飛行里數一簽兩賺  密密加碼儲分

飛行里數一簽兩賺 密密加碼儲分

近日公司出現了「奇怪現象」,居然上下員工齊人開工,莫非廉航旅遊狂熱已告一段落?原來大家都一致抱相同心態,上半季旅遊全世界後,最後一擊留待聖誕節出發,現狀係再儲充足彈藥,於是乎又再積極討論,點樣喺短時間內慳得就慳、賺得愈多愈好……其中「一簽兩賺」似乎係最理想方案。

對於我Holiday這等消費精嚟講,用信用卡簽帳當然最好,因為可以唔驚唔覺儲分換獎賞。同枱食lunch嘅同事April都話︰「依家樣樣都做儲分,屬回饋性優惠,你消費得多,獲得嘅積分就愈多,好fair呀!而且信用卡簽帳各有不同賺取積分嘅方法,只睇你識唔識用啫!」

依家各式信用卡除咗迎新獎賞同食飯折扣外,基本上冇乜特別優惠,所以當Holiday發現「一簽兩賺」呢種簽帳新玩法,就立即同好友姊妹分享。上網詳細翻查資料,原來「一簽兩賺」嘅概念係畀「亞洲萬里通」會員只需要一次消費,就可以同時賺取「亞洲萬里通」夥伴機構及信用卡簽帳嘅兩重里數,加快儲里數嘅速度。至於「亞洲萬里通」嘅夥伴機構名單長到不得了,包括英皇酒店集團、Tiffany & Co.、保誠保險、深圳航空、德國漢莎航空、奧地利航空……消費旅遊各個層面商戶都有。至於信用卡就有渣打、美國運通、中銀、星展等等。

相關文章