位於大阪的阿倍野Harukas近鐵百貨,坐落於天王寺站之上,地點方便,不但是shopping勝地,也是甜品控的覓食天堂。皆因地庫B1樓層全屬甜品的天下,從和菓子到洋菓子一應俱全,不少品牌更是大有來頭。鍾情甜品的你怎能不來朝聖?

文:啦兒

01|hanafru水果撻

用時令生果炮製而成的水果撻、蛋糕及果凍等各式甜品,生果疊到山般高,既好睇又好食。

好震撼!白桃撻到底用了幾多個桃呢?

雜果款式顏色繽紛,唔捨得食呀!

02|FOUNDRY栗子甜品

秋風起,當然要食栗子!FOUNDRY於今季推出了一系列以栗子及無花果製成的蛋糕和酥餅,減少栗子給人的膩滯感,值得一試!有時間的話,還可以走進旁邊的café 慢慢嘆呢!

大大粒栗子配焦糖漿同充滿栗子味嘅忌廉,好滿足。

栗子無花果酥餅,有多種大小及價錢選擇,是當店no.1。

FOUNDRY的櫃枱非常大,旁邊還有大大個蛋糕櫃,光是看已經令人超級興奮。

03|Poire Entrée得意蛋糕

甜品名店Poire Entrée喺大阪開咗全日本首間counter分店呀!為保持新鮮,品牌特別在阿倍野Harukas百貨附近設工場,大大縮短運送過程,難怪總是人龍不絕。萬聖節蛋糕系列不但色彩繽紛,而且有些更附送可愛杯子!

萬聖節蛋糕杯內有朱古力慕絲和吉士忌廉,質感非常滑溜!

南瓜Mon Blanc蛋糕,橙色外表內原來是抹茶忌廉配黑豆。

另一款萬聖節蛋糕杯,士多啤梨忌廉配雲呢拿,酸酸甜甜唔怕漏。

熊熊蛋糕十分可愛。

04|TAKANO生果啫喱

另一間生果迷必食推介TAKANO,生果造型果凍有蘋果、白桃、白鳳桃、西瓜等口味,可以買返香港慢慢嘆。

新宿高野果實果凍。

仲有好多水果蛋糕選擇。

逐個水果果凍買都得!

05|帝塚山CHEESE CAKES FORMA

Café 大排長龍嘅人氣芝士蛋糕店CHEESE CAKES FORMA推出了季節限定栗子番薯芝士蛋糕,另有「30周年記念商品」焦糖芝士蛋糕,用三種忌廉芝士製成,配以香脆焦糖,提升味道和口感,而且價錢不貴,芝士迷不要錯過!

CHEESE CAKES FORMA以手工燒製的芝士蛋糕聞名。

「30周年記念商品」焦糖芝士蛋糕。

季節限定栗子番薯芝士蛋糕。

06|CLUB HARIE年輪蛋糕

來自滋賀的年輪蛋糕店CLUB HARIE不時出現人龍,即烤年輪蛋糕十分鬆軟,一層層紋理清晰可見,而且非常新鮮——保存期只得兩天!要買回香港同朋友分享的話,記得臨飛前先行動啊!

CLUB HARIE在滋賀有許多分店,在大阪就只有阿倍野Harukas和阪急梅田百貨兩間店。

年輪蛋糕十分鬆軟,更可以即場買小份享用。

一個年輪蛋糕1,620円,做手信最啱!

店內推出不同地方限定包裝,這是近鐵店限定款。

07|FEUILLAGE CHOCOLAT朱古力

人氣品牌FEUILLAGE CHOCOLAT的本店設於阿倍野Harukas百貨,最出名的朱古力條有牛奶朱古力、白朱古力、抹茶、草莓等多種口味,加上摩登又有型的包裝,細細盒,價錢又不貴,用來做手信絕不失禮。

FEUILLAGE CHOCOLAT是甜品名店morozoff的旗下品牌,主打口感鬆脆的朱古力條。

七彩繽紛的造型令人忍不住多買幾盒。

細細條不同味道的朱古力脆條,方便食用,做手信一流。

另有獨立包裝的雪糕粒,細細粒唔怕滯。

大阪阿倍野Harukas近鐵百貨
交通:JR、地下鐵御堂筋線、谷町線、近鐵南大阪線「天王寺」站直達
網址:abenoharukas.d-kintetsu.co.jp

延伸閱讀:性價比極高!$1,300入住大阪天然溫泉酒店

相關文章