纜車嘅載客限制又係自己一個人去完成任務,環境嘅恐懼令佢忍唔住為自己打打氣啊!一個一個咁坐纜車去對面島,中途經過咁大嘅風浪,又點會有可能唔濕曬啊!Running Man兩位成員都無一幸免啊!

睇清楚架纜車製作有幾令人覺得畏懼!

全昭旻一個女仔係茫茫大海上面係驚啲嘅!

海浪高過架纜車

呢個小島附近海浪巨大,成日都會突然地淹沒纜車。睇到都覺得恐怖,而且纜車全人手控制,時快時慢,有時仲會停咗喺中間!

玩到中段,一個浪打埋嚟,全身濕曬!

連全昭旻都無辦法逃避,你就知道個海浪有幾高喇!

曾經都有網友玩過手動纜車㗎!

印尼爪哇日惹手動木製纜車

地址:Timang Beach – Jl. Pantai Sel. Jawa, Purwodadi, Tepus, Kabupaten Gunung Kidul, Daerah Istimewa Yogyakarta 55881, Indonesia

門票:200,000印尼盾


開放時間:9am-5pm

03|澳洲達爾文 死亡之籠睇鱷魚

仲有一個危險景點就係澳洲嘅死亡之籠喇!喺達爾文嘅鱷魚主題公園有一個區域可以俾人藏身喺透明玻璃箱裡面潛入水底睇鱷魚!極度近距離接觸!

李光洙又喺逃避唔到嘅一位,唯有獨自認命落水睇鱷魚喇!

聞說啲鱷魚有600kg重㗎!真係好大隻啊!

同行嘅仲有劉在錫、池錫辰,佢地兩個就好幸運咁可以一起落水睇鱷魚,唔需要好似光洙咁慘!不過事實係巨大鱷魚當前,無論有幾多人陪住你,都係會好驚嘅!

兩位準備好一起去迎接鱷魚啦!

不過食花生嘅全昭旻就隔著塊大玻璃話啲鱷魚好可愛!

滿佈爪痕的死亡之籠

成個籠都好清楚可以見到鱷魚嘅爪痕!啲鱷魚肯定唔可以睇小,佢地會直接衝撞埋嚟,一啲都唔怕人㗎!

鱷魚爪痕清晰可見!

劉在錫同池石鎮都嚇到只係想後退!可惜個籠大極有限啦!

澳洲達爾文鱷魚主題公園死亡之籠

地址:58米切爾街達爾文市(米切爾及卑利街的拐角處)

入場門票:成人35澳幣

死亡之籠門票:單人170澳幣、雙人260澳幣

開放時間:每日9am-6pm,聖誕節休息

官方網站:http://www.crocosauruscove.com/

04|紐西蘭皇后鎮160米峽谷韆鞦

啱啱播出最新個集Running Man就播出下一集最新預告,哈哈同梁世燦一起玩160米峽谷韆鞦!位於紐西蘭皇后鎮嘅納維斯山谷,又係睇相就已經畏高嘅景點!唔知佢地玩嘅時候享唔享受呢?

係懸崖峭壁等待緊出發嘅兩人!

呢個角度望到都腳震喇!

其實登上160米高嘅韆鞦平台本來已經係一件恐怖嘅事,再戴埋安全裝備,踏出去坐低!一定緊張刺激、心跳加速,只係見到畫面就已經覺得恐怖!

倒數:3!哈哈已經驚到唔敢打開對眼!

倒數:2!梁世燦表示可唔可以等多一陣先啊?!

倒數:1!終於真係要出發喇!

紐西蘭皇后鎮160米峽谷韆鞦

地址:Shotover & Camp Streets, Queenstown 9300紐西蘭

入場門票:210澳幣

官方網站:https://www.bungy.co.nz/queenstown/nevis/nevis-swing/

05 | 美國鯊魚籠

位於美國夏威夷歐胡島的鯊魚籠係遊客推薦危險景點之一,可以喺個鐵籠裡面直接同鯊魚一齊游水。鯊魚仲會直接撞埋去個籠到,如果唔想無曬啲手手腳腳,記得唔好伸出去啊!

美國鯊魚籠都係Running Man危險景點嘅推介之一!

美國鯊魚籠

入場門票:120美金

開放時間:6am-11am

官方網站:https://www.tombarefoot.com/hawaii-activities/north-shore-shark-adventures/shark-cage-tour/2448

06 | 印尼活火山

喺印尼布羅莫活火山係當地一大名勝!都係榜上有名嘅世界危險景點之一!

印尼布羅莫活火山

官方網站:http://www.indonesia.travel/gb/en/destinations/java/bromo-tengger-semeru-national-park/mount-bromo

07 | 西班牙飛索

最後一個危險景點,佢地提議咗喺西班牙全歐洲最長嘅飛索!雖然未有消息Running Man最後會唔會去,但一向鍾意刺激冒險嘅你就可以自己首先去試吓啦!

西班牙飛躍托萊多

開放時間:每日11am-6:30pm


入場門票:10歐元

官方網站:http://flytoledo.com/?lang=zh-hant#entradas

回到首爾:Running Man體驗館

除左外景,近期韓國推出咗Running Man體驗館啊!裡面嘅刺激遊戲實在令人睇相都想飛去韓國!每個遊戲都係參照Running Man的節目內容,精彩到好似置身喺佢地嘅拍攝現場一樣啊!各位忠粉係咪好想立刻買機票去韓國玩返轉呢?

可以約埋朋友飛去韓國一起挑戰!

Running Man體驗館係SM免稅店裡面!

置身於Running Man現場

在體驗館裡面,可以喺闖關途中收集R幣、搵寶物、迷宮戰等等!每位參加者仲可以喺入場時候獲得Running名牌,滿足你成為主角嘅願望!

參加者要喺45分鐘裡面盡情收集金幣、好似親身玩Running Man咁!

每個人身後都有屬於自己名字嘅牌!

滿足成為Running Man嘅夢想

除咗道具,更加精彩嘅就係唔同難度嘅遊戲!參加者可以同朋友一起完成挑戰,滿足以前睇節目好想一齊玩嘅夢想!

參加者可以自由咁體驗六個遊戲場館!

佢地身後嘅係鏡子迷宮,都係Running Man成日會玩嘅遊戲嚟!

Running Man體驗館

地址:首爾市鐘路區仁寺洞5街41HANA大廈SM免稅店地下1層SBS Running Man主題體驗館

門票:16,000韓圜

開放時間:10am-8pm

網址:www.running-man.kr/cht/main.do

延伸閱讀:追星族必去!8間首爾 韓星 餐廳+Cafe+烤肉店+酒吧(含地圖)

延伸閱讀:宋宋夫婦婚禮準備就緒|宋仲基宋慧喬 首爾築百億愛巢!

相關文章