本欄講過恐怖上司、卸膊高層,今期輪到弱雞上司大現身!如果你仲以為做得上司一定有咁上下領導能力,少年你太年輕了!所謂時來運到,有些人上位確係因為順水推舟;而有些人雖有才華或賣力工作,但成為上司後的領導能力卻甚低,左搖右擺令下屬頭暈暈。

撰文:麻瓜鄧(原文刊於《新假期》網站

專家教睇 星座面相 誰是弱雞上司?

星座面相

麥玲玲Profile

屬馬的水瓶座,自小口齒伶俐、舉一反三;「我的志願」是上電視講十二生肖,廿年前夢想成真,如今微博的粉絲超過香港總人口。

玲玲姐金句:「聽講當年有啲大企業嘅boss真係會掉下屬嘅file落街,但現今太強勢都唔得啦!新一代香港人捱眼瞓、捱餓、捱窮都得,但捱鬧就唔得!其實做得上司太弱勢當然唔ok,但又要睇下面條team係咩類型,一凹一凸係最好。一係你自己放手,畀強勢嘅team去做事;自己話事?預咗下屬只係跟 order 做嘢囉。」

星座面相

01 | 眉尾下垂眼無神

眉尾下垂者性格多善良,但做上司則缺乏威嚴,太易讓步。相反,具威嚴的眉尾多上揚,尤其做紀律部隊的高層,更需具備「 關刀眉 」。而眼神也代表決斷力,若眼神散渙無神采,也是心志不堅定之象,難做大事。

02 | 鼻樑低扁

鼻形反映自信心,鼻高鼻大者較自我中心,做高層敢於發施號令;但鼻扁者則欠缺自信心,做事也會搖擺不定。

03 | 法令淺弱

若已年屆中年,但鼻翼兩旁延伸出來的法令看起來仍然淺弱無力,代表權力不足,宜留鬚於上唇。

04 | 奴僕宮凹削

奴僕宮即嘴角兩旁對下之位置,若凹削則代表下屬不聽話,易有陽奉陰違的情況。

俠女卜卜嬋教路:弱雞上司的三個星座

星座面相

俠女卜卜嬋 Profile
阿嬋的外衣、霍金的心智,鼓吹科學地看星座。2015起於大小市集及電台節目中出沒講占星。願望是人人都知道自己的上升星座。([email protected]俠女卜卜嬋

卜卜嬋金句:「星座可以分三組,冇乜領導能力的星座多數來自變動星座。開創星座有主見、唔弱雞;固定星座上到位的話都係有實力。但變動星座就可以隨環境改變,尤其當中的雙魚同雙子,雙魚係藝術家型,唔識做管理階層;雙子做人冇乜既定立場,要佢擔當重任好吃力。屬於固定星座的水瓶特別啲,一係好快辭職,一係長期唔走,做到高層機會都唔低。但水瓶冇乜「 人性的溫度 」又難以理解,teamwork好易出事。」

星座面相

第一位:雙魚座

雙魚雖然善解人意,但個性同時太柔軟又情緒化,很難成為有決斷力的上司,尤其在講究程序與系統的大機構中,更難成為高層。

1.易受情緒牽動,私人生活的煩惱常影響工作。

2.人生比較隨意,缺乏管理意識。

3.將下屬的事情全放在自己身上,做事拖泥帶水。

雙魚座明星代表

鄭中基 (1972年3月9日)

圖片來源:鄭中基(@tinyeyes39)Instagram

星座面相

第二位:雙子座

醒目的雙子容易成為小主管,但一旦成為真正高層便會暴露弱點,因為雙子整合能力偏弱,亦逃避擔當重任,欠缺大將之風。

1.臨場應對能力佳,但對事情難有長遠的全盤看法。

2.享受指揮或虛銜,但實際沒有足夠的領導能力。

3.一時一樣,令下屬難以信賴。

雙子座明星代表

杜汶澤(1972年6月8日)

圖片來源:田蕊妮(@tinyuilee)Instagram

星座面相

第三位:水瓶座

水瓶本身做下屬或上司都絕非弱勢,但自我主義太強,甚至認為沒有管理的需要,若工作很依賴團隊合作,會常令下屬難以適從。

1.情緒穩定,但有點唯我獨尊,只喜歡自己的想法。

2.法較奇特,但又不太願意就自己的決定作深入解釋。

3.較難體會下屬的需要,只希望別人不要左右自己。

水瓶座明星代表

楊千嬅(1974年2月3日)

圖片來源:楊千嬅(@yeungchinwah)Instagram

太陽或水星星座都關事!

如你的太陽或水星星座是人馬、白羊或水瓶,皆可參考以上的分析。要查知太陽星座以外的詳細星盤,可瀏覽「 占星之門 」 astrodoor.cc/horoscope.jsp( 須有準確出生時間)。

 

延伸閱讀:專家教睇 星座面相 邊個係命中注定異地戀!

延伸閱讀專家教睇 星座面相 | 硬頸情人排行榜

相關文章