去日本旅行,不少人都會到日本食評網Tabelog(食べログ)搵食,不過對唔識日文的朋友就唔多方便。有好消息!日本大型飲食資訊網GURUNAVI(ぐるなび)早前與旅遊網站KKday合作,提供中文網上訂枱服務,現階段提供約70間餐廳,由鐵板燒、壽喜燒、涮涮鍋都應有盡有,唔少網上package更比walkin划算,今次我就與friend 子試了4間餐廳,嚐盡東京美食,現為大家送上試食報告!

瘋狂試食!4大東京美食

#01|北海道每日直送 鱈場蟹放題

北の家族新宿店主打每日直送北海道鱈場蟹,我們一行人總共食了5 round,落單速度算快,每位$300有找,本已回!蟹肉本身鮮甜多汁,配以昆布醬油調味,更能突顯蟹肉甜味,但本人認為不加醬油更佳!

味道:★★★★☆

抵食:★★★★☆

圖為第1 round相片,店方竟設剪蟹殼服務,不過隨著食客愈來愈多,往後幾round就沒有這項sweet爆服務了。。

蟹鉗啖啖肉,烤約10分鐘即成,肉質彈牙,不錯。

望著蟹的肉汁滴到火爐上,叫人口水直流!

除了鱈場蟹,套餐還附送雞肉丸、天婦羅、刺身等,但睇相都發現質素很普通,不宜浪費quota。

在新宿一帶血拼後,先品嚐鱈場蟹放題,用放題作為東京美食加油站,fit晒!

餐廳位於新宿地標激安之殿堂旁邊,濕平完再去醫肚就perfect池了!

Info

北の家族 新宿靖国通り店

地址:東京都新宿区歌舞伎町1-16-3 新宿スクエアビル4F(激安之殿堂旁邊)

交通:JR 新宿站 步行5分鐘

價錢:2小時烤螃蟹自助套餐,4位用$1,174起(入座人數必須4位以上)

網址:p.nmg.com.hk/fimq89

#02|超高卡松阪和牛套餐

每次去日本,都會好想食燒肉,東京美食之旅豈能沒燒肉呢?位於淺草的一頭買焼肉 玄 浅草本店,顧名思義,店家會將一整頭和牛買下來,主要提供日本三大和牛之一的松阪牛,網上設3款套餐選擇,最穩陣應該是中價位【神輿套餐】,設前菜、沙律外,更設4種上等牛肉部位及五花腩,牛里肌香嫩多汁,好食!套餐價錢平均每位$330起,超飽!

味道:★★★☆☆

抵食:★★★★☆

牛里肌脂肪分佈平均,入口香嫩多汁,好食!

牛舌略嫌太厚,烤完帶點硬身,不過調味做得唔錯,不過不失。

餐廳環境舒適,總座位數130個。

Info
一頭買焼肉 玄 浅草本店

地址:東京都台東区浅草1-42-4 電気館ビル2F
營業時間: 11:30am-3:00am(星期一~星期六);11:30am-11:00pm(星期日/例假日)
交通:都營淺草線 淺草站 步行8分鐘/地下鐵銀座線 淺草站 步行8分鐘
價錢:【神輿套餐】2位用$659起 (入座人數必須2位起)
網址:p.nmg.com.hk/bflmx2

#03|銀座平食黑豚肉涮涮鍋放題

銀座往往與闊太及shopping扯上關係,其實要在銀座食得划算,就要揀啱時間!原本計劃跟好姊妹穿著一身靚靚和服到銀座打卡,礙於交通時間,於是一早決定當日在銀座午餐,上kkday官網搵料,發現東京銀座涮涮鍋餐廳「羅豚」的午餐package有驚喜,平日晚餐每位埋單要$500,而lunch set竟然用半價就有得食,好姐妹一聽到就立即扑鎚!

味道:★★★☆☆

抵食:★★★★☆

Lunch set採半自助形式,食客可到自助吧挑選十多款前菜,當中更有我最愛的烏魚子啊!!

侍應會為客人下豚肉,而她還會說普通話呢!

黑豚肉來自宮崎縣,入口清甜而不腥,口感煙煙韌韌。

店方建議搭配鰹魚湯食用,能起提鮮作用。值得一讚的是,蔥絲超甜,入口嗦嗦聲,我們竟然加錢追加蔥絲,好誇張!

大家記得要留肚食蕎麥麵啊!侍應三兩下手勢便將麵條上碗,厲害!

著和服進食真係要打醒十二分精神,因為弄髒和服是要賠錢的啊~~

Info

羅豚 GINZA GLASSE店

地址:東京都中央区銀座3-2-15 GINZA GLASSE 10F
交通:地下鐵 銀座站 C8輪到出口 步行1分鐘/JR 有樂町站 中央口 步行2分鐘
價錢:午餐限定:黑豬肉涮涮鍋吃到飽 2位用$546起(入座人數必須2位起);用餐時間為11:00am~1:00pm
網址:p.nmg.com.hk/hly248

#04|8道菜懷石料理超霸氣

本著一生一定要試一次懷石料理,於是便趁這趟日本旅程一尚心願。今次到訪距離東京站10分鐘路程的八重洲茶寮,在網上看資料,餐廳算是Gurunavi人氣店,網友大讚女將服務細心,人一世,物一世,就豪一次啦!

味道:★★★☆☆

抵食:★★★☆☆

前菜擺盤精緻,好姐妹最愛鰻魚蛋卷。

刺身拼盤由鱸魚、鱆紅、三文魚及中toro湊成。

中toro超肥美,入口即化,叫人念念不忘呢!

鍋物有鰹魚湯煮海鰻蔬菜,坊間較少機會吃到海饅,海饅經鰹魚湯烹煮後非常鮮甜,肉質爽口,真心推!

Info

八重洲茶寮

地址:東京都中央区京橋1-2-5 京橋TDビル1F
交通:JR 東京站 八重洲口 步行3分鐘 / 地下鐵銀座線 京橋站 步行3分鐘
價錢:四季會席懷石料理2位用$2,252起(入座人數必須2位起)
網址:p.nmg.com.hk/ejox35

中文搵食地圖 由東京食到關西、福崗

GURUNAV與KKday的訂枱網,除了搜羅東京人氣食店,關西、福崗一樣有份!部分餐廳只要早2日前預訂便可,在KKday官網更會看到餐廳的詳細資料,值得留意的是,有部份餐廳則規定了入座人數,有些package更需要4人或以上,大家預訂時記得睇清楚呢!

相關文章