Do姐再Shopping》嚟到第三集,今集唔再只係瘋狂shopping,仲大食時令生果同拍賣蜜瓜!由於劇組6月去日本拍攝,除咗東京,仲上埋北海道,適逢水果當造,識買嘅Do姐當然唔會放過買生果啦!農夫點會乖乖哋食生果,依然勁百厭,一於重溫一下今集有咩笑點啦!

文:Cynthia|圖:TVB、眾星Ig、新傳媒資料室

《Do姐再Shopping》 劇組窩心慶陸永生日

拍攝完東京shopping部分,劇組飛往北海道當天,剛好就係陸永生日(27/6),陸永仲喺Ig po相,冇得喺正日同老婆慶生,認真慘慘豬!好在Do姐一早知道,成班劇組買晒蛋糕同佢慶祝,一秒warm 晒!

Do姐再Shopping
生日正日都要工作。(圖片來源:FAMA 農夫)

Do姐仲喺BigBig Channel直播畀個驚喜陸永,話大家一開始扮唔知,畀個驚喜陸永,點知陸永嗰日牙痛要剝大牙,今次真係夠驚喜喇!

Do姐喺BigBig Channel直播幫陸永慶生。

C君表示佢只會慶祝一個人生日,就係TVB生日!

翠如BB都畀驚喜陸永!

去到醫院接陸永,Do姐係咁要成口血水的陸永分享下,仲話佢「死蠢」,生大牙都唔知。至於慳家翠如,就不停問「幾錢啊?」「平唔平啊?」「呢度係咪平啲啊?」認真窩心!

含住血水又打咗麻醉藥的陸永,仲被笑死蠢!

翠如BB一臉關心地問價錢。

Do姐再Shopping
買埋蛋糕好窩心!圖片來源:do_do_cheng

節目景點01|抽水陸永 拖住Do姐投蜜瓜

劇組北海道拍攝時,撞正舉行的夕張蜜瓜祭,每年都會吸引勁多當地人前往,場面好似嘉年華般歡樂,其間大眾可以超平價格競投蜜瓜。雖然現在蜜瓜已經過季,但睇番佢哋競技時的緊張樣都好好笑。陸永仲趁亂拖住Do姐隻手抽水!大膽!

Do姐再Shopping
陸永同Do姐好肉緊咁拖手!

Do姐再Shopping
C君又想拖埋一份。

其間4人參與競投蜜瓜,由Do姐控制農夫,一叫佢哋就即舉競投,但農夫又點會咁聽話!監製大爆農夫完全不受控,亂咁舉牌,場面勁好笑!

Do姐再Shopping
4人一齊同夕張吉祥物影相。

Do姐再Shopping
個個頭頂都貼晒號碼,想投就要舉手大叫!

蜜瓜皮捽面

競投完蜜瓜,當然要立即享用!但農夫佢哋點會企定定食蜜瓜,Do姐仲以蜜瓜皮侍候兩隻嘢同翠如!

Do姐再Shopping
陸永又搞怪啦!

Do姐再Shopping
仲大呻Do姐好難搞!

Do姐再Shopping
激到Do姐馬上蜜瓜侍候!

Do姐再Shopping
原來係蜜瓜搽臉護膚法,果然好「照顧」翠如!

 

高音翠如慘被嫌棄

現場除咗可以勁食蜜瓜,仲有勁多變化,食極都唔會厭!但講嘢向來都高音嘅翠如BB,今集就慘被Do姐厭棄,話佢太嘈太高音,一個人孤獨地坐在一邊,如果蕭正楠可以一齊坐就好啦!

Do姐再Shopping
買完想食的蜜瓜小食,可以坐在戶外望住草地慢慢食。

Do姐再Shopping
可憐翠如慘被杯葛!

節目景點02|東京水果放題 勁食都唔肥

夏天的日本就是要大吃水果,唔想買一大個有排食,不妨好像Do姐4人,去位於新宿的TAKANO高野,吃一餐水果放題!有齊最時令的水果,包括西瓜、橙、奇異果、西柚等等,以及高質的網紋蜜瓜,全部切好畀你任食!怕單吃水果太無聊,還有果汁、水果三文治、蛋糕甜品等提供,食幾多都唔會肥!

Do姐再Shopping

水果當正餐,農夫唔知會唔會餓親呢?

Do姐再Shopping
水果三明治賣相超級吸引!

Do姐再Shopping
水果的選擇非常多,仲有高質網紋蜜瓜!

新宿高野總店
地址:東京都新宿區新宿3-26-11
營業時間:星期一至六 10:00am-9:00pm,星期日及公眾假期 10:00am-8:00pm
網址:takano.jp/takano

延伸閱讀:《Do姐再Shopping》第二集|爆笑重溫:翠如自爆媾「正藍」

相關文章