韓亞航空旗下子公司「首爾航空」(Air Seoul)正式加入香港廉航戰團!新航線11月1日正式由香港起飛,但「首爾航空」早於去年10月已經有航班飛澳門,今次先睇睇親身搭過「首爾航空」的blogger分享乘搭體驗!

圖片及資料來源:Blog OH! Note! 小燦的旅行筆記、fb OH!Chance!澳燦旅行資訊

單程最平約$486 飛首爾包行李

「首爾航空」是韓亞(Asiana Airlines)全資的子公司,剛成立1年,基地位於仁川,主要飛日本及東南亞城市。趁開航1周年紀念,香港飛仁川最平單程只需₩70,400/約$486,仲要包埋15kg行李!價錢同HK Express有得揮,絕對買得過!

首爾航空目前機隊共有3架空中巴士A321-200。
「首爾航空」目前機隊共有3架空中巴士A321-200。
上網check過11月去的話,單程未連稅最平₩72,300/約$499(已包15kg行李),計埋稅 ₩109,400/約$755,算抵買!

凌晨去晚返 時間用到盡

「首爾航空」往返香港暫時每日只有1班,凌晨機去晚機返,時間靚仔,對於唔想浪費分秒的首爾迷來講,絕對抵到盡,收工入機場,回港日又唔使即刻仆返工。

航班時間
香港 -> 首爾/仁川 (RS532)01:00 – 05:30
首爾/仁川 -> 香港 (RS531)20:10 – 23:00

包行李包飲品的廉航

雖然叫做廉航,但「首爾航空」的票價已包括15kg行李,而且機上還會提供飲用水與果汁,唔似那些一蚊都計到盡的廉航。鍾意去首爾瘋狂shopping的朋友可能要認真諗諗喇!

基本費用已包15kg行李!
追加行李方面,加每件15kg收₩60,000/約HK$414。

自選服務收費一覽

雖然票價已包行李費用,但跟一般廉航一樣,都有其他自選服務收你錢,如果要自選座位,收費₩15,000-30,000/約$103-207不等,飛機餐則由₩10,000/約$69起。不過要留意,「首爾航空」會收取no show費用,唔似HK Express咁,購票後唔搭都冇問題。

預先揀位費用₩15,000-30,000/約$103-207。

飛機餐選擇有炸魚薯條!
機票條款有以上細則,更改、退票及no show都有手續費。

機艙服務率先睇

去年「首爾航空」早就開通澳門航線, 以下找來試搭過「首爾航空」的博客小燦分享他的乘搭經驗,好讓大家決定下次有平機票搶唔搶好!

01 | 3+3座位陣式

全經濟艙,採3+3座椅陣列,第9排以及第22排右邊則是2人位。
全經濟艙,採3+3座椅陣式,第9排以及第22排右邊則是2人位。

不過要注意第22排對面是空姐座位,有機會要同空姐對住坐!

「首爾航空」座椅相距32吋(81cm),比HK Express闊10cm,雖然都唔算特別闊落,但對於腳長的朋友來講,至少對腳唔會無時無刻頂住前面座位咁辛苦!

即使前面的乘客完全後傾,座椅都唔會壓到膝頭。

另外,「首爾航空」的座椅並非採用現時廉航常用的超薄式,而是稍為有厚度。

這種座椅基本上只有一些大型航空公司的長途客機才會用到。

如果要優先選擇普通座位,「首爾航空」要₩15,000/約$102一程,比HK Express $45貴超過一倍。又或者可以在航班起飛前 48 小時至1小時到「首爾航空」官網辦理網上check-in,到時就可以免費揀座位。

不過第1、10、22排(緊急出口附近)全部座位,以及第23排的 F 座位這些比較好位置是無得選擇的。
不過第1、10、22排(緊急出口附近)全部座位,以及第23排 F 座位這些比較好的位置是冇得選擇的。

02|免費橙汁供應

飛機起飛後,空服會向每位乘客免費提供清水及橙汁。

所有食物都需要起飛前48小時預訂。如果有訂餐,空服會先確認,送完飲品之後無耐就會送上餐點。有三文治、意粉、海鮮料理、牛排等等,價錢₩9,000/約$61至₩15,000/約$102。

韓式拌飯₩15,000/約$102,味道不錯。而且碗並非塑膠製,算係為環保出一分力!

如果冇事先預約餐點但又肚餓,機上都有速食可以提供。

主要以杯麵為主。

03|座椅後竟有電視

機上每個座位都有一個6.5 吋觸控電視螢幕,解析度非高清但都算清晰,亮度都足夠。

廉航座位背後有電視!
廉航座位背後有電視!

可惜博客小燦乘搭當日,螢幕暫時只可以見到選單,節目中亦有兩套影片,但撳下去都係無法播放,只有在飛行途中由航空公司安排播放娛樂節目約40分鐘,其餘時間均播放飛行資訊。

未知到時香港啟航會唔會有改善呢?

螢幕下方有遙控器,設有閱讀燈開關掣以及空服呼喚鐘。

o4|備有USB叉電位

機上椅背有唔少方便設備,例如大家好多時都需要的 USB 叉電位,在飛機上補充一下電源完全冇問題,抵讚!

USB叉電位在廉航出現頗為難得!

USB插頭下方有一個小置物空間,可以放置眼鏡等小型物件,唔使怕放在雜誌袋內唔記得攞走。

這裡同樣係1個杯架,方便放飲品。

螢幕右方有一個鈎仔,可以掛外套或者眼鏡袋等。

另外每3個座位就會有插頭位,好多航空公司暫時都冇,在廉航有這樣的設施更加難得。

首爾航空

網址:flyairseoul.com

延伸閱讀:輕鬆平遊首爾!$500入住明洞新淨酒店

相關文章