去越南最麻煩,好多時候都不是買機票訂酒店,而是搞簽證!以往要去越南駐港總領事館辦簽證,每次收費HK$560,相當肉赤。依家只要喺HK Express 官網購買機票,就可以同時用US$5 申請越南簽證,絕對係又抵又方便!

text: Cynthia photo: Damy Mak、Sum.travel 深導遊、相關機構

有航班飛往越南峴港、芽莊的HK Express推出了全新服務,只要在網站購買機票同時畀多US$5,即可預先申請落地簽證,之後3-4個工作天內就會收到確認信,在越南落機後,就可直接前往櫃枱做落地簽證,相當方便!

HK Express 與越南官方合作,推出申請落地簽證服務。

如果趕住去越南,3-4個工作天都嫌太耐的話,可以申請快證,4-8小時就成功,費用只需US$32/HK$245。以後一搶到平機票即飛越南都冇問題喇!

如果要經常出入越南,可以申請多次進入的簽證,十分方便。

步驟1:買機票

由於是次簽證是HK Express與越南TravelMART的合作,因此一定要於HK Express網站購買越南機票,才可以享有優惠。

一定要在HK Express買機票,才可以享受優惠。

步驟2:申請許可證

於網站 http://vietnamquickvisa.com/?ref=hkexpress 填寫表格,包括個人資料、申請VISA的類型、選擇機場等等,申請落地簽證許可證。

先於網站上填寫簡單的個人資料。

步驟3:PayPal繳費或過數

完成填表後,即可選擇用PayPal或銀行轉帳付款,可惜沒有信用卡選項,普通證件為US$5,快證則要US$7。

繳費十分方便。

步驟4:等待確認信

繳費後,越南移民局會於3-4個工作天(一般證)/4-8小時(快證)將許可證透過e-mail傳送,記得一定要print 出來帶上機!

確認信會e-mail 送出,記得print 出來!

步驟5:帶埋相片及表格上機

出發前,要先在網上下載落地簽證申請表格,帶備2張證件相、確認信,以及US$25,就可以安心上機。

帶齊資料就可以安心上機!

落地簽證表格可以在機上填,唔記得print,都可以直接問空姐攞!

步驟6:落機排隊搞簽證

一落機,就要去counter遞交passport及上述資料,職員會統一收集,等待大約15分鐘後,就會完成簽證程序,統一發還passport,咁就搞掂越南VISA喇!

只需等待約15分鐘,就可以成功搞掂落地簽證。

職員會統一收發passport,很有系統。

Blogger實戰經驗分享

Blogger「Sum.travel 深導遊」早前試過此服務,從網上申請,到真正落地辦妥簽證,過程十分簡單,比以前去領事館搞又便宜又方便!

Blogger「深導遊」實測簽證。

注意事項 1:美金最好帶齊頭

我帶了US$100去付錢,結果他找回了美金加越南幣,計番我蝕咗啲錢!

Sum.travel 深導遊」出發時只有US$100美金大鈔傍身,結果當地職員沒有找回整數的美金給她,而是找美金加越南幣,計番發現自己蝕了US$0.4,蝕咗約HK$3!!!可以的話,帶齊頭US$25,就唔使找續!

唔想蝕錢,就唔好要當局找續!

注意事項 2:最好預早兩日申請

雖然網上聲稱只需3-4個工作天就會e-mail 許可證,但「Sum.travel 深導遊」表示等咗5、6日都未有消息!最後都要send e-mail 去詢問,先收到確認信。因此,最好預早一兩個星期處理,如果有意外就好麻煩!

唔想有咩意外,就最好早點申請!

網友留言:等極都收唔到回覆!

有唔少網友同樣表示,申請咗之後一直等不到回覆。HK Express表示,如果收唔到e-mail,可以e-mail/致電聯絡HK Express,會馬上幫忙處理。

 

相關文章